writer1

Sevda Sultanova

Məqalə sayı

795
clock11:16 calendar-gray 03 Avqust 2012 view-gray2730 dəfə oxunub
view-gray2730 dəfə oxunub

Kinonun inkişafı üçün nə lazımdır?

Məsələn, təklif edirəm ki, rejissor peşəsi seçənlərə Kristofer Nolanın “Following” filmi tədris edilsin.

Nolan ingilis rejissorudur.

1970-ci ildə doğulub. 28 yaşında ilk tammetrajlı filmini “Following”i çəkib.

Filmin çəkilişləri ona nə az, nə çox 6 min dollara başa gəlib.

Halbuki, Azərbaycanda hər qısametrajli filmə ayrılan büdcənin həcmi 20-30 min manat civarındadır.

Üstəlik, bu büdcəylə əksər hallarda da ortaya urvatlı film çıxarılmır.

Nolan təcrübəsində bir daha göstərdi ki, rejissor hər şeydən öncə nə istədiyini biləcək.

Kreativ olmasa uğurlu nəticəni əldə etməyəcək.

Minimum büdcə daxilində xəyal gücünü işə salacaq. Başqa sözlə desək, böyük maliyyə vəsaiti tələb edilən kadrlarda, maliyyəyə ehtiyacı olmayan və ya az məsrəfli priyomlar, ifadə vasitələri tapacaq.
Axı, məhdud imkanlar beynin daha çevik işləməsini təmin edir. Təbii, beyni olanlar üçün.

Qorxmadan, çəkinmədən eksperimentlərə gedəcək.

“Following” alternativ kinodur. Festivallarda mükafatlar alıb.

Ssenarini də rejissor özü yazıb. Mövzu da bizə yad deyil.

Noir stilində lentə alınan triller gənc yazıçının polisə verdiyi ifadə ilə başlayır. O, tənhalıqdan küçədə insanları müşahidə edir, həm də əsərləri üçün xammal toplayır, sonda isə maddi ehtiyac onu cinayətkarlığa sürükləyir.

Zəruri qeyd: Film prokatda 40 min dollardan çox gəlir götürüb.

Dünən 114 yaşını qeyd edən qos-qoca kinomuzun inkişafı üçün daha nə lazımdır? Məsələn, tələbələrə usta rejissorların master klasslarının tədrisi.

Əminəm ki, “Fokus” jurnalının son sayında “Pedro Almodovardan kino dərsi” tələbəyə daha çox bilgi verəcək, nəinki nəzəri, akademik mühazirələr, yaxud “Əhməd haradadır” filminin yaranması tarixindən danışmaq.

Kino sənətində dirçəlişin hansısa kino təşkilatlarının, qurumların yox, kreativ düşünən, məmurluq iddiasından uzaq, ənənəvi yaradıcı qaydaları pozan qrupların, çoxlu studiyaların meydana gəlməsinin hesabına olacağına inanıram. Necə ki, Avropa kinosu təcrübəsində bunu təsdiqlədi.

...Bu arada Azərbyacan kinosu 114 yaşını Elxan Cəfərovun Qarabağ müharibəsindən danışan “Dolu” filminin premyerası ilə qeyd etdi. E.Cəfərovun filmləri ayrı yazının mövzusu olduğundan bir-iki məqamı deməklə kifayətlənəcəm.

Müharibəni yaşayan Aqil Abbasın sseanrisi tamaşaçıya o dövrün gerçəkliyini bir daha görmək imkanını verir. Döyüş səhnələri keyfiyyətli həll olunub. Musiqidən ifrat istifadə olunsa da, təhkiyə daha çox “ekşn” üzərində qurulsa da, ümumiyyətlə, müharibə fonunda insan taleyi xətti dərin işlənilməsə də, hər halda “Dolu”ya hər bir azərbaycanlının baxması vacibdir. Əsas odur ki, filmdən sonra təəssürat qalır.

Tədbirdə bu sahədə külüng çalmış, saç ağartmış kino işçilərinə mükafat da verildi.

Məncə indiki halda Azərbaycan kinosuna ən böyük mükafat - prokatı olmayan kinomuzun uzərindən verginin götürülməsi, ildə 3-5 qısa filmi istehsalata buraxmaqdansa, 20-30, lap 40 ssenarinin kiçik büdcələrlə maliyyələşdirilməsi, bununla daha çox rejissora öz potensialını göstərmək şansının verilməsi olardı.

Bu həm də ona görə vacibdir ki, əvvəl-axır dialektikanın dəyişməyən - kəmiyyətdən keyfiyyətə keçmə qanunu reallaşacaq.
REKLAM

Yazarın digər yazıları

Xəbər lenti

Bob Dilan 8 il sonra sükutu pozdu
18:07 28 Mart 2020
Pandemiya günlərinin Təpəgözü
17:33 28 Mart 2020
Gənc şair karantindən şeir yazdı: Mənə kölgəni göndər
16:41 28 Mart 2020
Özünə gizli toy eləyən, içkiyə qurşanıb ailəsini atan, yataqdan videosu yayılan reper – Maraqlı faktlar
15:40 28 Mart 2020
Tanınmış müğənnidən cəsarətli addım: "Bir-birimizə dəstək olaq"
14:50 28 Mart 2020
Şahbaz Xuduoğlu: "Kitab sifariş edən daha çox yaşlılardır"
13:17 28 Mart 2020
Seymur Baycandan yeni yazı - Bu əcinnə gərək mənim qarşıma çıxaydı?
12:23 28 Mart 2020
Nazirlik televiziya kanallarına filmlərlə bağlı müraciət etdi
11:28 28 Mart 2020
Respublika Uşaq Kitabxanasından balacalara tövhə
10:14 28 Mart 2020
Masonların sirrini açan bəstəkarı əslində kim öldürüb? - "Sehrli fleyta"nın sirri
09:00 28 Mart 2020
Azərbaycanlı jurnalist vəfat etdi
21:58 27 Mart 2020
Xalq artisti torpağa tapşrıldı - Belə dəfn görmədiniz - Fotolar
16:49 27 Mart 2020
Qan qoxulu Kolizey - Şəhla Nihandan yeni hekayə
16:41 27 Mart 2020
"Evdə qal" aksiyası Bakıda bədii kitabların satışını artırıb
15:39 27 Mart 2020
Onun çılğın yanğısı, həzin iniltisi... - Dilruba
14:30 27 Mart 2020
Atasına görə adı dəyişdirildi, sevdiyi oğlan Səməd Vurğunun qızıyla nişanlandı, 40 yaşda ailə qurdu – Müğənnimizin film kimi həyatı
13:33 27 Mart 2020
Azərbaycanın Xalq artisti vəfat edib
12:44 27 Mart 2020
Böyük dilçimizin yanıldığı məqam
11:40 27 Mart 2020
Vudi Allenin kitabı çıxdı
10:20 27 Mart 2020
Avtobusda məni şərləyən gəlin - Bircənin romanı
09:02 27 Mart 2020