writer1

Ulucay Akif

Məqalə sayı

18
clock10:29 calendar-gray 21 Fevral 2018 view-gray364 dəfə oxunub
view-gray364 dəfə oxunub

13 yaşında zorlanan qızın məktubu

Kulis.az Ulucay Akifin "13 yaşlı qadın" adlı essesini təqdim edir.

Siz daha əvvəl heç 13 yaşı olan qadın görmüşdünüz? Qəribə səslənir bilirəm, amma belə də olur. Mən 13 yaşımda qadın oldum.

Hər şey bir ay əvvəl baş verdi. Əslində nəyin necə baş verdiyini özüm də anlamadım, amma məhz o gecə baş verən hadisədən sonra on üç yaşı olan qadına çevrildim. Bir ay əvvəl məndən sadəcə bəkarətimi yox, uşaqlığımı, yeniyetməliyimi, gəncliyimi də oğurladılar. On üç yaşlı qadın olduğumu dedim? Yox! Məndən qadınlığımı da oğurladılar!

Düzü hələ heç nəyi tam dərk etməsəm də zaman keçdikcə bu hadisənin travmasını daha da çox hiss edəcəyimi bilirəm. O gecə olanları heç vaxt tam xatırlamayacam, amma heç vaxt unutmayacağıma da əminəm.

Həmin gecədən sonra hər dəfə anam mənim yatıb-yatmadığımı yoxlayanda özümü yuxuya getmiş kimi aparıram. Anam gedənkimi isə gözlərimi açıb baxışlarımı tavana zilləyirəm və düşünməyə başlayıram.

Artıq mənə toxunacaq hər əldən qorxacağımı anlayıram. Əlimdən tutacaq sevgilim, ya ərim olacaq kişi də mənə yadımda qalmayan həmin gecəni xatırladacaq. Çünki hər bədənimə toxunulanda içimdə ağrı qarışıq qorxu yaranır. Sevdiyim adam bədənimə toxunanda necə ağrıyacağımı indidən hiss edirəm və gözlərim dolur.

Hələ gələcək bir yana, insanların mənə indi göstərdiyi münasibət də məni çox incidir. On üç yaşım var, amma anam mənə elə acıyaraq baxır ki, mən də pis oluram. Hələ atamın baxışlarını görəndə içim parçalanır. Hərdən elə bilirəm ki, anamdan fərqli olaraq o mənə acımaqla yanaşı həm də nifrət edir. Atamın mənə baxaraq ağladığını görəndə istəyirəm yaxınlaşıb saçını sığallayım, təsəlli verim, amma cəsarət etmirəm. Bu baş verənlərdən sonra danışmağı heç istəmirəm də.

İçimdə böyük bir günah hissi var. Bu hiss elə bir hissdir ki, baş verənlərə görə məni qınadığını, məni günahlandırmağa başladığını düşünürəm və bu hissin məni heç vaxt tərk etməyəcəyindən qorxuram. On üç yaşım olsa da insanların mənə həmişə yarı acıyaraq, yarı da günahlandıraraq baxacağını hiss edirəm.

Mənim isə həmişə on üç yaşım olacaq. Sevgilimin əlindən tutanda da, ərimin qoynuna girəndə də, övladımı qucağıma alanda da. Həmişə on üç yaşındakı uşaq kimi qalacam. Həmin gecəni heç xatırlaya bilməsəm də, heç vaxt unutmayacam.

REKLAM

Yazarın digər yazıları

Xəbər lenti

Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020