news-inner
clock15:30 calendar-gray 07 Noyabr 2017 view-gray139 dəfə oxunub
view-gray139 dəfə oxunub

Sevgi kəpənəkdi, bir gecəlikdi... – Elvin Bakiroğlundan YENİ ŞEİR

Kulis.az Elvin Bakiroğlunun “Sevginamə” adlı yeni şerini təqdim edir.

sevginamə

sevgi - sandıqdadı, çemodandadı

sevgi - intiqamda, sevgi qandadı.

sevgi - nəfsimizdə, qarnımızdadı,

sevgi - ağzımızda, burnumuzdadı.

sevgi - ovcumuzun içində yalan,

sevgi - əlimizin çölündə qalan.

sevgi - gözümüzün görmədiyi yer,

sevgi - gözümüzdə tozlu snayper.

sevgi - kəpənəkdi, bir gecəlikdi,

sevgi - oyunluqdu, əyləncəlikdi.

sevgi - uzaqlarda at oynadandı,

sevgi - yaxınlarda su qaynadandı.

sevgi - o yanlarda şəkil çəkdirir,

sevgi - bu yanlarda əzab çəkdirir.

sevgi - o tərəfdə yurd-yuva salır,

sevgi - bu tərəfdə oteldə qalır.

sevgi - bir otelin pəncərəsidi,

sevgi - bir pəncərə mənzərəsidi.

sevgi - pəncərədə öpüşmək deyil,

sevgi - mənzərədə görüşmək deyil.

sevgi - örtülən bir qapı səsidi,

sevgi - gedən ayaqqabı səsidi.

sevgi - ayrılıqdı yol ortasında,

sevgi - ağlamaqdı düşmən yasında.

sevgi - ucalmaqdı torpağa sarı,

sevgi - yıxılmaqdı üzü yuxarı.

sevgi - can verməkdi heç nəyin üstə,

sevgi - yaşamaqdı ürəyin üstə.

sevgi - bir qurtum su, bir dilim çörək,

sevgi - duz kimidi, sevgilim çörək.

sevgi - kasıblıqdı, kasıbçılıqdı,

sevgi - oğurluqdu, qəsbçilikdi.

sevgi - tapılmaqdı, tutulmamaqdı,

sevgi - ömrülük unudulmamaqdı.

sevgi - darıxmaqdı, sevgi özləmək,

sevgi - heç vaxt gəlməyəni gözləmək.

sevgi - haqlı olarkən belə susmaq,

sevgi - özündən zəifə uduzmaq.

sevgi - dan yeridi, sevgi sübh çağı,

sevgi - öyrədəndi günü saymağı.

sevgi - saatdadı, təqvimlərdədi,

sevgi - havadadı, iqlimlərdədi.

sevgi - yandırandı qarda, yağışda,

sevgi - üstümüzü açandı qışda.

sevgi - yuxumuzu azdıran küçə,

sevgi - şeirimizi yazdıran gecə.

sevgi - yanında biri var hissidi,

sevgi - dörd divarın beşincisidi.

sevgi - çıxarmaqdı ikini təkdən,

sevgi - danışmaqdı özünlə bərkdən.

sevgi - oxumaqdı bir adın üstə,

sevgi - pıçıldamaqdı asta-asta.

sevgi – Məcnunun dilində elə hey:

sevgi - Leyla, sevgi - Leyla, sevgi - Ley…

news-inner-user
Elvin Bakiroğlu

22 məqalə

Paylaş

Oxşar xəbərlər

Xəbər lenti

“O əsəri oxuyan yataq xəstəsi olmalıdır...” – Mətləb Muxtarov yazır
16:27 19 Oktyabr 2019
“YUĞ”da “Lənət” olacaq
15:20 19 Oktyabr 2019
Bakıda məşhur yazarın seminarı keçirilib - Fotolar
14:34 19 Oktyabr 2019
Təşəkkür borcu - Hekayə
13:02 19 Oktyabr 2019
Qadın stendap deyə bilərmi? – Soğru
12:04 19 Oktyabr 2019
Nazim Əhmədlidən yeni şeirlər kitabı
11:19 19 Oktyabr 2019
Vilnüsdə Azərbaycan musiqisi dinlənib
10:22 19 Oktyabr 2019
Ərini terrorla sağaldan qadın
09:00 19 Oktyabr 2019
Məhəmməd peyğəmbərdən həyat dərsi
21:00 18 Oktyabr 2019
Filmimiz beynəlxalq kinofestivalda
18:45 18 Oktyabr 2019
Azərbaycan kinosunun inkişafı ilə bağlı xərclər 6 milyon manat artırılır
18:17 18 Oktyabr 2019
Quşları heç kəs öpmür – Salam Sarvandan tərcümələr
17:46 18 Oktyabr 2019
Günel Natiqin kitabı çıxdı
17:01 18 Oktyabr 2019
Şoka düşən Bakı, diri-diri yanan əsgərlər, 5 dəqiqənin hökmü - Səbuhi Sədəf yazır...
16:16 18 Oktyabr 2019
Performativ meditasiya: Eucenio Barbanın tənqidi – Aydın Talıbzadə yazır...
15:47 18 Oktyabr 2019
“Bir şeir” müsabiqəsinin mükafatlandırma mərasimi - Video
15:14 18 Oktyabr 2019
Azərbaycan teatrının Oyun Babası - Vaqif İbrahimoğlu 70
14:21 18 Oktyabr 2019
Milli azlıqların antologiyası təqdim olunub
13:41 18 Oktyabr 2019
Bir qrup mədəniyyət xadiminə mükafatlar təqdim edilib - Fotolar
13:02 18 Oktyabr 2019
İsi Məlikzadənin hekayələri Kulis-də
12:51 18 Oktyabr 2019