writer1

İlqar Rəsul

Məqalə sayı

110
clock10:00 calendar-gray 24 Sentyabr 2011 view-gray1082 dəfə oxunub
view-gray1082 dəfə oxunub

Nəvə olmaq istəyi

Nənəmi hamıdan çox mən istəyirdim.

Elə o öləndə də hamıdan çox mən ağlamışdım.

Zirzəmiyə girib xəlvətcə uzun parcaya bükdüyüm şəklini açır, baxır ağlayırdım...

Ölümündən bir müddət sonra tez-tez yuxuma girməyə başladı. Üç qat tumanı əynində, yun şalı belində, hökmü sifətində. Hər dəfə də bir təpənin üstü ilə harasa gedirdi. Görən kimi çağırırdım, dayanırdı. “Məni də özünlə apar” - deyib ayaqyalın qaçırdım ona tərəf. Gülüb “Nənən qurban, get ayaqqabılarını geyin, gəl”, - deyirdi.

Hər dəfə də ayaqqabılarımı geyinib qayıdanda görürdüm nənəm yoxdur, gedib.

Müxtəlif fasilələrlə bir xeyli davam etdi o dünya ilə bu dünya arasındakı bu qaçdı-tutdu oyunu.

Onda mən üçüncü sinifdə oxuyurdum. Bir gecə hamıdan xəlvət ayaqqabılarım ayağımda yatdım. Amma yuxuda yenə ayaqyalın idim...

O gecədən sonra nənəm bir də heç vaxt yuxuma gəlmədi. Böyüyəndə bildim ki, sən demə, yuxuda ölən adama qoşulub getmək pis əlamət imiş. Və öz aləmimdə anladım ki, ölənə qədər bütün tapşırıqlarını həvəslə yerinə yetirdiyim nənəm niyə məni özü ilə aparmırmış...

İndi mənim bəzi tay-tuşlarımın nəvəsi var. Yəni nəvə dövrüm artıq xeyli uzaqdadır. Amma yenə də bəzən çox narahat olanda, gecə ürəyimdən ayaqqabılı yatmaq keçir. Gəlsin aparsın deyə...

Hardasa təpənin üstündə qat-qat tumanlı, beli yaylıqlı, zəhmli bir arvad görsəniz, bilin ki, o, mənim nənəmdi – Güldəstə. Deyin, mən yenə nəvə olmaq istəyirəm. Ona su gətirmək, papiros almaq, təndirə çırpı yığmaq, bəhməz bişirəndən sonra teştin kənarlarındakı şirəni dırnağımla qoparıb çeynəmək, axşam hinə salmazdan əvvəl toyuqları saymaq və gecə onun ayaqları altında yatmaq istəyirəm.

Ağladım...
REKLAM

Yazarın digər yazıları

Xəbər lenti

Leyla Əliyevanın kitabı təqdim olundu - Foto
14:19 10 Aprel 2021
Qürbətdə ayağım torpaqda ağlar - Azad Yaşardan yeni şeirlər
13:34 10 Aprel 2021
Göy üzünü Tanrı bilərdik - Fəxri Müslümdən şeirlər
12:21 10 Aprel 2021
Sizə həsəd aparıram - Fransada yaşayan azərbaycanlı yazıçı yazır
11:22 10 Aprel 2021
Məşhur repçi narkotikdən öldü
10:10 10 Aprel 2021
Psixoloq Elnur Rüstəmov: “Müharibə bizi koronavirusa yoluxmağa qoymadı” – Müsahibə
09:01 10 Aprel 2021
“Fəryad”ın çəkilişində ona sui-qəsd təşkil etmişdilər – Ceyhun Mirzəyevdən maraqlı faktlar
21:01 09 Aprel 2021
Azərbaycanlı rəqqas Rusiyada fəxri ada layiq görüldü
18:46 09 Aprel 2021
Xanım İsmayılqızı yeni kitabından danışdı
18:02 09 Aprel 2021
Flora Kərimovanın ürəyi dayanıb? - Açıqlama
17:21 09 Aprel 2021
Hamı şeirlərini əzbər bilir, amma heç kəs tanımır – Sözü özündən məşhur şairimiz
16:37 09 Aprel 2021
13 yaşlı Selcandan yeni hekayə
15:49 09 Aprel 2021
Məşhur aktrisa vəfat etdi
15:04 09 Aprel 2021
Xalq rəssamı: "Atam əsir düşəndə Almaniyada Rəsulzadə ilə görüşüb" – Müsahibə
14:17 09 Aprel 2021
Siyavuş Novruzovun axtardığı söz – Sərdar Amin yazır...
12:38 09 Aprel 2021
Trampın köməkçisi dörd milyonluq kitab yazacaq – Müqavilə bağlanıb
12:01 09 Aprel 2021
Xalq artisti xəstəxanaya yerləşdirilib
11:18 09 Aprel 2021
Pulun çaşdırdığı Əlixan Rəcəbov
11:04 09 Aprel 2021
Günün şeiri: Leş
10:30 09 Aprel 2021
Əfqanıstanla mədəni əlaqələr qurulur: Nazir səfirlə görüşüb
10:17 09 Aprel 2021