Dünyanın ilk sevgi şeiri - MƏTN

4000 illik sevgi şeiri.

1889-cu ildə Bağdadın 150 km yaxınlığındakı Şumer şəhəri Nippurda bir tablet tapıldı. Bu tableti 1955-ci ildə amerikalı şumeroloq Samyuel Kramer deşifrə etdi. Həmin tabletdə bir sevgi şeiri vardı, şeirin hekayəsi belədir: Şumer inancına görə torpağın bərəkətli və məhsuldar olması üçün gərək kral ildə bir dəfə Bərəkətə və Sevgi ilahəsinin yerinə, bir rahibə ilə evlənsin. Böyük ehtimalla tabletdəki şeir də kral Şusin ilə evlənmək üçün seçilmiş gəlin tərəfindən törəndə oxunmaq üçün yazılıb.

Şumer şairi Ludingirranın şeirini təqdim edirik:

Damadım, qəlbimin sevgilisi,

Gözəlliyin böyükdür, baldan dadlıdır

Aslanım, qəlbimin qiymətlisi,

Gözəlliyin böyükdür, baldan dadlıdır.

Mənim qiymətli sığallarım baldan dadlıdır

Yataq otağında bal doludur,

Gözəlliyinlə zövqə dalaq,

Aslanım, səni sığallayım

Mənim dəyərli sığalım baldan dadlıdır.

Damadım məndən zövq aldın

Anama de sənə gözəl şeylər verəcək,

Atama de sənə hədiyyələr verəcək

Sən məni sevdiyin üçün.

Mənə sığalını lütf et

Mənim tanrım, mənim qoruyucum.

Tanrı Ellilin qəlbini məmnun edən Şusinim

Lütf et mənə sığalını.