writer1

Könül Cəfərli

Məqalə sayı

71
clock13:23 calendar-gray 14 Avqust 2017 view-gray469 dəfə oxunub
view-gray469 dəfə oxunub

Rusiyadan gələn ərə dualı yemək yedizdirənlər

Könül Cəfərli

Əmin olun ki, tərəqqi ancaq qafanın içi ilə mümkündür. Ondan kənarda nəyi necə dəyişirsinizsə dəyişin, inkişaf olmayacaq. İstər dünyanın ən hündür binasında yaşayın, son model telefon işlədin, Eyfel qülləsindən selfi paylaşın, şortik geyinin, tatu edin, qəlyan çəkin, bir sözlə müasir hesab etdiyiniz bütün əməllər və nəsnələr qafanızın xaricindədirsə, çifayda!

Bunu niyə yazıram? Qonşuların ağız büzdüyü alicənab və müasir kürəkənə görə. O kürəkən ki, ailəsi ilə Bakıda yaşayır, Gəncəyə qayınatasıgilə yay məzuniyyətinə gəlib. Gələn bir gündən qonşuların müşahidəsi altındadır. O sağ olmuş da camaata hər gün yeni “tema” verir. Bir gün arvadına səslənəndə “canım” deyir, o biri gün taksiyə minəndə qız üçün qapını açır, dayanacaqda arvadının saçını tumarlayır, döymür, söymür, qadınların əlində yük görəndə cumub torbalarını alıb daşıyır. Bir sözlə, özünü bir təhər aparır e, heç mentalitetə-zada əməl etmir.

Arvadların sözü ilə desək, belə səy əməllərinə görə də kişilər onu saya saymır, arvadlar arxasınca lağlağı edir. Elə üzünə söz vuranlar da olur: “Ay qadan alım, arada bir çayxanaya da get, gör bizim kişilər neyniyir orda”. Demək istəyirlər ki, yəni bizim kişilərə bax, özünü elə apar. Amma bu kürəkən sözə məhəl qoymur, elə öz bildiyini edir. Hələ dahası da var, lap biabırçısı. Qayınanasına “mama” deyirmiş. Buna görə küçənin arvadları yazığın arxasınca ta nə demirlər ki? Bambılı, arvadağız, matışka… Hələ öz aralarında zarafat da edirlər: “aaz, onu deyirəm e, o qaynanasına “mama” deyən oğraşı”.

Mədəni, tərbiyəli, qadına qarşı böyük hörmət və nəvaziş göstərən kürəkən barədə lağlağıları eşidəndə əlim üzümdə qalırdı. Elə bil o məhlədən heç 20 il ötməyib. Mən uşaq olanda camaat hansı məsələləri müzakirə edirdisə, elə eyni “tema”lar gündəmdədir. Hələ də evdə qalmış qızının bəxtini açmaq üçün anası falçılar gəzir, qaynana övladı olmayan gəlini ocağa aparır, qadın ərini evə bağlamaq üçün oğul doğur. Özü də bunu edənlər cahil, oxumamış adamlar deyil ha, müəllimələr, həkimlər, yəni ali təhsilli insanlardı.

Həm diplomları var, həm də özlərini müasir hesab edirlər. Elə o falçılar gəzən qız əlindəki telefondan tutmuş əyin-başınadək müasirdi. Dindirsən Ancelina Colini bəyənməz. Bəlkə də görünüşə görə haqlıdır, belə baxırsan vid-fasonu heç avropalıdan, amerikalıdan geri qalmır. Di gəl, düşüncə, dünyagörüşü ötən əsrə aiddir. Oturub bir kəlmə söhbət etmək olmur, ağzını açanda elə bilirsən Mirzə Cəlilin Danabaş kəndindəsən. Bir əlində qurdalandığı telefona baxırsan, bir də qafasına, əks qütblərdi: müasir telefon və Novruzəlidən qalma qafa.

Hələ o Rusetdəki ərini Tanyadan soyutmaq istəyən var ha, kişi ildə bir dəfə ölkəyə gəlir, onda da arvadı səhərdən axşamadək “dua”lı yemək yedizdirir. Falçının sözü ilə lap iyrənc vasitələrə əl atan qadınlar da olur, ta orasını yazmıram ki, oxuyanda ürəyiniz bulanmasın.

Dediyim odur ki, inkişaf üçün gərək qafalar müasirləşsin. O, dəyişməsə, harada yaşamağın, necə geyinməyin, nə yeməyin, hara getməyin xeyri yoxdur. Əks halda nə illah etsəniz, boğazdan aşağı olacaq Coli, boğazdan yuxarı Şəhrəbanu. Parisi partlatmaq istəyən Şəhrəbanunu deyirəm. Qafasız olmur, yoldaşlar, vallah, olmur. Arada o “lazımsız” başı da yada salın.

REKLAM

Yazarın digər yazıları

Xəbər lenti

“Ulduz” jurnalının yeni nömrəsi işıq üzü görüb
19:20 26 Yanvar 2021
Nizami ilə bağlı müsabiqə elan olundu - Şərtlər
18:42 26 Yanvar 2021
Dəlisov yellərə məndən salam de - Natiq Əlisoyun şeirləri
17:29 26 Yanvar 2021
O, çayxana filosofudur - Nabokovdan Sartr haqqında sərt sözlər
16:44 26 Yanvar 2021
Harri Potter serial olur
16:08 26 Yanvar 2021
Miri Yusif "Yaşat" fondu üçün konsert verəcək
15:29 26 Yanvar 2021
Zeynəb Xanlarova ilə oxumaqdan imtina etdi, yoldaşı ilə 55 il nikahsız yaşadı, qızının dəfninə getmədi – Xalq artistindən maraqlı faktlar
14:50 26 Yanvar 2021
Fellininin prodüseri vəfat etdi
14:02 26 Yanvar 2021
Akif İslamzadənin albomu yeni onlayn platformada - Foto
13:20 26 Yanvar 2021
Nazirliyin yeni komandası film çəkilişlərinə qarışacaqmı? – Gənc rejissor yazır
12:40 26 Yanvar 2021
Müharibədə iştirak edən ilk qadın müğənni: O, ilk konsertindən cəmi bircə manat qazanmışdı – Aygün haqda bilmədiklərimiz
12:01 26 Yanvar 2021
İsa Hüseynovun hekayəsi "Dünya novellası antalogiyası"nda
11:35 26 Yanvar 2021
Rasim Balayev: “Çəkildiyim filmlərə baxanda pis oluram”
10:26 26 Yanvar 2021
Aygün 50 yaşını yeni kliplə qeyd etdi - Video
10:00 26 Yanvar 2021
İncəsənət Muzeyinin direktoru "Qızıl ulduz" medalı ilə təltif edildi
09:30 26 Yanvar 2021
Ölən uşaqlar Kürün quru yatağında ora-bura qaçırdılar – İlham Əzizdən yeni hekayə
09:00 26 Yanvar 2021
Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021