writer1

Səhər Əhməd

Məqalə sayı

197
clock11:41 calendar-gray 09 Avqust 2017 view-gray685 dəfə oxunub
view-gray685 dəfə oxunub

Dayıoğluyla bibiqızının söhbətinə pis baxanlar

Səhər Əhməd

Bu yaxınlarda olmuş əhvalatdır; şəhərdən getmiş iki yeniyetmə-14 yaşlı dayıoğlu və bibiqızı kənddə bulaq başında oturub deyib –gülürmüşlər. Səbəbi anlamasalar da hiss edirlər ki, yanlarından keçən yerlilər onlara qəribə, sanki bir qədər qəzəblə baxır. Bir azdan qonaq qaldıqları evin qadını utana-utana uşaqlara yaxınlaşıb bəyan edir ki, kəndin içində belə deyib-gülmək olmaz, camaat pis baxar.

Uşaqlar o qədər təəccüblənmiş, elə bir travma almışdılar ki, ən çox da qız onsuz da iri olan gözlərini bir az da bərəldib əl-qolunu ölçə-ölçə “nə üçün axı?”, “niyə axı?” tipli iri çaplı suallarla məni elə atəşə tutmuşdu ki, onu cavab atəşi ilə susdurmaq heç cür mümkün deyildi. Mən bu uşağa anlada bilməzdim ki, 45 ildi arasında yaşadığım bu adamların məntiqi heç mənə də aydın deyil.

Bu camaat üçün bu iki uşaq iki yeniyetmə, iki yaşıd, iki dost, iki qohum, sirdaş, belə lap dərinə gedəndə iki insan ola bilməzdi və sadəcə qohumcasına, dostcasına, yaşıdcasına, uşaqcasına, insancasına və nəhayət, azad və xoşbəxtcəsinə deyib –gülə bilməzdi. Bu camaat üçün onlar yeniyetməlik yaşına çatmış iki əks cinsdən başqa heç kim deyildi.

Ruslar xalaoğlu, əmioğlu, bibioğluya “dvaynoy brat” deyir, bizsə ən yaxşı halda onların kəbinini göydə kəsilmiş hesab edib evləndirir, sevgisizliyə, bir-birinə nifrət etməyə, xəstə uşaq dünyaya gətirməyə, travmalı övladlar yetişdirməyə vadar edirik.

Xalid Hüseyninin çox sevdiyim bir fikri var: “Biz ənənələri sevir, qaydalara isə nifrət edirik”. Təbii ki, müəllif “biz” deyəndə burda öz millətlərini nəzərdə tutub. Amma düşünürəm, millət olaraq bu fikri bölüşməyə bizim də tam haqqımız çatır.

Qadağaları ənənəyə çevirməkdə məqsəd nədi, axı biz qadağan meyvənin necə bir cazibə yaratdığını hələ Həvva anamızın təcrübəsindən bilirik. Əgər belə olmasaydı, mühafizəkar mühitlərdə qurd quzuyla otlayardı. Halbuki əsrlərdir əksini görürük, uşaq zorlayan, qız qaçıran, canım sizə desin, anasının əmcəyini kəsənlər ən çox bu millətlərdən çıxır. Vəziyyət mənasız olduğu qədər də qaranlıq və bəlkə də elə mənasız olduğu üçün də qaranlıqdı.

Bu hadisənin iştirakçıları belə onu unutmuş olar artıq. Mənsə hələ də özümə çarpaz suallarla əzab verirəm. Gəldiyim nəticə isə budur: bizim toplum xoşbəxt ola bilmir, mutsuzluğunun heyfini isə bir-birindən, ən çox da istisnalardan-azad və xoşbəxt, ədalətli, həm də cəsarətli, haqlı və buna rəğmən şanslı insanlardan. Yoxsa insanlar bir-birinə qarşı niyə belə qəzəbli olsun ki...

REKLAM

Yazarın digər yazıları

Xəbər lenti

Pamuku təzə romanına görə niyə linç edirlər?
16:20 14 Aprel 2021
Anar qazi-şairlərlə görüşüb
15:40 14 Aprel 2021
Öləcəyini bilə-bilə vertolyota minən Milli qəhrəman - Türkiyə prezidenti ondan nə xahiş etmişdi?
14:55 14 Aprel 2021
Ruhumuzun mistikası - Ibrahim Ibrahimli yazır
14:12 14 Aprel 2021
Ziyalılar Prezident Administrasiyasına müraciət etdi
13:31 14 Aprel 2021
Şah İsmayıl Xətainin kitabı nəşr olundu
12:47 14 Aprel 2021
Azərbaycandan borc istəyən Atatürkün məktubu - Nadir fakt
12:05 14 Aprel 2021
Kanalizasiyada ölən Əhməd məhəlləni necə xilas etdi?
11:25 14 Aprel 2021
“Tik-tok”da videosu çıxdığına görə döyülən qadın
10:44 14 Aprel 2021
Tanınmış rejissor vəfat etdi
10:15 14 Aprel 2021
"Ürəyim istəyən qədər boşboğazlıq etmək istəyirəm" - Seymur Baycanla müsahibə
09:00 14 Aprel 2021
Mərakeşdə Azərbaycanla bağlı kitab nəşr olundu
18:59 13 Aprel 2021
Gənc yazarla görüş keçiriləcək
18:08 13 Aprel 2021
44 günlük müharibəyə həsr edilən şeirlər kitabı çıxdı
17:21 13 Aprel 2021
Bir əliylə köksünü tutmuş... – Orxan Vəlidən seçmə şeirlər
16:45 13 Aprel 2021
Niyə kitab oxumalıyıq?
15:54 13 Aprel 2021
Kamal Abdullanın hekayəsi Gürcüstanda çap olunub
15:01 13 Aprel 2021
Övladı olmadı, Azərbaycanı biryolluq tərk etdi, gözləri tutuldu... – Kinomuzun Humayı hardadır?
14:10 13 Aprel 2021
Atatürkün pencəyi satışa çıxarıldı
13:37 13 Aprel 2021
Operator qızın soyuq səsi - Orxan Cuvarlı yazır
13:18 13 Aprel 2021