writer1

Könül Cəfərli

Məqalə sayı

71
clock11:01 calendar-gray 02 Avqust 2017 view-gray396 dəfə oxunub
view-gray396 dəfə oxunub

Kreditə şuba alanlar

Başqa toplumlarda bilmirəm necədir, amma azərbaycanlıların “kasıbçılıq” kimi bir kompleksi var. İctimai sindrom da demək olar. Yoxsul güzəranı ilə bahalı əşya, geyim alanların çoxu bu kompleksin zibilinə düşənlərdi. Adam az qala maaşının yarısını hər ay kreditə verir, təki “kasıbdır, ucuz telefon işlədir” deməsinlər.

İnsanlar kasıb olmalarından utanırlar. Biri 5 manata kofta alır, amma qiymətini dost-tanışdan gizlədir. Soruşan olanda azı elə 5 dəfə məbləği artırıb elə cavab verir. Yaxud da toya gedir, rəfiqəsinin zinət əşyalarını alıb taxır. Bilməsinlər ki, qızılı, brilyantı yoxdur.

Bir qohumum var, güc-bəla ilə dolanır. Oğluna 700 manata telefon alıb. Deyir, çayxanada hamının telefonuna fikir verirlər, kasıb olsaq da, balam niyə dost-tanışdan geri qalsın? İstədim soruşum ki, yaxşı, bəs bu çayxanaya gələnlərin avtomobili yoxdur? Sabah uşaq bahalı avtomobil istəsə necə olacaq? Amma ürəyi partlamasın deyə dinmədim.

Varlı görünmək, zənginlərlə ayaqlaşmaq istəyi camaatı qırıb batırır. Yoxsa yoxsul büdcənı sıxıb-sıxıb niyə bahalı restoranda ad günü keçirsinlər ki? Kasıbsan, ayağını yorğanına görə uzat, nəyə gücün çatırsa, onu ye, onu geyin. Ta niyə özünü kreditlərlə boğursan ki?

Kasıblıq kompleksini yaşayan adamları 2 qrupa bölmək olar. Birinci zümrə varlı fonu yaratmaq üçün elə imkanlılardan istifadə edir. Çalışır zənginlərlə dostluq qursun, onların çevrəsində olsun. Buna nail olanlar da var, 1-2 dost-tanış qazana bilirlər. Amma nəticəni əldə edənək dəridən-qabıqdan çıxırlar. Varlı ilə ayaqlaşmaq sizə asan gəlməsin. Onun bir neçə şubası var, sən də gərək heç olmazsa, birini alasan. Varlı üçün geyim kolleksiyası yığmaq problem deyil, amma yoxsul təkini alanadək nə əziyyətlər çəkir-borc, kredit, sələm...

Adətən bu qrup kasıbların hüzuru olmur. Davamlı yarış halında yaşayır və heç vaxt da kompleksdən xilas ola bilmirlər. Varlılarla təmas və yoldaşlıq onlarda kasıbçılıq sindromunu həmişə təzə saxlayır. Özü də 2 qat- həm özlərinin, həm də varlıların yaratdığı kompleksi yaşayırlar.

Keçək ikinci zümrəyə. Bu qrup yoxsullar elə özləri kimi kasıb adamları hədəf seçirlər. Onlar da büdcəni aşan alış-veriş edir, varlı görünməyə can atırlar. Amma birincilərə nisbətən daha rahat zəngin havası ata bilirlər.

Görünən odur ki, bir tərəfdən kreditlərin stresi, o biri yandan kompleksin verdiyi mənəvi narahatçılıq adamların həyatını zəhərə döndərir. Dəyərmi bir ömür bu qədər zülm çəkməyə? Yoxsulluq ayıb deyil ki. Niyə gizlədir, utanırsınız?

Əgər hələ də kasıblıq kompleksindən maddi-mənəvi əziyyət çəkirsinizsə, sizə xilas yolunu təklif edə bilərəm. İlk öncə kasıb olduğunuzla barışın, qəbul və elan edin. Bunu sosial şəbəkədəki hesabınızı açıb, yoxsul olduğunuza dair status paylaşmaqla da edə bilərsiniz. Yazdınızmı? İndi dərindən nəfəs alın. Vəssalam!

REKLAM

Yazarın digər yazıları

Xəbər lenti

Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021