writer1

Sevinc Elsevər

Məqalə sayı

114
clock09:54 calendar-gray 27 İyul 2017 view-gray521 dəfə oxunub
view-gray521 dəfə oxunub

No inşallah!

Bu günlərdə əlimdə mətbəx işi gördüyüm yerdə oğlum mənə dedi ki, nə vaxt kitab mağazasına getsək, mənə oyuncaq da alarsan?! Orda bir oyuncaq görüb bəyənibmiş. Mən də başımı işdən qaldırmadan dedim ki, hə, baxarıq, baxarıq! Qəfil üz-gözünü turşudub əlini əlinə vurdu: “Eşşş, baxarıq heç vaxt almayacam deməkdi!”

Mat qaldım. “Baxarıq, baxarıq” - deyə-deyə gör nə qədər vəd verib əməl eləməmişəm.

Bu yerdə yadıma əcnəbilərlə işləyən bir yaxınımızın danışdığı əhvalat düşdü. Deməli, italyan yoldaşa bizim azərbaycanlı sözünün əvvəlində də, sonunda da “İnşallah, inşallah” söz verməyə başlayıb. Bu vaxt italyan yoldaş iki əlini də göyə qaldıraraq, etiraz eləyib: “No inshallah! No inshallah! I need now!”

Yeri gəlmişkən, elə bilirdim “inşallah” deyə olacaqları gözəgörünməz qüvvələrin üstünə atmaq, hər şeyin məsuliyyətini uca Tanrıyla paylaşmaq təkcə biz müsəlmanlardadı. Sən demə, ispanların da “İnşallah” kimi məşhur kəlməsi varmış. Bunu da bu günlərdə Corc Oruelin müəllifi olduğu “Kataloniyaya məhəbbətlə” əsərini oxuyarkən öyrəndim.

Yazıçı İspaniyada könüllülər dəstəsində olarkən, ispanları yaxşıca müşahidə eləmək imkanı qazanır. O, yazır ki, İspanlarla təmasda olan əcnəbilərin hamısı onların astagəlliyindən, ən başlıcası heç bir əndazəyə sığmayan qeyri-dəqiqliklərindən dad edirdi. İstəyib-istəməsə də, əcnəbinin mütləq öyrəndiyi bir ispan sözü vardı. Bu, “manana” kəlməsi idi. Mənası “ertəsi gün”, “sabah” deməkdir. İspanlar ələ ən kiçik imkan düşən kimi bu gün görülməli işi həvəslə “Manana”-ya saxlayırdılar.

Bizim də bu günün işini sabaha qoyan “İnşallah”, “Allah qoysa” kəlmələrimiz var. Bu kəlmələrlə bütün məsuliyyəti özümüzdən uzaqlaşdıra bilirik.

“İnşallah, bir gün Qarabağda, Şuşada deyək, gülək, oynayaq!” ...

25 ildir bu sözləri eşidirəm.

Televiziya şoularının birinə nigeriyalı iki tələbəni çıxartmışdılar. Bu tələbələrin azərbaycanca öyrənmək həvəsini aparıcı şövqlə təqdim edirdi. Tələbələrə mikrofon uzatdılar. Elə ilk cümlələrdən tələbənin biri nə desə yaxşıdır: “İnşallah, bu cür verilişləri Qarabağda hazırlayarsız, biz də gəlib qonaq olarıq!”

Bilmədim ağlayım, ya gülüm.

Bu gün 6 yaşında uşağın “Baxarıq” kəlməmə etiraz etməsi xoşuma gəldi. O, sövq-təbii hisslə anlayıb ki, bu kəlmə təhlükəli kəlmədi, adamı geri salan kəlmədi. Əgər “Baxarıq” deyə söz verirlərsə, aldanmaq olmaz! Başqa bir kəlmə tələb etməlisən.

Daha dəqiq, daha etibarlı olanını.

Bizdən sonrakı nəsil deyəsən bizə oxşamayacaq.

REKLAM

Yazarın digər yazıları

Xəbər lenti

Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021
Özü torpağın altında, saatı cibimdə... - Orxan Cuvarlı yazır
10:09 30 İyul 2021
Tural Abbaslının hay-küyü, Aysel Əlizadənin kukla eksperimenti - “Elin sözü” düzdürmü?
09:01 30 İyul 2021
Ən gözəl sevgilərlə xərçəng belə sağalar - Bahar Zamanının şeirləri
21:00 29 İyul 2021
Kino Günü açıq havada qeyd olunacaq
18:06 29 İyul 2021
Müəllifi kim öldürüb? - Qismət yazır...
17:20 29 İyul 2021
Azərbaycan almanlarından bəhs edən kitab çıxdı
16:51 29 İyul 2021
Dünya şöhrətli musiqiçi vəfat etdi
16:07 29 İyul 2021
APA TV-yə yeni baş direktor təyin olundu
15:21 29 İyul 2021