writer1

Ayxan Ayvaz

Məqalə sayı

524
clock13:01 calendar-gray 10 İyul 2017 view-gray510 dəfə oxunub
view-gray510 dəfə oxunub

Anar niyə məmurluğu seçdi?

Anar müəllimin APA -ya verdiyi sonuncu müsahibəsini oxudum. Hələ də onun dəyişilməyən fikirlərinə baxıb təəssüfləndim.

Düz 30 il keçdi. 30 il.

Bu 30 ildə nələr oldu nələr. Kimlər dəyişdi gözümüzün qabağında, ancaq Anar öz Anarlığına sadiq qaldı.

Mənim 25 yaşım var. Yəni Anarın Yazıçılar Birliyinin sədrliyindən 5 yaş balacayam.

5 il əvvələ baxıram... Necə də dəyişmişəm. İnkişaf etmişəm, çoxlu kitablar oxumuşam, çoxlu filmlərə baxmışam. Hələ üstəlik AYB-nin üzvü də olmuşam. Sonra üzvlükdən çıxmışam. Söyülmüşəm, döyülmüşəm, təriflənmişəm.

Hər yaşın öz hökmü var. Bəlkə də Anar müəllim mənim yaşımda olanda da dəyişikliyə, inkişafa bağlıydı. Oxuyurdu, dostları ilə görüşüb yazdığı əsərləri müzakirə edirdi. Qələmini ədəbiyyat naminə sınayırdı, yazıb-yaradırdı. Bəlkə də. Kim bilir?

Mən həmişə içimdə Anar müəllimi yazdığı bir-birindən gözəl əsərlərə görə bağışlamışam. Hər dəfə onun haqqında sərt danışılanda bir anlıq düşünmüşəm: Axı, “Ağ liman”, “Mən, sən, o və telefon”, “Əlaqə”, “Dantenin yubileyi” kimi əsərləri yazan bir yazıçıdan niyə belə danışırlar? Anar gözəl yazıçıdır. Nə oldu da birdən-birə onu yazıçı kimi yox, sədr kimi şərh etdilər?

Məsələn, gəlin müsahibədə Anarın səsləndirdiyi fikirlərə diqqət kəsilək: “Nankorluq mənim ədəbi siyasətimi bəyənib-bəyənməmək məsələsi deyil, nankorluq həmişə yaxşılıq etdiyim, həmişə səndən xeyir görən birisinin birdən dönük çıxması, çörəyi dizinin üstündə olmasıdır. Bu isə tamamilə başqa məsələdir. İkincisi, on bir yox, yüz on bir nəfər də haqsız ola bilər. Mənim tək bir özümü haqlı saymağım haqqında sizin fikrinizin müqabilində onu deyə bilərəm ki, bu məsələdə mən heç də tək deyiləm. Məni dörd qurultayda açıq səsvermədə yekdilliklə sədr seçən, mənim ədəbi siyasətimi qəbul edən yüzlərlə yazıçı hər halda on bir nəfərdən çoxdur.”

Sizcə, bunu deyən bir yazıçıdır, yoxsa AYB sədri?

İllərdir (30 il!) Anar müəllim yazıçı yox, sədr olduğunu bəyan etməklə məşğuldur.

AYB sədri olsun, məmur olsun, problem deyil. Burda nə var ki?

Amma Anar müəllim məhz bu postda olduğu üçün tənqidlərə tuş gəldiyini nəzərə alıb niyə yazıçılığını qabağa vermir?

Yoxsa o gənclik ehtirası sona çatıb?

Yazdığı əsərlər Anar müəllimin sədrliyinin beşinci mərtəbəsinin altıncı mərtəbəsinə niyə yüksələ bilmir?

Hələ də Anar müəllim müsahibədə qəzəblidir. Tam bir sədr kimi danışır. Məsələn, o müsahibədə Anar müəllimin adını silib hansısa məmurun adını yazsaq heç nə dəyişməz.

Nə yazıq ki, Anar məmur olmağı seçdi. Bu müsahibədə də o fikir açıq-aydın görünür. Halbuki, “Dantenin yubileyi”nin müəllifi üçün AYB sədrliyi heç nə olmalı idi. Əvvəl onu daş-qalaq edən gənc yazarların yerinə, indi oxucular ona daş atır. Qəribə taledir!

Anar müəllim AYB-də yer alanların onu dəstəklədiyini düşünüb feyziyab olmaqda olsun, amma sən sosial şəbəkədə fırtınalar əsdirən gənclərə bir bax! Anar müəllim heç vaxt bu gəncliyə qalib gələ bilməyəcək.

Deyir, Mircəfər Bağırov olmasaydı, hansısa sürgündə çürüyəcəkdim. Ailəsini sürgündən xilas edən Bağırova təşəkkür edən Anar görəsən ona “dönük çıxan” hansı yazıçının dərkənarına “ostavit” sözünü yazdı. Ona qarşı çıxan hansı yazıçı haqqında öz həqiqi sözünü dedi?

30 il keçdi. Düz 30 il. Anar müəllim dəyişmədi. Mən dəyişdim, siz dəyişdiniz, ölkə dəyişdi, əziz oxucular, ancaq Anar müəllim dəyişmədi. Hələ də gənclərə qəzəblidir, hələ də sədrlik kreslosundan bərk-bərk yapışıb.

“Dantenin yubileyi” isə Anarsız öz ömrünü davam etdirir...

REKLAM

Yazarın digər yazıları

Xəbər lenti

Stalinin əlindən qaçdı, Məkkədə yaşadı, üç arvad aldı - Leninin müsəlman qardaşı
15:33 16 İyun 2021
Rüşvət alan kişilərin arvadları haqda 10 cümlə
14:45 16 İyun 2021
Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021