news-inner
clock12:50 calendar-gray 29 İyun 2017 view-gray387 dəfə oxunub
view-gray387 dəfə oxunub

Sən yoxsan...

Nuray Nur

Sən yoxsan

Sən yoxsan... ürəyim viranə qalmış,

Dünyası dağılmış xarabalıqdır.

İçində nə arzu, nə istək, nə kam,

Nə də açılacaq sabahı qalmış.

Sən yoxsan... uçurur küncü, bucağı,

Acı bir tüğyanla həsrət yelləri.

Gəlib qulağıma uğultusuyla,

Söyləyir sevgimdən hicran nəğməsi.

Sən yoxsan... gözlərim səbr edə bilmir,

Tökür damla-damla yağmur selini.

Qürurum həsrətə hökm eylədikcə,

Varlığım daha da əyir qəddini.

Sən yoxsan... ayağım sən gedən yolu,

Hər gün addımlayır belədən-belə.

Halbuki öncələr o yol, o izlər,

Dönmüşdü mənimçün sanki müşkülə.

Sən yoxsan... amma mən sənləyəm indi,

Hələ getməmisən ömrümdən mənim.

Yoxluqda elə bil varmışsan kimi,

Hər anım, dəqiqəm sənlədir, gülüm.!

Sən yoxsan...kaş ki, bu olaydı yuxu,

Oyana biləydim intizarından.

Duraydın önümdə varlığın ilə,

Bitəydi içində itdiyim yuxu.

Sən yoxsan...əslində “Varsan” deməkdir.

Çünki varlığına bağlıyam sənin.

O gün ölümümü anlaram, inan,

Əgər yoxluğunu anlamış olsam.

***

Çox şey var bildiyim susuram amma,

Dillənsəm utanar çoxları məndən.

Dilim çox yalvarır susmağa qoyma,

Ürək əl çəkməyir səbrlərindən.

İllərdir beləcə səbr etməkdəyəm,

Əgər səbrim bitsə mən ölməkdəyəm.

Çıx otaqdan

Ürəyindən mənlə bağlı sil hər şeyi,

Nə geri dön, nə də boylan

səssiz-səssiz, danışmadan,

Barmağının lap ucunda, aram-aram,

birdəfəlik çıx otaqdan.

Ümid etmə baxışlarım gəzər səni,

arzularım dilər səni oyananda.

Elə get ki, bunnan belə,

xoşbəxtliyi duya bilim yoxluğunda.

Sənə aid uşaqlıqdan bu günədək,

nə var isə hər şeyi al!

Elə al ki, nə tıqqıltı, nə də səs sal!

Barmağının lap ucunda, aram-aram,

birdəfəlik çıx otaqdan.

Səhər səni görməyəndə

qoy sevinim uşaq kimi,

ürəyimdə şah eləyim cəsarəti, mərdliyimi.

Qürurum var deyə-deyə susmayım mən innən belə,

Lazım gəlsə hayqırışla səs də salım Yerə, göyə.

Təki sən get!

Barmağının lap ucunda, aram-aram,

birdəfəlik çıx otaqdan.

Bilirəm ki, gedişinlə oyanacam,

bitəcək bu kabus yuxu,

çünki ancaq səndən gəlir başa gələn qəmin çoxu.

Varlığımda olmayacaq yerin daha,

dilimə də gəlməyəcək adın, qorxu!

Təki sən get, get, ay qorxu!

Barmağının lap ucunda, aram-aram,

birdəfəlik çix otaqdan!

Bu qış qar olacam...

Bu qış qar olacam, yağacam yerə,

Hər yerin kirini gizlədim deyə.

Günə yalvaracam çıxmasın hələ,

Çirkab çürüyərək hopmamış yerə.

Bu qış qar olacam, yağacam yerə,

Oynasın uşaqlar qoy sevinc ilə.

Onlar ki, az dadır indi sevinci,

Bir az şənlənsinlər mənimlə birgə.

Bu qış qar olacam, yağacam yerə,

Torpağı doydurum susuz qalmasın.

Yatmış toxumlara, köklərə belə,

Verəcəm nurumu səxavət ilə.

Bu qış qar olacam, yağacam yerə,

Tənha, unudulmuş məzar üstünə,

Yaş tək süzülərək onun bağrına,

Elə o məzarda yatanla birgə,

Onu ağlayacam övlad yerinə.

news-inner-user
Kulis+

628 məqalə

Oxşar xəbərlər

Xəbər lenti

Oğullarına Koroğlunun dəlilərinin adını qoyan ata - Şahmarın hekayəsi
09:00 02 İyun 2020
Dahilərin Tanrı haqqında aforizmləri
21:00 01 İyun 2020
Xalq artsiti koronavirusdan öldü
18:50 01 İyun 2020
"Kənddə kələm əkmək onunla yaşamaqdan maraqlıdır" - Sevda Sultanova ilə müsahibə
18:21 01 İyun 2020
Nazim Hikmət adına fond yaradıldı
17:39 01 İyun 2020
Uşaq teatrı iyun repertuarını açıqladı
17:02 01 İyun 2020
"Açar" - Reyhan Yusifqızıdan uşaq hekayəsi
16:21 01 İyun 2020
Gənc Tamaşaçılar Teatrının iyun repertuarı
15:43 01 İyun 2020
Məsciddə öldürülən dahi azərbaycan şairi – Maraqlı faktlar
15:00 01 İyun 2020
Uşağına pensiya fondu kimi baxan azərbaycanlılar – Yalçın İslamzadə yazır...
14:17 01 İyun 2020
Tanınmış rəssam vəfat etdi
13:41 01 İyun 2020
Anarı, Qabili, Fikrət Qocanı, Əkrəm Əylislini belə görmədiniz – Yazıçıların uşaqlıq fotoları
13:03 01 İyun 2020
Şəkidə peyda olan ayı bizə nə dedi?
12:28 01 İyun 2020
Onlar ən məşhur Azərbaycan uşaqlarıdır – Fotolar
11:42 01 İyun 2020
Yazıçımızın hekayəsi İran ədəbiyyat portalında
11:15 01 İyun 2020
"Harri Potter"in müəllifi oxuculardan üzr istədi
10:25 01 İyun 2020
Leyla Bədirbəylinin 100 illiyi münasibətilə poçt markası buraxılıb
09:44 01 İyun 2020
Rübabə Muradovanın qızı: "Atam anama səhnədə güllə atdı, o da atamı tutdurdu" - Müsahibə
08:58 01 İyun 2020
7 dahinin yazmaq haqda fikirləri
21:01 31 May 2020
Fransız opera müğənnisi vəfat etdi
19:07 31 May 2020