writer1

Sabir Rüstəmxanlı

Məqalə sayı

5
clock16:30 calendar-gray 24 İyun 2017 view-gray410 dəfə oxunub
view-gray410 dəfə oxunub

Əsgərə məktub

Kulis.az Sabir Rüstəmxanlının əsgərə məktubunu təqdim edir.

Əziz əsgər!

İnsan bəlli bir yaşa çatandan sonra xalqının bütün gənclərini, bütün yeni nəsli öz övladı bilir. Mən də sizin hamınıza bir gözlə baxır, sizi bir-birinizdən və indi hərbi xidmətdə olan nəvəm Nihaddan ayırmıram.

Mənim uşaqlığım ucqar və kasıb bir dağ kəndində keçib, kiçik yaşlarımdan ata-anamın köməkçisi olmuş, həyatın bütün çətinliklərini görmüşəm.

Tələbəlik illəri də mənə çox şey verib, həm oxuyub, həm işləmiş, çoxlu dostlar qazanmış, universiteti fərqlənmə diplomu ilə bitirmişəm. Lakin bir illik əsgər həyatında yeni bir universitet keçmiş, dünyanın yeni bir üzünü görmüş, çiynimdəki paqonun da ali məktəb diplomu kimi dəyərli bir kimlik bəlgəsi olduğuna inanmışam.

Siz fəxr etməlisiz ki, Müstəqil Azərbaycanın ordusunda xidmət edirsiniz.

Biz kitablarımızla, yazılarımızla, Meydan mübarizələrimizlə, parlamentdəki fəaliyyətimizlə bu müstəqilliyi qazandıq. Onu qorumaq vəzifəsi Sizin boynunuza düşür.

Əziz əsgər! Özünə sayqı göstərən bir millət torpaqlarının düşmən işğalında olmasına dözməz. Nə qədər ki, erməni Dağlıq Qarabağda at oynadır bizim gözümüzə yuxu getməməlidir! Hərbi xidmət bir gün başlanır, bir gün bitir. Lakin bizim xidmətimiz Qarabağ torpaqları azad olunana qədər bitməməlidir. Çiynimizdə paqon olsa da olmasa da!.. Xilası kənarda axtarmayın, xilas Sizin özünüzsünüz!

Siz xoşbəxtsiniz ki, yad ellərdə yox, doğma Azərbaycanda qulluq edir, Azərbaycan bayrağına and içir, əmrləri Azərbaycan dilində eşidirsiniz.

Bizim vaxtımızda başqa cür idi. Sovet ordusu bizə ögey baxırdı. Lakin indi ordu da, onun adı da, gücü də, şərəfi də sizindir, bizimdir!

Vətənimizi sevirsinizsə ordumuzu sevin, əyninizdəki əsgər mundirini sevin! O zaman xidmətiniz toy-bayrama çevriləcək.

Qəhrəmanları tarixdə axtarmayın. Hər biriniz qəhrəman olun!

Güclü ordumuz olmasa – güclü Vətənimiz olmaz!

Siz şərəfli bir Millətin övladısınız! Bu şərəfi qoruyub öz övladlarınıza ötürmək borcunuzdur.

Məktubumu əsgər olduğum vaxt yazdığım bir şeirlə tamamlayıram!

Əsgər mahnıları

Çöllərdən,

İllərdən ötüb keçərək

Qırıb sərhədləri,

yorub yolları.

Əsgər addımları dəmir mizrabtək

Çalıblar

sim kimi tarım yolları...

Min səsin qaynağı bir igid səsdən

Dağlar silkələnib,

çöllər dinibdir.

Ən cəsur mahnılar

torpağın üstə

Əsgər addımıyla bəstələnibdir.

Döyüşdə gözünə çilənsə də qan,

Təmizdir,

ləkəsiz zirvə qarıdır.

Mahnılar əsgərin güllə batmayan

Alınmaz, basılmaz qalalarıdır!..

Hər çöldən bir hava,

hər eldən bir səs,

Gör necə həsrətdən doğulubdur o.

Əsgər mahnıları qocalıq bilməz,

Gəncliyin qanıyla yoğrulubdur o.

Allah sizi və Vətənimizi qorusun!

Hər birinizi bağrıma basıb öpürəm.

Sevgi və sayqılarla

Sabir Rüstəmxanlı

Azərbaycan Xalq Şairi.

Qeyd:Siz də Azərbaycan əsgərinə ürək sözlərinizi yazmaq istəyirsinizsə,esgeremektub.comsaytına daxil olun və məktubuzu yazın. Məktublarınız 26 iyun – Silahlı Qüvvələr Günündə əsgər və zabitlərimizə çatdırılacaq.

REKLAM

Yazarın digər yazıları

Xəbər lenti

Fermada yaşayan prezident
21:01 20 Fevral 2020
Yazıçımızın kitabı rus dilində - "Əsir qadın"
18:49 20 Fevral 2020
Coys ildırımdan, Hiçkok yumurtadan, Hitler sudan qorxurdu - Məşhurların qeyri-adi qorxuları
18:11 20 Fevral 2020
Rejissor və ailəsi koronavirusdan dünyasını dəyişdi
17:28 20 Fevral 2020
Albalı ağacı - Hekayə
17:04 20 Fevral 2020
Osmanlı sultanının cib saatı satışa çıxarıldı
16:30 20 Fevral 2020
Nüfuzlu film festivalına start verildi
15:48 20 Fevral 2020
Tanrının qısqandığı qadın - Şəhla Nihandan yeni hekayə
15:09 20 Fevral 2020
Gənc pianoçumuza "Qran-pri" verildi
14:30 20 Fevral 2020
"Qladiator"un qəhrəmanı vəfat etdi
13:52 20 Fevral 2020
Silvestr Stallone tanınmaz halda - Foto
13:12 20 Fevral 2020
Qızı ona görə özünü öldürdü - Tanınmış şairdən maraqlı faktlar
12:27 20 Fevral 2020
Qadın başı kəsən Manaf Ağayev
12:02 20 Fevral 2020
AYB-dən cavab gəldi: "Qurultayın vaxtı payızda təyin olunacaq"
11:20 20 Fevral 2020
Azərbaycanlı aktyorun rol aldığı "Tomris" filmi nümayiş olunacaq
10:47 20 Fevral 2020
Gənc yazar Anarı sərt tənqid etdi: “Qanun tanımırsız!”
10:22 20 Fevral 2020
Azər Paşa Nemətov böyüklüyün nümunəsidir – Cavid Zeynallı yazır...
10:01 20 Fevral 2020
Dünya şedevrinin baş qəhrəmanı Azərbaycan filmində
08:59 20 Fevral 2020
Umberto Eko nəyə nifrət edirdi? - Həyat hekayəti
21:01 19 Fevral 2020
“Xocalı-şəhid şəhər” rəsm müsabiqəsinin yekun sərgisi açılacaq
18:35 19 Fevral 2020