news-inner
clock10:12 calendar-gray 21 İyun 2017 view-gray267 dəfə oxunub
view-gray267 dəfə oxunub

Yay qalereyasında sərgi açılıb

İyunun 20-də YAY qalereyasında “Dəniz və dağlar arasında” adlı qrup sərgisi açılıb.

Mədəni və şəxsi mənsubiyyət suallarını araşdıran Azərbaycan rəssamlarının iki müxtəlif nəslinin əsərlərini bir araya gətirir.

“Dəniz və dağlar arasında” sərgisi müstəsna olaraq Azərbaycanın coğrafi və tarixi kontekstindən çıxış edir, həm avropalı, həm də asiyalı olan, mədəni identikliyini ərəb, fars və rus təsirləri altında formalaşdırmış türkdilli xalq haqqında danışır.

Gənc rəssamlar Zamir Süleymanov və Emin Əzizbəylinin həmmüəllif olduqları qısametrajlı “Astar” filmi gənc oğlanın həyatda tutduğu adi işlərdən bəhs edir. Gerçəkliyin təxəyyülə qarışdığı bu film quraşdırma mühit konseptini, eləcə də şəxsiyyətin kimliyinə bu mühitin necə təsir göstərməsini araşdırır.

Nadir Eminov “Bəhram Gur və Əjdaha” instalyasiyasında Bakıda son illər aparılan yenidənqurma işlərinə münasibətini bildirir. Rəssamın fikrincə, ictimai əraziləri üzlük daşları ilə yerli-yersiz örtmək tendensiyası kitç mədəniyyətindən başqa bir şey deyil.

Zamir Süleymanovun “Dağlar! Dağlar!” adlı 7 ekranlı videosu Naxçıvanın yeddi müxtəlif dağ zirvəsi fonunda telefonla danışan kostyumlu kişiləri təsvir edir. Videoda iki müxtəlif - sosial və mifoloji baxış nöqtəsi yozulur. Rəssam birincisində “xüsusi əhəmiyyətli insan” fiqurunu yaradırsa, mifoloji yanaşmada 7 rəqəminin müqəddəs olmasını və əfsanəyə görə, Nuh peyğəmbərin gəmisinin Naxçıvan dağlarında, petroqlifləri ilə məşhur olan Gəmiqaya adlı yerdə lövbər salmasına işarə vurur.

Fərhad Fərzəliyev “Gələ, sənə iki şirvan! Qoy cibivə” əsərində sovet dövründə hər kəs üçün əlçatan olan parçanın üzərinə uşaqlıqda eşitdiklərimiz sözləri kiril əlifbası ilə həkk edir. Bununla rəssam son 80 il ərzində Azərbaycan əlifbasının rəsmən üç dəfə dəyişdirilməsini vurğulayır.

Aida Mahmudovanın “Adsız” tablosu seyrçini nostalji duyğuların qanadlarında melanxolik mənzərəyə uçurur. Əsər dünya xəritəsində Azərbaycanın hazırkı mövqeyinin təcəssümüdür.

Parisdə yaşayan azərbaycanlı rəssam Babi Bədəlov söz birləşmələrindən yaratdığı əsərlərində mənşə və irs, o cümlədən regionun ideologiyasının formalaşmasında əhəmiyyətli rol oynamış dəyərlər mövzularını əhatə edir.

Fərid Rəsulov “Memarlıq dixotomiyası” silsiləsindən olan “Adsız” heykəlində iki iri beton blok arasına incə şəbəkəni yerləşdirib. Şəbəkəni Azərbaycanı simvolizə elementi kimi qələmə verən rəssam ölkənin regionda tutduğu geosiyasi mövqeyini göstərir.

Elturan Məmmədovun “Adsız yüksəkliklər” adlı instalyasiyası Azərbaycanın mürəkkəb geosiyasi reallıqlarına münasibət qismində çıxış edir. Müəllif məşhur “Google Maps” proqramından istifadə edərək, Dağlıq Qarabağda işğal altında olan və daim atəşə məruz qalan adsız yüksəkliklər və onların ətraflarında olan yaşayış məntəqələrinin yaşayışı problemlərinə toxunur.

Tahir Salahovun “Novxanı ziyarətgahı” tablosu xalqın irsi identikliyi mövzusuna toxunur. Azərbaycanın hər yerində rast gəlinən, lakin İslam dininə zidd olan ziyarətgahların mövcudluğu faktı paradoksal haldır. Lakin bu, insanların onlara inamını azaltmır...

Məmmədhüseyn Hüseynovun “Xınalıq” adlı əsəri Azərbaycanın şimalında Böyük Qafqaz dağlarının yüksəkliklərində yerləşən eyniadlı kəndin mənzərəsini təsvir etməklə yanaşı, fərqli dili və adət-ənənələri, unikal memarlıği və mədəniyyəti olan etnik qrupun mövcudluğuna diqqəti cəlb edir.

Sentyabrın 29-dək davam edəcək sərginin kuratorları Björn Geldhof və Fərəh Ələkbərlidir.

news-inner-user

19003 məqalə

Oxşar xəbərlər

Xəbər lenti

Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021
Qızını məcbur aborta göndərdi, 17 yaş kiçik aktyorla eşq yaşadı, övladı ilə eyni xəstəxanada can verdi – Xalq artistindən 10 inanılmaz fakt
12:17 11 İyun 2021