news-inner
clock21:00 calendar-gray 20 İyun 2017 view-gray231 dəfə oxunub
view-gray231 dəfə oxunub

Məmməd İsmayılın YENİ ŞEİRLƏRİ

Kulis.az məşhur şair Məmməd İsmayılın yeni şeirlərini təqdim edir.

Onun da bir belə günləri vardı

Onun da bir belə günləri vardı,

Əriyib gedərdi güney qarında;

Bulaqlar başında fikrə dalardı

Qalardı gözləri yaz sularında…

Fikrini çaşdıran hansı ətirdi

Kimdi ovunduran könlü təkləri

Sulara qoşulub axıb gedərdi

Qarşıda arzunun gələcəkləri…

Sabahın canında cavanlıq çağı,

Torpağın ruhunda bahar buxarı;

Necə tökülürsə payız yarpağı,

Əriyib gedirsə necə yaz qarı…

Həvəsdən qulağı darı dəlirdi,

Daşını atırdı yetim təkliyin.

Bilmək istəyirdi hardan gəlirdi

Yazbaşı coşqusu gül-çiçəkliyin…

Gözündə gözəldi dünyanın əksi,

Hələ yuxudaydı vaxtın kini də.

Hardan gəldiyini bilmirdi şəksiz,

Bilmirdi haraya getdiyini də…

Sabahdan gəlirdi gənclik sorağı,

Ruhunu ünvansız hisslər sarırdı.

Kölgədə dən gəzən quşlara baxıb

Kim bilir, nə qoyub, nə axtarırdı.

Payız dağlarının qisməti çənmiş...

“…Unutma ki, bu dünyada
sözlərini dərd eləmək oldu peşəm…”

İllər ümidini alıb apara
Tamarzı qalasan bir xoş kəlməyə.
Hardasa bir ürək haray qopara
Duyasan, əlindən bir şey gəlməyə…

Kimin əlindədir qıymasın ömrü,
Qalmağa yeri yox, gələn gedərmiş.
Sonra bilərsən ki, hər yazın ömrü
İydə çiçəyinin ömrü qədərmiş…

Bu necə yarışdı sonu heç-heçə
Yerdə ürək para, göydə ay para.
Vətəndə qəlbindən qəriblik keçə
Qürbət ayıq düşüb alıb apara…

Çox olsa özünə ərk eləyərsən,
Payız dağlarının qisməti çənmiş…
Səksənə çatanda dərk eləyərsən
Ağıldan keçənlər başa gələnmiş…

Yerlərə göylərin sevgisi varsa,
Yerə də, göyə də yarıyar ağac.
Kökü gedib-gedib daşa çıxarsa,
Ən üst budağından quruyar ağac…

Ayrılıq dönəndə ögey vərdişə
Payıza bənzəyər ötüb kəçən yaz;
Araya qaranlıq gecələr düşər
Axşamın səhərdən xəbəri olmaz..

Bulaqdı çağlayan, sulardı axan
Gözündə yerlərlə göylər birləşir.
Tumurcuq gözüylə çevrilib baxan
Çiçəklər arxanca nə fikirləşir…

Sehirmi yer ilə göy görüşməsi
Göyə canatımlar inaddan deyil.
Sevgi anıları - dil sürüşməsi
Hələ ilhamnandı həştaddan deyil.

news-inner-user

17111 məqalə

Oxşar xəbərlər

Xəbər lenti

Döyüşçü oğlunu ağladan səbəb - Hekayə
16:17 26 Noyabr 2020
“Qarabağ”ın Qarabağ qələbəsi – Ulucay yazır...
15:34 26 Noyabr 2020
İstedadı ilə hamını heyrətləndirən, iki dəqiqəyə qızların sevimlisinə çevrilən, gənc yaşında “yüksək doza”dan ölən azərbaycanlı şair – Maraqlı faktlar
14:53 26 Noyabr 2020
"Can Azərbaycan" adlı müsabiqə elan olundu
14:10 26 Noyabr 2020
Qəriblik - Əli Şirindən şeir-esse
13:32 26 Noyabr 2020
Xalq artistindən sürpriz Şuşa açıqlaması
12:53 26 Noyabr 2020
Cavanşir Quliyev: "Bakıda lazım olduğuma əmin deyiləm" - Müsahibə
12:11 26 Noyabr 2020
Əməkdar artist vəfat etdi
11:39 26 Noyabr 2020
Aqşindən Seymur Baycana reaksiya: "Onu oxumuram"
11:09 26 Noyabr 2020
Xəlil Rza Ulutürkün bacısı dünyasını dəyişdi
10:17 26 Noyabr 2020
Maradonanın ən böyük peşmanlığı - Ayxan Ayvaz yazır...
10:00 26 Noyabr 2020
Bombardmandan Azərbaycan bayrağını çıxaran gəncəli Xəyyam: “Gördüm, qızımın başından qan axır”
09:00 26 Noyabr 2020
İşğaldan azad olunan 700 yaşlı abidəmiz
18:52 25 Noyabr 2020
“Can Qarabağ” deyən uşaqlar
18:10 25 Noyabr 2020
Erməniyə zorla ərə verilən qızın Xocalıdan qaçış planı - Yeni hekayə
17:29 25 Noyabr 2020
Azərbaycanlı yazarın pyesi Batumidə tamaşaya qoyulacaq
16:49 25 Noyabr 2020
Azərbaycanlı yazıçı dünyasını dəyişdi
16:04 25 Noyabr 2020
"Yetim qızsan, qıvrıl, yat!" - Seymur Baycandan Aqşin Yeniseyə sərt tənqid
15:20 25 Noyabr 2020
Kəlbəcərli şair Sücaətin qardaşı: “Onun baş daşına ölüm tarixi yazılmayıb” – Müsahibə
14:40 25 Noyabr 2020
Məşhur aktrisa vəfat etdi
13:57 25 Noyabr 2020