news-inner
clock09:00 calendar-gray 20 Aprel 2017 view-gray321 dəfə oxunub
view-gray321 dəfə oxunub

Yeşilcam ulduzunun film dolu HƏYAT HEKAYƏSİ

Son illərin ən böyük bəlası olan xərçəng xəstəliyi sənət cameəsindən də yan keçmir. Aprelin 19-da Türkiyənin məşhur aktyorlarından biri də xərçəngdən dünyasını dəyişdi. O, yüzdən çox filmdə rol almış Bülənt Kayabaşdır. Kulis.az Bülənt Kayabaşın həyat hekayəsini təqdim edir.

Həyatı

Yeşilçamın məşhur aktyorlarından biri Osman Bülənt Kayabaş 18 iyun 1945-ci ildə Eskişəhirdə dünyaya gəlib. Bülent aktyorluğa çox gənc yaşında, 16 yaşında başlayıb. 1861-ci ildə Eskişer Bələdiyyə Teatrında işə başlayan aktyor bir çox tamaşa üçün səhnəyə çıxıb. Professional aktyorluğa isə 1970-ci ildə Semih Evin ssenarisini yazıb, rejissorluğunu etdiyi “Qara ləkə” filmi ilə başlayıb. Qısa müddətdə bir çox filmə çəkilən aktyor 70-ci illərə damğasını vurmağı bacarıb.

Bülənt 1973-cü il istehsalı olan “Karateçi qız” filmində Fərrux Durak obrazını canlandırıb. Filmdə özünün də içində olduğu ölüm səhnəsi parodiya edilib və “Conan” kimi xarici talk-şou proqramlarında göstərilib. Sənətin demək olar bütün sahələrində özünü sınayan Bülənt Kayabaş “Winnie The Pooh” adlı cizgi filmindəki Tiger (Pələng) obrazını 14 il ərzində səsləndirib. Aktyor 1981-ci ildə "Avni Dilligil" tərəfindən “Ən yaxşı aktyor” mükafatına layiq görülüb.

O, “Könül oyunu” (1972), “Utanc” (1972), “Ümid dünyası” (1973), “Qismət” (1974), “Yaşar nə yaşar, nə yaşamaz” (1974), “Kişilər ağlamaz” (1974), “Sən və mən” (1977), “Yeşilçam küçəsi” (1977), “Nə olacaq indi?” (1978), “Sevimli aşiq” (1979), “Sev məni” (1979), “Şabancıq” (1981), “Yapışıq qardaşlar” (1981), “Nikah masası” (1982), “Sevginin bədəli” (1984), “Zamansızlar” (1987), “Çiçək Taksi” (1995), “Hababan sinfi: Salam” (2003), “Qəsəbə” (2009) və başqa filmlərdə rol alıb. Yeşilçam filmlərinin məşhur olduğu 70-ci illərdə aktyor il ərzində təxminən 3-4 filmə çəkilirdi.

Bülənt Kayabaş 2000-ci ildə prodüserliyini və rejissorluğunu Dərviş Zaimin etdiyi “Fillər və Çəmən" filmində Əli Sürməli, Sanem Çelik, Haluk Bilginer və Uğur Polatla birgə rol alıb. Aktyor 2010-cu ildə Haldun Dormenin Cevat Fəhmi Başkutun “Buzlar həll edilmədən” adlı romanı əsasında muzikal tərzdə səhnələşdirdiyi “Bir qış nağılı” tamaşasında oynayıb. Buradakı çıxışına görə aktyor həmin il “İsmail Dümbüllü” mükafatına layiq görülüb. O, 2013-cü ildə “Fırıldaq ailə” filmində Sabri rolunu səsləndirib.

Bülənt Kayabaş sonuncu dəfə ötən il “Bir baba hindu” filmində rol alıb. Rejissoru və ssenari müəllifi Sermiyan Midyatın olduğu komediya filmində Bülənt Kayabaş Sermiyan Midyat, Nikol Fariya, Burak Satıbol, Zeynəb Kankonde, Ayxan Daş, Begüm Önər, Hakan Akın, Füsun Demirəl, Şafak Sezer, Muhittin Korkmazla birgə rol alıb.

Şəxsi həyatı

Bülent Kayabaş ilk evliliyini 1981-ci ildə özü kimi məşhur olan aktrisa Nur Sürər ilə edib. Ancaq məşhur ailənin evliliyi uzun müddət davam etməyib və cütlük boşanıb. Aktyor ikinci dəfə 25 illik sevgilisi ilə evlənib. Bülənt Kayabaş Səlma Kəpəkli ilə 2007-ci ildə ailə həyatı qurub. Bu evlilikdən cütlüyün bir oğlu var.

Ölümü

Bülənt Kayabaş bir müddət idi yoğun bağırsaq xərçəngindən əziyyət çəkirdi.Aprelin 19-u səhər saatlarında isə aktyor müalicə olunduğu xəstəxanada vəfat edib. Aktyorun həyat yoldaşı Səlma xanım göz yaşları içində aktyorun ölümü ilə bağlı danışıb: “Səhər 06:00-da onu itirdik. Bizi artıq tanımırdı. Yarı şüuru yox idi. Sonuncu dəfə dünən bir az danışa bildik. Onunla 24 ildir bərabər idik”.

Aktyorun ölüm xəbərini alan ilk həyat yoldaşı Nur Sürər də təcili xəstəxanaya gəlib. Aktrisa “Əslində bazar gününə qədər yaxşı idi. Acı çəkmədi ən azından. Çox üzgünəm” – deyib. Nur Sürər Bülənt Kayabaşın ikinci evliliyindən olan oğlu Ümid Kayabaşı qucaqlayaraq təsəlli verib. Aktyorun ölümü ilə bağlı ailə adından açıqlamanı da elə oğlu verib: “Son günlərində çox güldü, insanları da çox güldürdü. Ölüm xəbəri gözlənilməz olmadı, xəstəxanadan bizə nə qədər yaşacağını demişdilər”. Aktyorun ölümü ilə bağlı bir çox məşhur da kədərli sözlər paylaşıblar.

Bülənt Kayabaş cümə günü dəfn ediləcək.

Oxşar xəbərlər

Xəbər lenti

İşini, gücünü atıb kimsə sevməlidir məni - Cəlil Cavanşirin şeirləri
17:00 08 Avqust 2020
Əliağa Vahidin 125 illiyi münasibətilə poçt markası buraxılıb
16:05 08 Avqust 2020
Biz iki nəfər öldük
15:00 08 Avqust 2020
Səngərdə Vaqifin şeirlərini oxudu, məşhur filmə onun əvəzinə erməni aktyoru çəkdilər - Kinomuzun Cahandar ağası haqda maraqlı faktlar
14:00 08 Avqust 2020
Səkkizinci ayın səkkizi - Mahir N. Qarayev yazır
12:31 08 Avqust 2020
Məşhur aktrisa kinodan getmə səbəbini açıqladı
11:20 08 Avqust 2020
“Eurovision” mahnı müsabiqəsinin Amerika versiyası yaradılacaq
10:13 08 Avqust 2020
Rüstəmbəyovun alınmayan filmi – Sevda Sultanova “Dağlarda döyüş”ü tənqid edir.
09:00 08 Avqust 2020
Azərbaycanın məşhur folklor qrupu beynəlxalq festivalda iştirak edəcək
18:50 07 Avqust 2020
Çingiz Aytmatov fenomeni və Azərbaycan" monoqrafiyası çap olundu
18:04 07 Avqust 2020
Azərbaycanlı yazardan yeni kitab
17:36 07 Avqust 2020
Polad Həşimovun üzünə necə baxacağıq?
17:06 07 Avqust 2020
Məşhur müğənni uyğur türklərinə görə Çinə belə etiraz etdi
16:05 07 Avqust 2020
Kölgəmi ayrı basdırın, sevəcəyim qız çiynində... - Tural Turanın şeirləri
15:02 07 Avqust 2020
Məşhur müğənni vəfat etdi
14:11 07 Avqust 2020
Hər konsert ərəfəsində əri tərəfindən döyülən, 17 yaşlı oğlunu itirən əməkdar artist – Bağırov ona bayquş demişdi
13:09 07 Avqust 2020
Süleyman Qanuni, Hürrəm Sultan, Mona Liza, Sezar indi yaşasaydılar, belə olardılar - Maraqlı layihə
12:23 07 Avqust 2020
Toyu karantinə düşənlər üçün fürsət
11:32 07 Avqust 2020
"Kapitan Marvel 2"nin rejissoru bəlli oldu
10:43 07 Avqust 2020
Azərbaycanda tarixi abidəyə müdaxilə edən şəxslər saxlanıldı
10:10 07 Avqust 2020