“Ədəbiyyat qəzeti” “Dilemma” adlı yeni layihəyə başlayır. Bəzən elə an gəlir ki, o vaxt seçim etməli olursan, özü də yaxşı və ya pis arasından deyil, iki yaxşı arasından. Bu layihədə müsahiblər “bu və ya bu” tipində suallar veriləcək. Qoy, öz seçimlərini etsinlər.

Cavabları təqdim edirik. Qonağımız Mübariz Cəfərlidir.

- Poeziya, yoxsa proza?

- Proza...

- Rəsm, yoxsa heykəltəraşlıq?

- Rəsm.

- “Molla Nəsrəddin”, yoxsa “Füyuzat”?

- “Molla Nəsrəddin.”

- Oxu tar, yoxsa oxuma tar?

- Oxu tar.

- Folkner, yoxsa Heminquey?

- Heminquey...

- Ənənə, yoxsa müasirlik?

- Müasirlik...

- Elm, yoxsa din?

- Dini inkar etməyən elm...

- Aşıq musiqisi, yoxsa muğam?

- Muğam...

- Sartr, yoxsa Kamü?

- Əvvəllər Kamü, sonra Sartr, indi heç biri... O mərhələ keçib...

- Teatr, yoxsa kino?

- Kino.

- “Məhşər”, yoxsa “İdeal”?

- Məhşər.

- Düma, yoxsa Coys?

- Coys.

- Realizm, yoxsa posdmodernizm?

- Əsl sənət...

- Hüseyn Cavid, yoxsa Cəfər Cabbarlı?

- Hüseyn Cavid.

- Sənət sənət üçün, yoxsa sənət xalq üçün?

- Sənət üçün...

- Heca vəzni, yoxsa sərbəst?

- Sərbəst şeir.

- Dostoyevski, yoxsa Tolstoy?

- Tolstoy.

- “Əsərlərimi yandır” deyə vəsiyyət edən Kafka, yoxsa dostunun sözünə əməl etməyən Maks Brod?

- Kafka. Verdiyin sözə həmişə əməl eləmək lazımdı...

- Bakı, yoxsa mədəniyyət mərkəzi Paris?

- Heç biri... Tənha bir ada...

- Oxucunun istəyi, yoxsa müəllifin diqtəsi?

- Müəllifin diktəsi...

• İki həftədə iki ölüm, unudulmuş soy, gizli bağlantı - Kəbirlinski kimdir?
• 175 ildir dəyişməyən siyasət - Çarın Şuşa həbsxanasına yarıçılpaq atdığı qadın kim idi?
• Metyu Perrinin həkimini 40 il həbs gözləyir - Səbəb