news-inner
clock15:40 calendar-gray 23 Fevral 2017 view-gray162 dəfə oxunub
view-gray162 dəfə oxunub

Mən ruhun vətəniyəm

Zaur Sahil

Mən düşdüyüm qürbət ilə
Vətənin arasında
Yarım saat fərq var.
Bu fərq,
Qürbəti vətənə sarı qovub,
Yarım saat qürbətdə,
Yarım saat vətəndə,
Yaşamaq deməkdi.
İncimə vaxtından tez gəlsəm.

***

Qürbətin mənə
yazdırdığı şeirlər
Əfqanıstan kimidi.
Əzrayıl Amerika
formasında dayanıb
başı üstündə.
Çölündə Ata ağlayır.
İçində Ana ağlayır.

***

Qışın soyuqluğuna,

Yayın istiliyinə baxmayın.

Qış yaydan varlı olur,

Qışın günəşi, yağışı, qarı, küləyi,

dumanı-çəni, şaxtası-buzu var.

Yayın təkcə günəşi var.

***

Mənim üçün 7 rəqəmi

1 rəqəmi kimidi.

Sənin üçün 6 rəqəmi

9 rəqəmi kimidi.

Gör, aramızda

nə böyük fərq var.

Amma eyniyik.

Bağışla məni, hamıya

gəlib-getməkdən yorulmuşam.

Tək sənə, hələ də

gələ bilmirəm,

getməyim var deyə.

***

ALLAHIN,
İlk və son kitabının adı,
zamandı.
Əvvəli heyvan,
Sonu insandı.
Saatlar sətirləri,
Saniyələr mürəkkəbləri,
Dəqiqələr sözləridi.
Günlər səhifələri,
Aylar fəsilləri,
İllər mündəricatıdı.
Dünya dükanı,
Ömür satanı,
Ölüm alanıdı.

***

O qədər insanlar

üşüdür məni.

Əynimin nazik olmağından

yaman qorxuram.

İsti havalarda da

qalın geyinirəm.

Qış-yay evimdə

peç yandırıram.

Mənim ömrüm

qışdan ibarətdi.

Hər zaman yağışım, dumanım,

qarım, küləyim, şaxtam var.

Bir, günəşə həsrətəm.

***

Bədənim,
Həyatımla ölümümün,
Bir tikə ürəyim uğrunda
Döyüşdüyü bölgədi.
Ruh həyatımın,
Əzrayıl ölümümün rəhbəridi.
Mən ruhun vətəniyəm.
Əzrayıla qürbətəm.
Yaşamaq istəyirəm.

news-inner-user
Kulis+

628 məqalə

Oxşar xəbərlər

Xəbər lenti

Umberto Eko nəyə nifrət edirdi? - Həyat hekayəti
21:01 19 Fevral 2020
“Xocalı-şəhid şəhər” rəsm müsabiqəsinin yekun sərgisi açılacaq
18:35 19 Fevral 2020
Bu seksual qadınlar sizə gülməli görünəcək - Fotolar
17:51 19 Fevral 2020
Türkiyəli “Robinzon”un filmi çəkildi
17:09 19 Fevral 2020
Bakıda İtaliya-Azərbaycan Beynəlxalq Film festivalı keçiriləcək
16:31 19 Fevral 2020
Qusarda turistlər üçün ingiliscə tamaşa nümayiş olunacaq
15:52 19 Fevral 2020
Tanınmış aktyor: "Miri Yusifdən də dəhşətli “bozbaş”lar var" - Müsahibə
15:08 19 Fevral 2020
Opera ulduzları Bakıda eyni səhnəni bölüşəcək
14:29 19 Fevral 2020
"Mövsüm sonu" filmi nümayiş olunacaq
13:45 19 Fevral 2020
Tanınmış bəstəkara vəzifə verildi
12:59 19 Fevral 2020
Macarıstanda Azərbaycan Kinosu Günləri keçirilir
12:42 19 Fevral 2020
Azər Paşa Nemətovun çökdürdüyü milli teatrımız
12:03 19 Fevral 2020
Senzura məşhur rejissorun filmini dayandırdı
11:30 19 Fevral 2020
Adam necə yazıçı olur? - Ayxan Ayvaz yazır
10:52 19 Fevral 2020
Gənc yazarımızın romanı həm Azərbaycanda, həm Fransada çap olunacaq
10:25 19 Fevral 2020
Aydın Kazımzadənin 80 illiyinə həsr olunmuş tədbir keçirildi
09:41 19 Fevral 2020
Peyğəmbərin dişi ağrıyan cəlladı - Aqşin Yeniseydən yeni hekayə
08:55 19 Fevral 2020
Qollarım üstündə bir qız ağlayır – Nəriman Həsənzadənin şeirləri
21:01 18 Fevral 2020
Görkəmli bəstəkar Vasif Adıgözəlovun yaşadığı evin qarşısında barelyefi açılıb
18:56 18 Fevral 2020
15 yaşlı aktrisa dünyasını dəyişdi
18:50 18 Fevral 2020