writer1

Mirmehdi Ağaoğlu

Məqalə sayı

574
clock15:32 calendar-gray 06 Fevral 2017 view-gray206 dəfə oxunub
view-gray206 dəfə oxunub

Hardasa bir müəllim var uzaqda

Mirmehdi Ağaoğlu

Müəllimlərə bağlı neqativ xəbərləri mətbuatdan tez-tez oxuyuruq. Məsələn, ötən ilin yanvar ayında belə bir xəbər yayılmışdı: Sumqayıtda yerləşən 22 saylı orta məktəbdə İdris adlı tarix müəllimi dərsdə məktəblilərin gözü qarşısında şagirdin başına çoxsaylı zərbələr endirib.

Hətta videosu da vardı!

Ardınca başqa bir xəbər: Şamaxının bir kəndində şagird müəllimindən hamilə qalıb.

Qaradağ rayonun məktəblərindən birinin direktor müavini isə şagirdlə cinsi əlaqədə olduğu üçün həbs edilmişdi.

Yuxarıda sadaladıqlarım ötən il müəllimlərlə bağlı baş vermiş xoşagəlməz xəbərlərin bir neçəsidir. İnternetdə axtarış versəniz daha çox xəbərə rast gələrsiz. Hətta biri bu yaxında baş vermişdi. Şəmkir rayonunda məktəb direktoru ilə müəllimə arasında yaşanmış “seks videosu” qalmaqalını deyirəm...

Bütün bu xəbərlərdən sonra müəllimlərə qarşı olan-qalan ümidlər də puç olub gedir. Uşağını məktəbə göndərməyə qorxursan. Məktəblər təhsil ocağından çox kriminal qruplaşmaları xatırladır. Hətta kriminal qruplarda bəlli əxlaq kodeksi olur...

Və bütün bu naümidlik içində qəfil bir fotoşəkilə rast gəlirsən. Orta yaşlı bir müəllim şagirdlərini qarın içindən ördək balaları kimi ardınca aparır.

Şəkil Yardımlıda çəkilib. İndi oralarda dizdən qar var. Şəkildəki adam Dəlləkli kəndinin ibtidai sinif müəllimi Nəcəf Məhərrəmovdur. Müəllimin evi məktəbin yanında yerləşdiyi üçün hər gün dərsə gələn balaca şagirdlərinin əlindən tutub qarın içindən məktəbə aparır. Çantasına gücü çatmayan şagirdlərin yükünə də kömək edir. Heç bir təmənna güdmədən, sadəcə özünün müəllimlik borcunu yerinə yetirir.

Baxırsan bu mənzərəyə... Üstünə ayağını basdığı qar kimi təmizqəlbli o müəllimə... Bir anlıq bütün o neqativ mənzərələr, şagirdini döyən müəllim də, adı seks qalmaqalında hallanan direktor da unudulur.

Yəqin bu il də ötənilkindən fərqlənməyəcək. Yenə şagirdini döyən, şagirdi ilə cinsi əlaqədə olan, məktəbi valyutadəyişmə məntəqəsinə çevirən müəllimlər barədə xəbərlər oxuyacağıq.

Yenə məktəbə olan inamımız itəcək, müəllimə etibarımız sarsılacaq.

Amma bu xəbərlərin qaramatı içində iynəucu bir işıq da közərəcək, ümidlərimizi məhv olmağa qoymayacaq.

Və xatırlayacağıq...

...Hardasa bir müəllim var uzaqda.

REKLAM

Yazarın digər yazıları

Xəbər lenti

“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021