writer1

Şərif Ağayar

Məqalə sayı

541
clock11:15 calendar-gray 11 Yanvar 2017 view-gray307 dəfə oxunub
view-gray307 dəfə oxunub

Tanrıya ehtiyac olmayan dünya

Hər şey bir yana, doğrudan Tanrı varmı?

Varsa, niyə ...?!

Yoxsa, niyə ...?!

Nöqtələrin yerinə bir kitablıq sual yazmaq olar.

Budda hüzur bulacağı təqdirdə heç kimi tanrısından ayırmaq istəmədi.

Tanrı varmı, yoxmu məsələnin başqa tərəfidir, ancaq o varsa da belə, yoxsa da belə onunla təskinlik tapan, içində yaşamaq eşqi yaradan milyonlarla insan var.

Ona görə, gəlin, Tanrını öz varlığı və yoxluğuyla rahat buraxıb kameramızı yerə - sadə insanlara yaxınlaşdıraq.

Təsəvvür edin, iki uşağının ikisi də öldürüləndən sonra döşlərindən yapışıb göylərin boşluğuna – Tanrının laməkanlığına ulayan suriyalı qadını saxlayırsan və deyirsən: “Tanrı yoxdur!”

Bu, namərdlikdən, zalımlıqdan öncə əxlaqsızlıqdır.

Qara paltarlı, əli qılınclı əzazil bir adam təsəvvür edirəm, o, yavaş-yavaş uşaqlarını itirib göylərin sonsuzluğuna hayqıran qadına yaxınlaşır və “Allah yoxdur!” – deyilincə qılıncını sıyırıb göy üzünü qadının başının üstündən kəsib atır.

Qadının ah-naləsi də üzləşdiyi faciələrin yanında qalır, getməyə yer tapmır.

Məncə, boşluğuna uladığı göy üzünü o qadından almaq, uşaqlarını almaqdan daha dəhşətlidir.

Tanrı varsa da böyükdür, yoxsa da!

Tanrı insanın xəyal hüdudlarının fövqündə qaldıqca öz ucalığını itirməyəcək.

Əl hər yerdən üzüldükcə yada düşəcək.

Çünki əl hər yerdən üzüləndən sonra laübalı bir ümid doğur insanın içində.

Doğur və kainatda istinad nöqtəsi axtarır...

Yetim bir ümid üçün tanrıdan başqa istinadgah varmı?

Tanrı istinadgahın olmadığı yerdə də söykəniləsi varlıqdır.

Boşluqda arxanı çevirə biləcəyin divardır.

...Bir dəfə karyera həvəsində olan bir dostumla bulvarda gəzirdik.

Ağacların arasında axşam namazı qılan bir fəhlə gördük.

Dostumşəhərin alt-üst dəbdəbəsinə eyham vurub dedi: “Sən bu avama bax hələ!”

Diksindim.

Dostuma izah edə bilmədim ki, sən karyera, mən ədəbiyyat adlı sabahı dəqiq bilinməyən mücərrəd bir dünyanın ardınca düşmüşük, özümüzü mənalı, lazımlı hiss edirik və rahatlıq tapırıq, o da özü üçün bir Tanrı yaradıb, onun dalınca gedir və həyatını mənalandırır.

Sənin dəqiq bildiyin hansı həqiqət var ki, bu səmimi insana həqarət edirsən?

Bu dünyada insanın ruhi rahatlığından böyük həqiqət yoxdur.

Falçılara, pirlərə gedənlərə də həqarət edirlər.

Tamam, mən də bilirəm ki, cəhalətin məhsuludur.

Ancaq övladı səngərdə olan bir qadın inandığı falçının bir sözüylə bircə gecəni rahat yatacaqsa, niyə də getməsin?

Hər şey ona inamımızdan asılı deyilmi?

Marksizm də, islam da, ekzistensializm də ona inandığın qədər həqiqi, inanmadığın qədər yalandır.

Heç kim düz demir və heç kim yalan demir.

Kim harada nə qədər rahatdırsa, elə həqiqət də o qədərdir...

Əli hər yerdən üzülən insanlar varkən Allahsız dünya yaratmağa tələsməyək.

Allaha ehtiyac olmayan dünya yarada bilsək, onun varlığı və yoxluğu da bizi narahat etməyəcək.

Göylərin mavi boşluğuna yalnız gözəllik və heyrət üçün baxacağıq.

Ora ah-nalə yox, nəğmə göndərəcəyik.

Bu, mən tanıdığım Allaha da xoş gedəcək...

REKLAM

Yazarın digər yazıları

Xəbər lenti

Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021
Gecə qəfil evimə gələn qaradərili oğlan – Azər Əhmədovun qısa hekayələri
17:11 25 Yanvar 2021
Afaq Məsud Meksika səfiri ilə görüşdü
16:47 25 Yanvar 2021
Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021