writer1

Çinarə Soli

Məqalə sayı

10
clock21:00 calendar-gray 26 Dekabr 2016 view-gray839 dəfə oxunub
view-gray839 dəfə oxunub

Əkrəm Əylislinin mənə yedizdirdiyi heyva gülü

Çinarə Böyükçöl

“Gilənar çiçəklərinə dediklərim”i oxuyanda özüm də çiçək boydaydım, doqquz yaşım vardı. Atamın cild-cild kitabları rəfdə o qədər darıxırdı ki... Elə bil kitablar rəfin taxtalarını qucaqlamışdı. Biz darıxıb-darıxıb anamızın dizinə sığınan kimi kitablar da rəfin qollarından yapışmışdı. Kitabları ordan götürmək adamdan əməllicə güc istəyirdi, səbir istəyirdi.

Hiss edirdim ki, o güc, o səbir doqquz yaşlı qızcığazın boynuna düşüb. Bədii kitab oxumaq atamdan başqa evimizin bütün üzvləri tərəfindən mənə qadağan olunmuşdu. Hərdən düşünürdüm ki, nə yaxşı atam burda deyil. Amma sonradan peşman olub bu arzuya görə özümü danlayırdım, atamı istəyirdim.

Anam tez-tez deyirdi: “Böyüyəndə oxuyarsan, bu kitablar sənlik deyil”.

Anam yalan danışırdı. Axı böyümüşdüm. Bəs anam niyə deyinirdi ki, uşaqlarım vaxtından əvvəl böyüdü? Niyə mən oyuncaq arzulayanda deyirdi ki, böyük qızsan, dərslərini oxu?

Hər gün atamın kitablarının səsini o biri otaqdan eşidirdim. Məni çağırırdılar: “Gəl bir yerdə darıxaq, ay Sona!”.

Eynən atam kimi çağırırdılar: “Sonam, ay Sonam!”.

Kitabları rəfdən bir-bir oğurlayıb zirzəmimizdə, bostanımızın başında, qoz ağacında, axşamlar yerimin içində oxuyurdum. Bəzən kitablar mənə anlaşılmaz söz yığını kimi görünürdü, amma yenə oxuyurdum. Çünki onlar mənə qadağan olunmuşdu. Çünki onlar atamın kitabları idi. Onları atam oxumuşdu, vərəqləmişdi, sətirlərin altını xətləmişdi. Çünki o kitablardan atamın qoxusu gəlirdi.

Oxumağa başladığım hər kitabın elə həmin gün doğum gününü qeyd edirdim. Üstünə şam yapışdırırdım, arzu tuturdum, üfürüb söndürürdüm, əl çalırdım, oynayırdım. Axırda arzum məni kövrəlirdi.

Əkrəm Əylislininin “Seçilmiş əsərləri”nin ad gününü mayın 17-si qeyd elədim. Zirzəmimizdə, boş turşu bankalarının arxasında. Oxuduqca əsəri anlamadığımı başa düşürdüm, mədəmin üstündəki darıxmaq ağrısı çoxalırdı, hərdən də kitabı kənara qoyub lap hönkür-hönkür darıxırdım.

Zirzəmidə, bostanın başında, qoz ağacında, yerimin içində...

“Gilənar çiçəklərinə dediklərim”də Əkrəm Əylisli yazmışdı ki, heyva çiçəkləri çox dadlı olur. May ayı, heyva ağacımızın təzə-təzə çiçəkləyən vaxtları. Ətirli, çəhrayı çiçəklər. O qədər şirin, o qədər dadlı idi ki... Lap tort kimi.

Həmin gün - 17 mayda, kitabımın ad günüdə anam məni yaman döydü. Uzun-uzadı qarğış elədi. Üzünü Sayad dağının düz başına tutdu, üzü dağın başını aşdı, anamın üzü uzaqlara getdi. Anam üzü uzaqlara qarğış elədi. Qollarım, qıçlarım gömgöy, zolaq-zolaq göyərmişdi.

Heyva ağacımızın bütün çiçəklərini yemişdim. Bu o demək idi ki, bu il heyvamız bar gətirməyəcək. Anam ağlayırdı. Anamın ağlamağı dağları aşırdı. Qarğışlarına çatırdı, qarğışlarını yuyurdu. Anamın göz yaşları bədənimin şillə, çimdik, çubuq yerlərinə sarğı olurdu, sağaldırdı...

Axı mən hardan biləydim ki, atam bu payız - heyva vaxtı gələcəkmiş. Anam ona ən sevdiyi heyva mürəbbəsindən bişirəcəkmiş. Mən nə biləydim, heyva mürəbbəsi olmasa anam atamın bu payız yox, o biri payız gələcəyini düşünür.

Mən nə biləydim anamın ürəyinə damıb ki, atam gəlməyəcək...

REKLAM

Yazarın digər yazıları

Xəbər lenti

Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021