writer1

Şərif Ağayar

Məqalə sayı

550
clock11:23 calendar-gray 06 Oktyabr 2016 view-gray450 dəfə oxunub
view-gray450 dəfə oxunub

Rəfaelin CİP-i, Fuad Poladovun avtobusu

Dünən “Xətai” metrosunun qarşısında təsadüfən “Bu şəhərdə” layihəsindən yaxşı tanıdığımız Rəfail İsgəndərovu gördüm.

Nəhəng, ağ CİP-in sükanı arxasında olan aktyora adamlar maraqla, həsrətlə və həsədlə baxırdılar.

Bu marağın, həsədin və həsrətin obyektində Rəfaelin özündən çox həmin nəhəng ağ “CİP” vardı.

Ancaq camaatın həsəd və həsrətlə baxdığı bu nəhəng ağ CİP mənim gözümə bir zamanların çox istedadlı aktyorunun tabutu kimi göründü.

O, Rəfael yoxdur artıq və bu ağ CİP indiki Rəfaelin cildində həm də, o mövcud olmayan, ölən, məhv olan peşəkar aktyoru aparırdı.

Bir də ona təəssüf etdim ki, o çox istedadlı aktyorun qatili elə bu Rəfael özü idi və bu qatil Rəfael o çox istedadlı aktyoru bu ağ CİP-ə görə öldürmüşdü.

Yəqin nə demək istədiyimi anladınız.

Ancaq hər ehtimala qarşı sözümün “mustafa”sına bir az yaxınlaşım.

Mən demirəm ki, bizim sənətçilər CİP almasınlar.

Alsınlar, əlbəttə.

Lap vertolyotda gəzsinlər.

Buna sevinənin biri də mən olaram.

Ancaq məsələ budur ki, şəhərimizdə başı, sürdüyü maşının ehtiyat təkəri kimi işləyən minlərlə adam var.

Rəfael İsgəndərovdan isə bir dənədir.

O, ona hədiyyə olunan istedadı yalnız CİP-ə həsr eləməli deyil.

Anlayıram, teatrda pul yoxdur, filmlər az çəkilir, ciddi seriallar hələ-hələ formalaşır.

Aktyor nə etməlidir?

Toya tamada, şənliklərə kloun getməkdənsə, elə “Bu şəhərdə” layihəsi ən abırlısıdır.

Lakin istedadlı sənət adamı, öz gücünü, gəncliyini, ömrünün ən gözəl çağlarını bütünlüklə daha varlı olmağa, daha bahalı maşın sürməyə xərcləyirsə, bu, faciədir.

Adam elə ömür yaşamalıdır ki, ölüb-gedəndən sonra arxasınca ciddi söhbət eləmək, ciddi yazı yazmaq mümkün olsun.

Yadımdadır, bir dəfə yaxşı səsi olan müğənni tanışım dünyadan köçmüşdü.

Nə qədər çalışdım, onun haqqında normal bir cümlə yaza bilmədim

.

İstəyirdim yazam, ancaq tapmırdım nə yazam.

İstedadlı idi.

Səsi gözəl idi.

İçi, yanğısı vardı.

Amma ortada ciddi məhsul yox idi.

Adam ömrünü toylara gedib pul qazanmağa həsr eləmişdi.

Ona uğurlu toy müğənnisi demək olardı ki, bunu da yazmaq doğru olmayacaqdı.

Ədəbiyyatda da belədir.

Ehtiyac içində yaşayan şair gedib restoranlarda 30-40 manata tamadalıq eləyə bilər.

Yazıçı hansısa məmurun mirzəsi olar.

Buna xalq arasında “haqqın yolunu tapmaq” deyirlər.

Rəfael də əslində “haqqın yolunu tapmış” adam kimi dəyərləndirilir.

Hətta bu yazımı oxuyub, mənə gülən, “Özün nə gündəsən” falan-filan deyənlər də olacaq.

Ancaq biləsiniz: mən haqlıyam!

İstedadı başlı-bütünlü maddi maraqlara qurban vermək, Hamletləri, Kefli İsgəndərləri, Sirtuş Çölçəmənliyə, düşük əyalət meymunlarına dəyişmək olmaz.

İstedad və pul-para seçimində tarazlığı qorumaq sənətkar üçün vacib şərtdir.

Siz kimi seçirsiniz?

CİP sürən Rəfael İsgəndərovu, yoxsa marşrutda gedən Fuad Poladovu?

Qatillər!

06.10.2016

REKLAM

Yazarın digər yazıları

Xəbər lenti

Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021
Mədəniyyət xadimlərinə mükafatlar təqdim edilib
18:01 14 İyun 2021