news-inner
clock13:37 calendar-gray 05 May 2016 view-gray184 dəfə oxunub
view-gray184 dəfə oxunub

İstidə yağan qar - ŞEİRLƏR

Kulis.az Əli Hacının yeni şeirlərini təqdim edir.

Heç oxşaya bilmədim

Solmuşdu sabah-sabah.

Göz yaşımı şeh bilən

Gülümə bax, ay Allah !

Görən bilir bəxtəvər

Ər içində özgə ər.

İçim məni yandırır

Çölümə bax, ay Allah!

Kimdi mənə daş atan

daş atıb başın tutan

Can" deyib halın tutan

dilimə bax, ay Allah!

Bu sevgidi yada dərd

iki vurdun elər dörd.

Azında dərd, çoxunda

Zülmə bax, ay Allah !

Əynini göydə bulud

Ağ, qara geydi bulud.

Yağdısa öldü bulud

Ölümə bax, ay Allah !

***

Ayrılığın dəsmalın

qoy yaranın üstünə .

gör, necədi yaşamaq

dərd güləndə üzünə.

yollarının tozuna

gözlərim-su quyusu.

şəkil qoyub getmisən,

gözlərimdə uyusun!

başıma gün döyürdü,

od yağırdı kölgədə.

ha sıxdım, su çıxmadı

qurumuş bu sevgidən !

Sən dur toyuna tələs

Mən də durum ölməyə.

Sən gəldin dərd verəsən,

Mən də dərd öldürməyə.

Toyunun xərci olsun

Göndərim döz daşımı.

Su əvəzi dalınca,

Səpim bu göz yaşımı.

Havasızda oynayan

əllərini sal yana.

Göylər mənimdi, dayan,

Ah çəksəm külün yanar.

***

İlahi! Qapısın aç

yerdə dəyişsin hava.

dəyişsin havan kimi

Mən Adəmlə, bu Həvva !

İblisi mələk olan

Dinin bazar içində

Mən-dinsiz, o-imansız

mən əkin, o biçində.

son varağı boş qalıb

alnımdakı dəftərin.

buyur yaz, mürəkkəbin -

alnımdan axan tərim.

dəymədi bu olmağa

olmağı dərd saxlayım.

Şükür yenə də sənə,

olanı yurd saxlayım !

***

məni yazda qurudublar

içimdə bir az su qalıb.

qanadımı yolsalar da

yaşamaq arzusu qalıb.

yığıb evimi tikmişəm,

yoluma tökülən daşdan.

söz kimi qalmağım gözəl...

şəkilim çəkilən daşdan.

Tanrı yazan o, üzü də

öz adına əzizlədim.

gündüzlərin ləkəsini ,

Ay üzünə təmizlədim !

sənə yazdıqlarımı,

axar suya demişəm.

oda, yelə, torpağa

bir də göyə demişəm.

unudum məktubları

qoy səni də unudum.

içimdə yatırdığım,

sözün kirini yudum.

salxım söyüd, çay daşı…

bir az alım dincimi.

olmayana inanmaq

öldürüb sevincimi…!

***

Gedirəm vüsal yox ,

qalıram...

ayrılıq var!

İLAHİ ! bu dərdlə daşladın məni,

durub üz tutmağa yerim yox daha .

Yollarda itməyə həvəsimdə yox,

çəkdiyim hesabda hələ qalıq var!

tənhalıq qoxuyan ayrılıqların

içində kirlənmiş qaranlığı var!

günəşi içində batan günlərin

gecəsi süd verməz gələn sabaha.

anasız uşağam çiyinlərimi

qurbanı demişəm ölən sabaha.

sənin sabahların hardan başladı?!

bitdiyi yerdədi bax, ayaqlarım.

atdığım addımın üzü daşadı...

içi görünmürsə qaranlıqların .

Gedirəm vüsal yox,

qalıram ayrılıq var!

İLAHİ !

bu dərdlə daşladın məni...

***

Gedək ruhum, tək-tənha

Mənə iman da dindir.

Döydüm qapısı bağlı

Dünya yas yerindədir.

Qaç cütdüyüm birə qaç,

Dərd səni güldürər qaç.

Nə qapı var, nə baca

Ölümdə sirr birdədir.

Olub gedən var-yoxum,

Olmaq deyil bu qorxum.

Axirətdəki qoxum

Dünyanın üzündədir.

Haqqa gələn, haqq gəlir,

Şərabımız ağ gəlir.

Yersiz bir sağlıq gəlir,

Dindən çıxan dindədir.

Gedək ruhum, tək-tənha

Mənə iman da dindir.

Döydüm qapısı bağlı

Dünya yas yerindədir.

***

bir yeri var göylərin,

yerin də bir yeri var.

cüt atdığın qoşanın

yerinin öz biri var.

sevginin özü - birdi

kölgənin özü - birdi.

bazar belə bazardı

əyrisi, düzü - birdi.

birdi - yaradan özü,

brdi - qaranın üzü.

əlində beş barmağın

ayrı ayrıdı izi.

hər şey birdən başlayır,

göydən, yerdən başlayır.

sonu ölüm, onun da

biri gordan başlayır !

***

mən öləndə qopuz çal

ruhum sevəni ozan !

ayrılıq havasına

oynat öləni ozan !

yası neynirəm, yası

yollarımı sözə çək.

gözümün ağ-qarasın

gecəyə gündüzə çək...

damarımı tel eylə

əlin telsiz qalmasın.

dil tövbəsiz qalsa da

qopuz dilsiz qalmasın.

məni böl tikə-tikə,

qulaq ver bəy səsinə.

tikələr sığal çəkə

kimsənin yarasına.

qopuz çal, dəli ozan...

götürəcək göy məni.

Göydə Tanrı öləndə

öldürərlər Əlini… !

***

Pəncərədən baxma mənə

Nəfəsin tərlədir şüşəni

Gözlərimə nəfəsin

Gizlədir səni

Ağaca bax, yarpağa

Gör necə baş daşıdı !

Yerdən göyün üzünə

Dərdini dağ daşıdım.

İçimdə qar yağır, qar

Sən hansı fəsildəsən?

Mən getdim əriməyə

Sən məni görməyəsən.

***

yüküm ağırdı oğul!

bu yer, göy-yəni yoldu.

ayaq altı, baş üstü

yəni hər yanım yoldu.

dərviş libası geyin

haqq elə, sonda öyün.

oyundu dünya, oyun

yenə gümanım yoldu.

mən əbədi deyiləm

heç Kəbədə deyiləm.

min tövbədən keçirəm

yenə amanım yoldu.

öz nəfsinə hakim dur

əməl ömrə hakimdir.

istər Tövratla, Zəbur

İncil, Quranım - yoldu.

***

Kim örtəcək üstümə

qışın soyuq qarını?!

bir hava çal, oynayım

unutmaqçün ağrımı.

boran gəlir, qar yağır

içimə bu istidə.

dədəm gedib dərd qoyub,

anam yoxdu isidə.

qapım açıq, ay döyən

sevinsin boş əllərin.

üzə bağlı olana -

mənim sərxoş əllərim…

soyuq düşdü gecəmə

sabahım qar içində…

nəfəsi al, səs salma

Tanrı yatır içimdə!…

***

Sinəm açıqdı ozan

dərdini yaz ovunsun!

elə yaz yuxulu can,

bir də Araz oyansın.

bulud tutub göyünü

yelə ver göynəyini.

söz qurudan əyninin

sındırıblar aynasın.

adamlar öz ömrünü,

yaşar, həm ölümünü.

dur sındır qələmini

söz kağızsız oynasın!

buraxdım hər şeyi mən

buraxdım boydan, boya.

bir hüzürdə içəcəm

bir də ki, toydan, toya.

Buraxdım sənə Allah

kimsəyə sağlığım yox…

hamıdan ayrılsam da

qəlbimdə yaylığım yox !

***

Döyməyə qapı qalmadı

Ürək açmağa adam.

Bizi sabahlara ötürən

Gedənlər də gəlmədi!

Durum gedim!

Hər gecə səhərin xəstəsi

Könlüm sabahlardan da bezir

Hər gün Gəzdiyim yollarımda

Tənhalığım gəzir.

Gəzdiyim yollarım

Əl üzdüyüm yollarım

Durum gedim!

Buluda bax! İlahi!...

Əlləri göydən üzülüb

Yer də götürə bilmir.

Mən çoxdan ölmüşün

Yanına adamlar yığılıb

Yerdən götürə bilmir,

Durum gedim!

***

payıza sarı açılır

hər ömrün, günün qapısı.

aramızı azad eylə…

sevib unudaq hamısın.

yağış havadan asılıb,

külək kəsir qabağını…

bu gecə yağış yuyacaq

o, tozlanmış sabahını !

yer adamı-dərd adamı,

yerdən salaq yerimizi.

dünya bizə yiyə durmaz,

dur yığışdır evimizi!..

news-inner-user

17132 məqalə

Oxşar xəbərlər

Xəbər lenti

Atası xalq düşməni kimi güllələndi, bir manata rəsm çəkdi, Səttar Bəhlulzadə evini ona bağışladı... – Maraqlı faktlar
12:00 29 Noyabr 2020
İsti yatağım soyuq səngər misalı - Sara Selcandan yeni şeirlər...
16:28 28 Noyabr 2020
Azərbaycanda Mixail Qusmanın filminin premyerası oldu
15:01 28 Noyabr 2020
Bu nədir, Allahı danmaqdır? – Elçin yazır...
13:30 28 Noyabr 2020
"Şəngülüm, Məngülüm" tamaşası onlayn nümayiş olunacaq
12:01 28 Noyabr 2020
Türkiyədə "Azərbaycanlı şəhid uşaqların xatirəsinə" adlı konsert keçirildi - Foto
10:27 28 Noyabr 2020
Fuad Poladov: Qızla zirzəmidə görüşdüyümə görə məni məktəbdən qovdular – Müsahibə
09:00 28 Noyabr 2020
Ukrayna Milli Kitabxanasında Azərbaycan guşəsi açılacaq
18:31 27 Noyabr 2020
Qayıtdı gülləri yığıb başına, vətən gülşəninin Xarı bülbülü! – Yeni şeirlər
17:44 27 Noyabr 2020
Tələbənin universitetdən qovulması haqlı qərardırmı?
17:09 27 Noyabr 2020
"Qarabağ Azərbaycandır" adlı kitab nəşr olundu
16:34 27 Noyabr 2020
Rejissorumuzun da iştirak etdiyi festivalın qalibləri elan olundu - Siyahı
15:53 27 Noyabr 2020
Nənəsini yemək üstündə ağlatdı, xəstəliyinə görə yardım istədi, işdən çıxarılan gün həyat yoldaşı öldü – Məşhur diktordan maraqlı faktlar
15:11 27 Noyabr 2020
Məşhur Meksika filmlərinin ssenari müəllifi vəfat etdi
14:31 27 Noyabr 2020
İşğaldan azad olunan Xanabert qalası
13:53 27 Noyabr 2020
"Anamın kitabı" filmi gəlir - Yaxında
13:11 27 Noyabr 2020
Mənə ölümümdən yol verin... - Ötən gün dünyasını dəyişən şairin şeirləri
12:31 27 Noyabr 2020
Onlayn dərsdə gülməli vəziyyətə düşən müəllimlər
11:50 27 Noyabr 2020
Qorxu bilməyən işçimiz - Elçin yazır...
11:10 27 Noyabr 2020
Lalə Məmmədovadan duyğu dolu etiraf yazısı: “Hamınızı aldatdım!”
10:28 27 Noyabr 2020