writer1

Samirə Əşrəf

Məqalə sayı

197
clock11:45 calendar-gray 05 May 2016 view-gray619 dəfə oxunub
view-gray619 dəfə oxunub

Ayxan Ayvaza borcumuz

Fikir vermişəm bəstəboy və istedadlı adamlar ortalıqda çox görünməyi sevmirlər. Gizlənməyi xoşlayırlar.

Boylarına qısılıb gözə görsənməmək onların ən böyük istəyidi. Ayxan Ayvaz da boydan bəstədi. Amma ədəbiyyatda boydan bəstə deyil.

Olmayacağına da inanıram!

Onu ilk dəfə metroda görmüşdüm. Dayanıb qatar gözləyirdim. Bir də gördüm Əsəd Qaraplanla üzü mənə tərəf gəlirlər. Deyəsən, elə bizi də Əsəd tanış elədi. Sonra qatara mindik. Bir, ya iki stansiya gedəndən sonra onlar düşdülər. Əsəd söhbətcil adam olduğu üçün qatarda bir xeyli ordan-burdan danışdı. Ayxan susdu. Yol boyu ancaq baxışları danışdı. Bu vaxta qədər baxışlarını bu qədər kədərlə danışdıran adama rast gəlməmişdim. O vaxtdan Ayxan yadımda qaldı. Sonralar yazdığı köşələri, hekayələri həmişə olmasa da, imkan düşdükcə oxuyurdum.

Ayxan yaşının azlığı ilə uyuşmayan ağrılı bir ömür yaşayıb. Valideynlərinin hər ikisini itirib. İndi bir bacı, bir qardaş sevgisinə söykənərək həyata davam edir. Ötən günlərin ağrı-acısını yəqin ki, unutmayıb. Amma fikir verirəm ki, həmin günlərin zədələrindən yaranan hisslərin mətnlərinə sızmasına imkan vermir. Əksinə, daha pozitiv olmağa çalışır.

Əslində, buna mane olmaq da yazıçı üçün çətin məsələdir. Amma Ayxan mane olmağı bacarır, ən azından buna çalışır.

Mənim atam insult xəstəsi idi. Ömrünün son illərini yataqda keçirtdi. Elə həmin xəstəliklə də dünyadan köçdü. Amma mən hələ də bu köçü unuda bilmirəm. Hansı yazını, hekayəni yazıramsa, gizlin, ya aşkar atamla bağlı hisslər gəlib həmin yazının bir tərəfinə hopur.

Çalışıram olmasın, amma olur.

İndi görün bu bəstəboy Ayxanın nə qədər böyük qüvvəsi var ki, yazdıqlarını yaşadıqlarından ayırır.

Ayxan işsizlikdən əziyyət çəkəndə, çox təəssüflənirdim. Sonra eşidəndə ki, Kulisdə işləməyə başlayacaq sevindim. Həm maddi çətinliyi aradan qalxmışdı, həm də ədəbi mühitə getmişdi.

Bu yaxınlarda Ayxanı bir imza günündə gördüm. Deyəsən, ad günündən bir gün ötmüşdü. Təbrik elədim. Neçə yaşı tamam olduğunu soruşdum. İyirmi dörd dedi. Sonra susdu. Elə insanlar var ki, onların susqunluğu da danışır. Ayxan belə adamlardandı. Baxışlarla, susqunluqla danışan oğlandı.

Ötən gün Ayxanın “Poçt qutusu” hekayəsini oxudum. Yumor, ironiya, tarix, kədər hər nə desəniz o mətndə vardı. Həmin hekayədən sonra bir daha əmin oldum ki, Ayxan ədəbiyyatda sözünü deyən imza olacaq. Cavandı, qarşısındakı uzun illər bu sözləri demək üçün onu gözləyir.

Bilmirəm bu yazının yazılmasına nə ad verim? Türklər demişkən, bayram deyil, seyran deyil. Bəlkə də həmin hekayə bu yazıya səbəb oldu.

Amma yox.

Ayxan haqqında xeyli vaxtı fikirləşirdim.

Həm də fikirləşirdim ki, bu cür istedadlı, öz üzərində işləyən, zəhmətkeş gənci qorumaq bizim hər birimizin borcudur.

Ən azından ədəbiyyat qarşısındakı borcu...

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021