writer1

Səbuhi Məmmədli

Məqalə sayı

45
clock12:29 calendar-gray 22 Dekabr 2015 view-gray368 dəfə oxunub
view-gray368 dəfə oxunub

Qoy, elə beləcə də çağırsınlar: Ələsgər

Ələsgər öldü, Ələsgər. “Qatarda” “Narsatan”ı, 150 qramlıq kitabın müəllifi olan “şair”i deyirəm. “Mehmanxana sahibəsi”nın nökərini, doğum evində intizarla gözləyən Ələsgəri.

Kiçik, bəzən özünün də dediyi kimi, üçüncü dərəcəli rolların böyük sənətkarı. Sanki görməzdən gəlirdi bizim rejissorlar. Bu adamın istedadını sona qədər açan olmadı. Sanki candərdi verirdilər ona epizodik rolları da. Amma o, şedevrlər yaradırdı. Adamın “Qərib cinlər diyarı”ndakı “Əsra”sı nəyə deyəsən dəyərdi. Sergey Filippov epizodik rollar oynaya-oynaya, İsmayıl Osmanlı epizodik roluna görə SSRİ xalq artisti adı aldı. Başqa bir epizodik rol nəhəngi Kramarov da eləcə. Məşhurluğu bütün ittifaqa yayılmışdı. Və mən sizə əminliklə deyirəm ki, Ələsgər Məmmədoğlu bu insanlardan geri qalan aktyor deyildi.

“Bəyin oğurlanması” çəkiləndə Vaqif Mustafayev ona deyib ki, gəl gedək Şamaxıya, səni də kinoya çəkəcəm. Ələsgər də soruşub ki, hansı rola? Bir şey fikirləşərəm deyib rejissor. Şamaxıdan ən koloritli obrazlardan birinin ustası kimi qayıdıb Ələsgər Məmmədoğlu.

Çox gözü tox adam idi. Dünəndən internetdə onunu müsahibələrinə baxıram. Bircə dəfə də, bir kimsədən belə şikayətlənmir. “Hələ də xəstəlik nədi bilmirəm. Amma o ki, xəstə olan vaxtı şikayətlənirlər, mənim ondan xoşum gəlmir. O saat nəsə pis-pis şeylər fikirləşirlər ki, bəs, “mənə baxmadılar, hörmət etmədilər və s.”. Mənə elə gəlir ki, əksər aktyorlarımıza hökumət tərəfindən çox yaxşı baxılır. Mən özüm haradasa üç il prezident mükafatı aldım. Təbii ki, sonra dəyişdi, başqasına verildi. Teatrda işləyirəm, maaşım var, təqaüd alıram. Niyə şikayətlənəsən…”.

Hə, bir də deyirdi ki, 190 manat yaş təqaüdümü alıram, 60 manat “əməkdar artist” fəxri adına görə verirlər, 350 manat da teatrdakı maaşımdır. 600 manata yaxın puldur, az deyil ki. Naşükür deyiləm.

Bircə incikliyi, unudulmağındaydı. Deyir, çağırmırlar bizi kinoya. Həm özünü deyirdi, həm də sənət yoldaşı Hacı İsmayılovu. Oynamaq, çəkilmək istəyirdi. Heç xalq artisti adını almaması da umurunda deyildi.

Bizim Çelentano, Şaban ola bilərdi. Amma onu Çelentano, Şaban eləyə biləcək nə bir rejissorumuz oldu, nə bir əsərimiz. Həmişə fəxrlə “Tehran 43”dən danışırdı. Səhv etmirəmsə Qulam Rza roluna çəkilmişdi. Amma kimlərlə. Ehhh, təkcə İqor Kostolevski, Natalya Beloxvostikova, Armen Djiqarxanyan bu tərəfdən, Alen Delon, Kurd Örqens, Klod Jad kimi dünya ulduzalrı bir tərəfdən.

Xaraktercə təvazökar, utancaq, həyalı adam idi. Hətta o qədər utancaq ki… hamının Ələsgər kimi tanıdığı sənətkarın əsil adı sən demə Əsgər imiş. Əsgər Məmmədoğlu… Və illər boyu heç kimin xətrinə dəymirmiş. Ki, qoy, elə beləcə də çağırsınlar – Ələsgər.

REKLAM

Yazarın digər yazıları

Xəbər lenti

Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021