writer1

Mirmehdi Ağaoğlu

Məqalə sayı

574
clock14:11 calendar-gray 30 Noyabr 2015 view-gray239 dəfə oxunub
view-gray239 dəfə oxunub

Cəfər Cabbarlı nəyə hirslənərdi?

Ədəbiyyat və incəsənət sahəsində mükafatlar sənət adamlarında həmişə motivasiya yaradıb. Ola bilsin birinci cümlə çox şablon səsləndi, amma bizdə mükafatlar o qədər az, onlara olan inam o qədər kasaddır ki, yazıya həmin cümlə ilə başlamaq ehtiyacı da bu səbəbdən yarandı. Sadəcə məlum bir həqiqəti yenidən nəzərinizə çatdırmaq istədim.

Nə yaxşı olardı ki, ədəbiyyat sahəsində çoxlu uzunmüddətli mükafat olsun. Onda ədəbi mühit də canlanar, aktivləşər. Təkcə “Ədəbi Azadlıq” müsabiqəsi neçə-neçə gənc və istedadlı qələm adamını üzə çıxartdı.

Mükafatlar bol olanda ədəbi mühit də dinamikləşəcək, oxucuların kitaba, ədəbiyyata marağı artacaq.

Yeri gəlmişkən, çoxdandı ağlımda olan məsələni deyim. Rafiq Tağı adına hekayə müsabiqəsi keçirilsəydi, necə də gözəl olardı. O zaman həm Rafiq Tağıya olan mənəvi borcumuzu ödəmiş olardıq, həm də ədəbiyyatımız layiqli bir mükafat qazanmış olardı. Hətta deyim ki, belə bir mükafatı beynəlxalq səviyyədə də keçirmək olar. Bunun sayəsində ədəbiyyatımıza da tanınar, inkişaf edər.

Amma mən bu gün başqa bir böyük yazıçımızın, Cəfər Cabbarlının adına olan mükafatdan danışmaq istəyirəm.

Noyabrın 25-də AYB-nin “Natəvan” klubunda mükafatın təqdimetmə mərasimi keçirildi. Gəlin mükafatın sahiblərinə baxaq. Cümləni xəbərdən olduğu kimi kopya edirəm: “Mükafata 2015-ci ildə göstərdikləri səmərəli fəaliyyətə görə Xalq Yazıçısı Elçin, Xalq artistləri Oqtay Mirqasım, Zərnigar Ağakişiyeva, teatrşünas Məryəm Əlizadə, Türkiyənin Fırat Universitetinin professoru Ercan Alkaya və filologiya elmləri doktoru, professor Elman Quliyev layiq görülüblər.”

Mükafatı alanlara diqqət edək. Hamısı yaşlı sənət (Ercan Alkaya və Elman Quliyevi tanımıram) adamlarıdır. Təbrik edirəm, Elçinin, Oqtay Mirqasımovun mükafat arsenalına daha bir əlavə olundu. Lap yaxşı.

Ümid edək ki, Cəfər Cabbarlı adının siqləti Elçinə də, Oqtay Mirqasımova yeni əsərlər yaratmaq üçün stimul verəcək.

Bəs cavanlar? Onları kim mükafatlandıracaq? Bəs 2015-ci ildə özünün yeni hekayələri ilə demək olar ki, ədəbi gündəmdən düşməyən Şərif Ağayara, kitabı çıxan gənc şair Ramil Əhmədə, “Axınla aşağı” kimi gözəl bir film çəkən Asif Rüstəmova, “Yarımçıq xatirələr”in rejissoru Elxan Cəfərova kim mükafat verəcək? Yoxsa onlar bu il səmərəli fəaliyyət göstərməyiblər?

Onları kim qiymətləndirəcək? Bunun üçün oturub yaşlanmalarınımı gözləməyik?

Xarici ölkələrdə yaşlı sənət adamlarına əsasən fəxri mükafatlar verilir. Təqribən bu konsteksdə: “Sənətə bəxş etdiyi xidmətlərinə görə”. Özü də bu adlı mükafat adətən bir adama verilsə də bizdə ucdantutma bütün yaşlı sənət adamlarına təqdim olunur.

Bizdə isə yaş kateqoriyası nəzərə alınmır. Hansı mükafata baxırsan yaşlı sənət adamları göz dağı kimi siyahılarda birinci yerdə dayanırlar.

Nə deyim? Bəlkə də bizdə mükafatlar motivasiya üçün deyil. Nəsə başqa bir məqsəd üçündür. Orasını ta özünüz tapın.

REKLAM

Yazarın digər yazıları

Xəbər lenti

Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021