writer1

Rövşən Naziroğlu

Məqalə sayı

28
clock11:00 calendar-gray 20 Noyabr 2015 view-gray290 dəfə oxunub
view-gray290 dəfə oxunub

Kitabxanada öpüşmək

Ofisiant sol qolunun üstə sahmanladığı podnosdan araq şüşəsini nida işarəsi kimi süfrəyə endirəndə, əmim oğlu bayaqdan nöqtəsini qoya bilmədiyindən uzatdığı cümlənin ətəyinə vergül salıb yapışdı butulkanın boğazından. Bir qədər qolaylandığından faşist tankına qumbara atmağa hazırlaşan partizanları xatırladan əmim oğlu möhkəm-möhkəm silkələdiyi araq şüşəsini işığa tutub ekspert gözüylə bir müddət baxandan sonra rəyini açıqladı: “İndiki araqlar araq deyil.”

Qohumuma bələdəm. Bilirəm ki, barəsində müsbət rəydə olmadığı yandırıcı mayedən bir-iki qədəh gillədib başlayacaq yaddaşını havalandırmağa. Əvvəl məktəb illərindən yadında qalan bir əhvalat danışacaq. Bu əhvalatda pəncərə qabağına boy sırası ilə düzülüb yağan qarın tamaşasına duran qızlar olacaq və həmin qazdan ayıq qızlar onlarla eyni pəncərədən qara baxmaq istəyən oğlanları yaxın buraxmayacaqlar. Burma-burma yağan qardan savayı heç nəyin fərqində olmayan Aynurun boynunun arxasından qara baxmaq üçün növbəyə duracaq oğlanlar. Pəncəsi üstə qalxacaq Aynur. Açıq pəncərədən əlini uzadıb yuxulu qar dənələrini toppuş ovcunda əridəcək və hər dəfə dabanının döşəmədən bir neçə santimetr aralı düşdüyünü hiss eləməyəcək mal qızı mal. Bəlkə də hiss eləyəcək...

Sonra əmim oğlu səsini qısıb adını heç vaxt dilinə gətirmədiyi qızdan danışacaq. Danışacaq ki, onunla universitetin oxu zalında tanış olmuşdum. Bir neçə ay olardı ki, telefonla danışırdıq. Son telefon danışığında Axundov kitabxanasında görüşməyi vədələşdik. Xoşbəxt olmaq üçün yaddaşından qurtulmalısan. Amma mən heç nəyi unuda bilmirəm. Həmin gün dəqiq yadımdadı. Məndən tez gəlmişdi görüş yerinə. Kitabxananın gediş-gəliş daha seyrək olan küncünə çəkildik. Ayaqqabılarım nimdaş olduğundan ayaqlarımı qızın ayaqları arasında gizləyib onu sevdiyimi pıçıldadım. Qızın başı sinəsindəydi. Susurdu. Bu dəm sınıq-salxaq yaşlı bir qadın peyda oldu sol böyrümdə. Dedi, gedin, öpüşməyə başqa yer tapın, insanlar bura kitab oxumağa gəlir. Sözünün vecə alınmadığını görüb donquldana-donquldana uzaqlaşdı. Deyəsən, zəmanəni söyürdü.

Bu yerdə sözünə ara verəcək əmim oğlu. Dolu qədəhi başına çəkib əlini süfrəyə uzatmadan keçmişi ilə “zakuska” eləyəcək. Boğazının yolunda topalanan qəhəri pərən-pərən salıb başlayacaq yarıda kəsdiyi xatirəsinin arxasını danışmağa: “Qız dinib-danışmırdı. Mən də susmuşdum. Səssizlikdən bezib “sevirəm” sözünü yenidən pıçıldadım. Qız başını qaldırıb soruşdu ki, bu çəkmələrlə sənə soyuq deyil? Həmin gün yerə bir-iki barmaq qar düşmüşdü. Mən qarı da unutmuşdum, soyuğu da. Amma qızın bu sualından sonra üşüdüyümü hiss elədim. O gündən nimdaş ayaqqabı geyməyi özümə qadağan eləmişəm.”

Söhbətini tamamlayıb titrəməsi kəsmək bilməyən əlləri ilə siqaret yandırıb uzaqlara baxacaq əmim oğlu. O uzaqlara ki, orda qarın soyuğu yerdən daha çox insanların ürəyindədir...

REKLAM

Yazarın digər yazıları

Xəbər lenti

Xurşudbanu Natəvana layihə həsr olundu - Video
12:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020