writer1

Elçin Hüseynbəyli

Məqalə sayı

65
clock15:52 calendar-gray 06 Noyabr 2015 view-gray234 dəfə oxunub
view-gray234 dəfə oxunub

Təyyarədə öpmək istədiyim qız

Kulis yazıçı Elçin Hüseynbəylinin “Yuxu kimi sevgi” yazısını təqdim edir.

Təyyarə salonuna girən kimi onu görürəm, daha doğrusu, gözlərim onu alır. Bəlkə də məni ona sarı çəkən vurduğu ətrin qoxusuydu. Xoş rayihəsi vardı. Yerimiz də yanaşı... Bu, yalnız xəyallarda belə olur. Amma bu, gerçəklik idi.

Təyyarə hələ qalxmamış o, hiss etsin deyə:

- Gözəl ətirdi, - deyirəm, - heyf adını bilmirəm, yoxsa sevdiklərimə hədiyyə edərdim.

O, guya məni eşitmir, şabalıdı saçlarını qulaqlarının dalına keçirir.

- Xanım da gözəldi, söz yox. Heç mən də pis deyiləm. Subayam, iyirmi beş yaşım var. Özü də yazıçıyam. Heyf ki, kitablarımı alan yoxdu. Taleyə bax e, səhərdən-axşama kimi yazasan, başqaları pul qazana və o puldan beşcə manat qıiyıb sənin kitabına verməyələr.

Onun vecinə də deyil. Əlini atıb qoltuqdan jurnal çıxarır və vərqləməyə başlayır.

- Özü də maşallah oxuyanlarımız çoxdu. Hər şeyi oxuyurlar, bircə mənim kitablarımdan başqa. Məni sevən və anlayan bir qadın olsaydı, ömrümün axırına kimi ona qulluq edərdim. Yazmağın daşını da atardım.

Yenə də susur. Jurnalı vərəqləyir. Hansısa adanın üsütndə dayanır. İstirahət mərkəzinin gözqamaşdırıcı mənzərəsinə baxır.

- Mən bir dəfə orda olmuşam, - deyirəm.

Yenə də “nol vnimaniya”.

Düşünürəm ki, yəqin bizim millətdən deyil. Rus dilinə keçirəm. Amma xeyri yoxdu.

- Çau, amiqo, - deyirəm. Bəlkə ispan, ya elə italyandı.

O isə susur.

Hövsələm daralır, daha dözə bilmirəm.

- Mən sizinləyəm e! - deyirəm.

Gözlərini hərləyib tənbəl-tənbəl mənə baxır:

- Mənimləsiniz?

- Bəli, bəli, məhz sizinlə.

- A, belə de, mən də elə bildim, telefonla danışırsız?

-Təyyarədə nə telefon? - deyirəm.

- Doğrudan e.

- Siz çox gözəlsiniz, bəlkə də sizin o incə və xırda qulaqlarınız mənim bu zığıldamaqlarımı eşitməməlidir.

- Hm...

Özünü müdrik aparır.

- Mən sizə əlimi və ürəyimi verirəm.

- Yəni?

- Yəni mənə ərə gələrsiniz?

- Belə tezliklə? Heç tanış olımamışıq.

- Tanışlıq formal məsələdi. Şərti adlardan da istifadə eləmək olar. Hə nə deyirsiniz?

- Niyə də yox.

- Deməli, biz olduq ər-arvad. Mən daha kişiyəm. Heç yazıçı da deyiləm. Kişiyəm, kişi! İndi mənim öz arvadım və evim olacaq. Düzdü, “obşaqada” yaşayıram. Necə fikirləşirsən, sizdə qalsaq yaxşıdı, yoxsa bizdə.

- Qərarı kişilər verir.

Gördünüz, o da təsdiq elədi. Qərarı kişilər, yəni mən verirəm.

- Mənim adım Elnurdu, sadəcə El.

- Mənim də adım Züleyxadı, sadəcə Zulya.

İndi öpüşmək olar. “Qorka” deyirəm və dodağımı onun dodaqlarına tərəf aparıram, o isə əvəzində mənə əlini uzadır. Əlindən öpürəm və ona sığınıram.

- Ah, sən necə də gözəlsən, şirinsən. Mənim bir dənəm, yeganə təsəllim. Bəsdi, yazmaq qurtardi.

- Niyə ki, sən yaz, səndə yaxşı alınır. Sən romantik və idealistsən.

Təyyarədən enirik. O gözləmədiyim halda mənə deyir. Bəlkə də gözləyirdim, hardan bilim:

- Yaxşı, xudahafis, sizinlə yol yoldaşı olmaq zövqvericidir.

- Siz niyə, biz bayaq evlənmədik!?

- Və ayrıldıq.

-Niyə?

- Təyyarədə evlənməyin axırı bu cür boşanmaq olur.

- Bəs mənim sevgim, mənim ümidlərim...

- Çau...

İstəyirəm soruşam ki, biz bir də görüşə biləcəyik.

- Sabah saat onda...

Gözlərimi açıram. Həyat yoldaşım telefonla kiminləsə danışır, oyandığımı görüb, odboy verir.

- Nədi yenə də sayıqlayırdın, Zulya-mulya. O kimdi?

Key-key baxıram.

- Gözəl ətrdi, - deyirəm, - yaltaqlanıram.

- O tərəfə yat görüm, - arvadım deyir və mənə bir dürtmə ilişdirir...

Həmişə belədi də...

Ən maraqlı yerdə...

Oktyabr 2015

REKLAM

Yazarın digər yazıları

Xəbər lenti

“Ulduz” jurnalının yeni nömrəsi işıq üzü görüb
19:20 26 Yanvar 2021
Nizami ilə bağlı müsabiqə elan olundu - Şərtlər
18:42 26 Yanvar 2021
Dəlisov yellərə məndən salam de - Natiq Əlisoyun şeirləri
17:29 26 Yanvar 2021
O, çayxana filosofudur - Nabokovdan Sartr haqqında sərt sözlər
16:44 26 Yanvar 2021
Harri Potter serial olur
16:08 26 Yanvar 2021
Miri Yusif "Yaşat" fondu üçün konsert verəcək
15:29 26 Yanvar 2021
Zeynəb Xanlarova ilə oxumaqdan imtina etdi, yoldaşı ilə 55 il nikahsız yaşadı, qızının dəfninə getmədi – Xalq artistindən maraqlı faktlar
14:50 26 Yanvar 2021
Fellininin prodüseri vəfat etdi
14:02 26 Yanvar 2021
Akif İslamzadənin albomu yeni onlayn platformada - Foto
13:20 26 Yanvar 2021
Nazirliyin yeni komandası film çəkilişlərinə qarışacaqmı? – Gənc rejissor yazır
12:40 26 Yanvar 2021
Müharibədə iştirak edən ilk qadın müğənni: O, ilk konsertindən cəmi bircə manat qazanmışdı – Aygün haqda bilmədiklərimiz
12:01 26 Yanvar 2021
İsa Hüseynovun hekayəsi "Dünya novellası antalogiyası"nda
11:35 26 Yanvar 2021
Rasim Balayev: “Çəkildiyim filmlərə baxanda pis oluram”
10:26 26 Yanvar 2021
Aygün 50 yaşını yeni kliplə qeyd etdi - Video
10:00 26 Yanvar 2021
İncəsənət Muzeyinin direktoru "Qızıl ulduz" medalı ilə təltif edildi
09:30 26 Yanvar 2021
Ölən uşaqlar Kürün quru yatağında ora-bura qaçırdılar – İlham Əzizdən yeni hekayə
09:00 26 Yanvar 2021
Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021