writer1

Elçin Hüseynbəyli

Məqalə sayı

65
clock14:56 calendar-gray 20 Oktyabr 2015 view-gray203 dəfə oxunub
view-gray203 dəfə oxunub

Anasına gül dərən uşaq

Uşaqları çiçəklərə bənzədirlər, yaxud da əksinə, amma nədənsə qadın deyəndə gül yada düşür. Gül və qadın. Bunu elə-belə, gəlişi gözəl söz üçün demədim...

Mənim işə gedib-gəldiyim yolun üstündə bir neçə xiyaban və lək var. Onun birində daim tərəvəz əkilir. Və fəsillərə uyğun olaraq tərəvəzin növü də dəyişir. O, ləklərə qulluq edən adamların işgüzarlığına, təbiət və ailə sevgisinə qibtə edirəm, ürəyimdə onları sevirəm də. Bir ləkdə isə dövrələmə qızılgüllər əkilib: yay-qış həmin kolların üstündə güllər qızarır. Həmin gülləri ötən yaz ağsaqqal bir kişi hardansa gətirib əkmişdi. Əvvəllər mən onu köhnə məhləmizdə yaşayan kişiyə bənzətmişdim, amma hesablayanda görmüşdüm ki, həmin adam ola bilməz, çünki o birisi daha yaşlıydı. Sözüm bunda deyil.

Qızılgül sahibinin əli nə qədər yüngül, ürəyi nə qədər təmizmiş ki, o kolların hamısı tutdu, belə demək mümkünsə, bar gətirdi. Onları saymışdım, on bir ədəd idi. Və həmin gülləri kiminsə qopartmasına nə o kişi dözərdi, nə də mən. Amma sən demə, o dözərmiş.

Adi günlərin birində ordan keçərkən qəribə mənzərəyə rast gəldim. Həmin ağsaqqal kişi gülləri sulayirdı, onun yanındakı ağacları da eləcə. Balaca bir oğlan uşağı qızılgül koluna yanaşdı, bir gül qopartmaq istədi, amma əlinə tikan batdığından tez də əlini çəkdi. Kişi, bostan sahibi ona yaxınlaşdı və gözlədiyimin əksinə olaraq, uşağı danlamadı, həmin gülü cibində gəzdirdiyi qayçıyla kəsərək uşaqa verdi. Uşaqsa o gülü bir az aralıdaki “besedka”da (sözxanada) oturmuş cavan qadına apardı. Güman ki, qadın onun anasıydı və sevincindən uşağı bağrına basıb üz-gözündən öpdü. Düzdü, analar onsuz da balalarını, xüsusən də oğlanlarını çox istəyir. Bəlkə də bu, ərindən görmədiyi qayğının əvəzinədir, boşluqları doldurmaq istəyidir.

- Hər uşaq bir gül dərsə, burda heç nə qalmaz ki, - deyə daim salamlaşdığım gül sahibinə dedim.

- Analara olar. Uşaq o gülü anasına aparır və hər dəfə bura gələndə belə edir, - dedi.

Onda mən öz oğlumu xatırladım. O da uşaq vaxtı, ağacda, ləkdə, parkda gül görəndə anası üçün dərirdi. Mən bunu ona qadağan eləməyə çalışsam da, nəticəsi olmadı və ana-bala sevgisi mənim iaradlarımı üstələdi. İndi, yəqin ki, uzaq şəhərdə yaşayan oğlum öz rəfiqələrinə, sevdiyi qızlara gül bağışlayır. Hər halda mən bunun belə olduğuna inanmaq istərdim.

Qaldı ki, balaca uşağa və onun anasına. Hər ikisinin üzündə olan sevinc bu dünyanı rövnəqləndirən, işıqlandıran bir hadisəydi və yəqin ki, heç nəylə əvəz olunmazdı.

Kitab oğrusunu qınamadığımız kimi, anasına gül aparan uşaqları da anlamalı, hətta sevməliyik.

Əslində isə ana-balaya o sevinci bəxş edən gül sahibi olan həmin ağsaqqal kişiydi və uşağın bu hərəkəti ona həyatda çoxdandan unutduğu sevinci yaşadırdı. Bəlkə o kişi elə mən özüm idim. Kim bilir...

Oktyabr 2015

REKLAM

Yazarın digər yazıları

Xəbər lenti

Bu il beynəlxalq festivallarda iştirak edən Azərbaycan filmləri - Siyahı
15:52 15 Avqust 2020
Bir oğlu öldü, ikinci oğlu anasını tərk etdi-Papaqçıya ərə gedən Xan qızı
14:29 15 Avqust 2020
"Alacaqaranlıq" seriyasının müəllifindən oxuculara kitab müjdəsi
13:43 15 Avqust 2020
Xurşidbanu Natəvana layihə həsr olundu - Video
11:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020