news-inner
clock11:28 calendar-gray 02 Sentyabr 2015 view-gray246 dəfə oxunub
view-gray246 dəfə oxunub

Yaradandan fərman budur - GƏRAYLILAR

Kulis Qazaxda yaşayan gənc şair Hikmət Carçılı Orhunun təzə gəraylılarını təqdim edir

***

sən olsan allah adamı,

mən ollam imam övladı.

yerin altın, üstün bilər,

hələb oğlu, şam övladı.

gəl, məni qovğadan qutar,

naşı atar, nadan tutar.

gözünün üstündə tutar,

sonlamaz adam övladı.

sinəmdə var bir ağız söz,

qaldım qarasız, kağızsız.

qul hikmət dilsiz, ağızsız -

yaradanın xam övladı.

***

göz görəsi canım çıxdı

ruhumu görən olmadı.

daşlara çırpılıb qaldı,

ahımı görən olmadı.

saqi badəmi doldurdu,

içdim, nəfsimi öldürdü.

beş rükət namaz qıldırdı

şahımı görən olmadı.

qul hikmət der: xəbər aldım,

yolumu yaxına saldım.

para verib kəfən aldım

behimi görən olmadı.

***

zamanası qara gəlsin,

qardaş da yağı kimidi.

qonum-qonşu hücum çəkər,

xoş sözü ağı kimidi

alan almaz - satan öyməz

alar da əyninə geyməz

nəfsim keçməz, əlim dəyməz

mülküm göz dağı kimidi.

qulun olmaz yazı, yayı,

burnundan tökülər payı.

bilinməz səmti-sarayı,

solu da sağı kimidir.

***

bir diyara ürcah oldum,

kəndinin itləri hürməz.

cavanı kefə qulluqdu,

ağsaqqalı öyüd verməz.

rəncbəri dinməz söyləməz,

ağası zülüm eyləməz,

şahı gədanı əyləməz,

fərmanına ağıl ərməz.

qulun sözü enər haqdan,

cəza çəkilməz nahaqdan,

mömini razı Allahdan,

cahili heç bəla görməz.

***

dərdə düşdüm, dərdə düşdüm,

halım bilmədi, bilmədi.

el-aləm qədrimi bildi,

zalım bilmədi, bilmədi.

düşündüm, durdum: nə edim?

yavan doydum, yavan yedim.

fikir çəkdim: yoxsa gedim -

qalım, bilmədi, bilmədi.

qulam, soldu baxçam-bağım,

tutuldu qaşım-qabağım.

qanlar tökdü solum-sağım,

gülüm bilmədi, bilmədi.

***

sürünməkdən doğmalaşıb,

dizim yollara, yollara.

var sinəmdə neçə qatar,

sözüm yollara, yollara.

tanrıdan belim bükülü,

ağzımda dişim tökülü,

umudum sənə dikili,

gözüm yollara, yollara.

qul hikmətə olan olub,

bir güləndə, bir də dolub.

bir gedimlik ömür qalıb,

dözüm yollara, yollara.

***

yaradandan fərman budur:

yol yorasan yar yolunda.

əhdində möhkəm olanın

durmaz boran, qar yolunda.

su olub daşdan keçəsən,

göz olub yaşdan keçəsən.

quruca başdan keçəsən,

namus, qeyrət, ar yolunda.

ad alıb, axca salanın,

durub başına dolanın.

şirinə fərhad olanın,

sərt qayalar var yolunda.

news-inner-user

20022 məqalə

Oxşar xəbərlər

Xəbər lenti

Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021
İbrahim Tatlısəs 12 il sonra konsert verdi - Video
10:02 24 Sentyabr 2021
Qərb ölkələrini fəth edən Azərbaycan mahnısı - Onu necə lağa qoydular?
09:01 24 Sentyabr 2021
Bir gəncin anormal istəkləri – Orxan Bahadırsoydan 18+ hekayə
21:00 23 Sentyabr 2021