news-inner
clock12:00 calendar-gray 02 May 2015 view-gray270 dəfə oxunub
view-gray270 dəfə oxunub

Gülməli olduğuna görə qadağan olunan film LAYİHƏ

Kulis.az “Ən qalmaqallı filmlər” layihəsində alman və amerikalı rejissor Ernst Lubiçin “Olum ya ölüm” komediyasını təqdim edir.

Ernst Lubiç 1893-ci ildə Berlində kommersant ailəsində doğulub. Gimnaziyanı bitirəndən sonra atası onu öz firmasında işləməyə məcbur edir. Bu iş onun ürəyincə deyildi və o, imkan tapdıqca xəlvətə çəkilib ədəbiyyat oxuyurdu.

Lubiç atasına aktyor olmaq istədiyini deyəndə, belə cavab almışdı: “Sən teatrda işləmək istəyirsən? Yaraşıqlı olsaydın etiraz eləməzdim. Amma bu sir-siftələ?”.

Amma atası yanıldı.

Lubiç uğurlu rollar oynadı.

Kinoda debütünü aktyor kimi edən rejissor eyni xarakterli rolları oynamaqdan bezərək özü filmlər çəkməyə başladı. 1918-ci ildən 1922-ci ilə qədər Almaniyada böyük uğur qazanan “Madam Dübarri”, “Fironun arvadı”, “İlbizlərin ıahzadəsi”, “Alov” filmlərini ekranlaşdırdı.

Sonralar Hollivuda gedən, Lubiçə uğur gətirən ilk film “Nikah” olur. Film ailədə bəxti gətirməyən məkrli qadının yaxın rəfiqəsinin ailəsini dağıtmasından bəhs edir.

Sonrakı filmlər ilə də onun Hollivudda nüfuzu artır.

“Məni yenidən öp” (1925) filmində başqasına aşıq olan ərli qadının əhvalatı danışılır.

Bir neçə Oskara nominant olan “Vətənpərvər” (1928) dramı rus çarı Birinci Pavelin həyatını anladır.

“Səninlə bir saat” (1932) musiqili komediyası məhəbbət üçbucağı haqda klassik hekayədir.

Hollivud dövründə Lubiçin çəkdiyi filmlərdə bəzək düzəkli salonlarda keçən həyat təsvir edilir. O, eyni zamanda kinoda caz tematikasının əsasını qoyanlardan biridir.

Onun filmləri yüngüllüyü, komikliyi, ekzotikliyi ilə fərqlənirdi. Peşəkar kino təhsili olmayan Lubiç kinonun inkişafına təsir eləyib və öz üslubunu yaradıb. Kino tarixində “Lubiç manerası”, “Lubiç tərzi” kimi ifadələr yarandı.

O, obrazları açmaq üçün ironik yanaşma, hadisələrin inkişafında gözlənilməz gediş edir, yüngül atmosfer yaradır, tamaşaçını intriqaların iştırakçısına çevirirdi.

Rejissor deyirdi: “Mən tamaşaçıya öz təxəyyülünü istifadə etməyə imkan verirəm. O, əgər mənim fikrimi səhv şərh edirsə, ona kömək edə bilərmmi?”

Məşhur fransız rejissoru Fransua Trüffo onun komediyalarını hər dəliyi gülüş doğuran İsveçrə pendiri adlanıdırırdı. Onun komediyalarında fars janrının qabalığı Vyana operettalarının zərifliyi ilə qarışır. Komediya fəndi olan geq (geq- zarafat, komik epizod deməkdir, onun əsasında qabarıq görünən cəfəng hərəkət dayanır. Məsələn, yanğın zamanı bir adamın xəlbirlə su daşımağı geq adlanır) modern teatrla birləşir.

Lubiç çəkilişlərdə ən xırda detallara belə diqqət yetirirdi.

O, 1947-ci ildə, 54 yaşında Hollivudda infarktdan ölüb.

Layihədə rejissorun 1942-ci ildə çəkdiyi, kino tarxinin ən yaxşı antifaşist filmlərindən sayılan “Olum, ya ölüm” komediyasını təqdim edirik.

Süjet: 1939-cu ilin Varşavasında teatrda “Gestapo” adlı tamaşa qoyulur. Tamaşanın əsas personajlarından biri Hitlerdir. Amma bu antinasist pyes qadağan edilir. Və onlar “Hamlet”i oynamalı olur. Varşavanın işğalından sonra teatr bağlanır, aktyor truppası isə faşistlərə qarşı tamaşa xarakterli mübarizədə təhlükəli oyuna cəlb olunur.

Film ekranlara çıxandan sonra qalmqallarla müşayiət olundu. Rejissoru Polşanın işğalı zamanı baş verən reallıqları bilməməkdə günahlandırdılar. Digər mübahisə doğuran məqam rejissorun faciəli hadisəni komediya kimi çəkməsi idi.

Yalnız 20 il sonra filmə Polşa prokatında izn verildi.

Baş rolu oynayan Cozef Benninin atası filmin nümayişində oğlunu alman zabiti formasında görəndə elə sarsılıb ki, kinozalını tərk etmək istəyib.

Digər baş rol ifaçısı Kerol Lombardın qəhrəmanı “Axı, təyyardə nə baş verə bilər” ifadəsi, aktrisanın təyyarə qəzasında həlak olmasından sonra montaj edilib.

Film Oskara nominant olsa da mükafat almayıb.

Oxşar xəbərlər

Xəbər lenti

Kulisin yazısı Monqolustanın ən böyük qəzetində - Foto
11:35 09 Mart 2021
Əməkdar artist Zeynəb Xanlarovadan danışdı: “Ağzıgöyçəklər danışırlar...”
10:40 09 Mart 2021
Türk aktyor vəfat etdi
10:01 09 Mart 2021
Rusiyanın "Avroviziya-2021" təmsilçisi bəlli oldu
09:32 09 Mart 2021
Kartof
09:00 09 Mart 2021
Dovşanın ölümü - Afaq Məsudun hekayəsi
16:30 08 Mart 2021
Qadınlar bayramı faciədən doğuldu – 8 Mart haqqında 8 fakt
12:30 08 Mart 2021
Gülay Hüseynova: “Mənə seksist suallar verirsən” - Müsahibə
09:00 08 Mart 2021
Qızı tərəfindən tərk edildi, kirayələrdə yaşadı, küçədə dünyasını dəyişdi – Xalq artistindən maraqlı faktlar
15:30 07 Mart 2021
Bəzənib, qurşanıb sеyrə çıxan yar... – Aşıq Ələsgərdən qoşma çələngi
11:00 07 Mart 2021
Məşhur müğənni kitabxanada striptiz klip çəkdi – Video
18:00 06 Mart 2021
Xalq artisti “Ay laçın” mahnısına klip çəkdirdi - Video
17:05 06 Mart 2021
Papaq - Cəfər Cabbarlının hekayəsi
16:32 06 Mart 2021
“Digitalart-lab” layihəsi çərçivəsində ustad dərsi keçirilib
16:10 06 Mart 2021
Oğuruq əşyalar Luvr muzeyinə qaytarıldı
15:02 06 Mart 2021
Qocalar evində yaşayan aktrisa vəfat etdi
13:45 06 Mart 2021
Tez öləcəyini bildiyi üçün evlənməyən aktyorumuz - Maraqlı faktlar
12:30 06 Mart 2021
Berlin Film Festivalının qalibləri açıqlandı
11:13 06 Mart 2021
Xalq rəssamı haqqında tədbir keçirilib
10:12 06 Mart 2021
Kişilərə qarşı terror törədən feministlər – Sevda Sultanova yazır...
09:01 06 Mart 2021