writer1

Səhər Əhməd

Məqalə sayı

197
clock11:12 calendar-gray 10 Aprel 2015 view-gray374 dəfə oxunub
view-gray374 dəfə oxunub

Arvad əti

Dünən Facebookda Ramiz Qusarçaylı gündəmdə olan söhbəti ümumiləşdirən maraqlı bir status yazmışdı: “Bu gün menyuda arvad ətidi”.

Son vaxtlar gündəmi sevməyə başlamışam. Yaxşı şeydi, adamın başını qatır, bəzən kefini açır. Bir var həmişə önündə görəndə mədənin qorxduğu ağır milli yeməklər kimi tanış mövzu ola, bir də var hansısa xarici mətbəxdən olan desert söhbətlər.

Ona görə də dünən Facebookda hamı şad-xürrəm görünürdü. Kişinin arvadını kəsib yemək söhbəti camaata ləzzət edirdi. Bizim qadınlar mövzuyla arxayın məzələnirdilər, çünki hələ onları kəsib yemək istəyən yox idi. Kişilər daha həvəslə məzələnirdilər, ona görə ki, təklifin xəyalı belə gözəl idi.

Mən isə “Nəsimi” filmində şeyxin sözlərini xatırlayırdım: “Siz gülürsünüz, amma mən onun qanını içərdim”.

Gerçəkdən, gülməli deyil. Bu məsələni leqallaşdırmaq dindarların əlində nədir ki? Zatən bizim dinimizdə qurban kəsib onun ətini yemək, qanını alnına sürtmək var. İbrahim peyğəmbərin Allah yolunda öz oğlunu qurban kəsmək istəməsinə inanan insanları kişinin öz arvadını kəsib yemək ayininə inandırmağa nə var? Necə olsa, arvad oğuldan min köynək uzaqdır. Qalır İsmayılın rəvayətinə uyğun bir nağıl düzüb qoşmaq.

“Ölülər” əsərində bir replika var. İsgəndərin bütün çabalarına rəğmən, öz qızını şeyx Nəsrullaha ərə vermək istəyən hacı Həsən arvadına deyir: “O qızın əlini-ayağını qayır, sabah veririk şeyxə”.

Buna uyğun replika da düzüb-qoşmaq olar. Tutaq ki, kişi öz qızına deyir: “Ananın əlin-ayağını qayır, xınala, sabah onu kəsəcəyik”.

Mənə elə gəlir, bununla islamda qadına olan ali münasibət tamamlanmış olur. Müxtəlif fətvaları ümumiləşdirən yeganə düzgün qərar. Daha həmin qadını daşqalaq etmək, dilini kəsmək, torbaya soxmaq lazım olmayacaq. Hərə öz arvadını kəsib yeyəcək, öz sonuncu qələbəsini qeyd edəcək, vəssalam.

Məncə, hər hansı müsəlman kişisinə dörd arvadından üçünü kəsib yemək, birini tumluq saxlamaq məqbul sayılmalıdı. Həmin adam əlavə xərclərdən qurtulmuş, həm də ət problemini həll eləmiş olur!

O ki qaldı sözün hər iki mənasında qurbanlara, yəni kəsiləcək zənənlərə, onların içindən şeyxin bu pəstahasına məntiqli baxan dindar qadınlar da az olmayacaq. Ağzıdualı, namazlı-dəstəmazlı mömin qəssablar əlində ölməklə, sevimli kişisinin həzm-rabesindən keçməklə xoşbəxt olmaq istəyən könüllülər dəstəsi. Döyüş bölgələrində cihada dəstək verdiyini düşünən zərif cinsin nümayəndələri üçün məhrəm bir kişinin əlində üzü qibləyə kəsilmək nədi ki?!

Yəqin ki istisnalar da olacaq. Qurban bayramı qabağı sahibinin əlindən qaçan bəzi qurbanlıqlar kimi.

Ətin taleyinə gəlincə, deyilənə görə, qurban əti dadlı olur...

REKLAM

Yazarın digər yazıları

Xəbər lenti

Pamuku təzə romanına görə niyə linç edirlər?
16:20 14 Aprel 2021
Anar qazi-şairlərlə görüşüb
15:40 14 Aprel 2021
Öləcəyini bilə-bilə vertolyota minən Milli qəhrəman - Türkiyə prezidenti ondan nə xahiş etmişdi?
14:55 14 Aprel 2021
Ruhumuzun mistikası - Ibrahim Ibrahimli yazır
14:12 14 Aprel 2021
Ziyalılar Prezident Administrasiyasına müraciət etdi
13:31 14 Aprel 2021
Şah İsmayıl Xətainin kitabı nəşr olundu
12:47 14 Aprel 2021
Azərbaycandan borc istəyən Atatürkün məktubu - Nadir fakt
12:05 14 Aprel 2021
Kanalizasiyada ölən Əhməd məhəlləni necə xilas etdi?
11:25 14 Aprel 2021
“Tik-tok”da videosu çıxdığına görə döyülən qadın
10:44 14 Aprel 2021
Tanınmış rejissor vəfat etdi
10:15 14 Aprel 2021
"Ürəyim istəyən qədər boşboğazlıq etmək istəyirəm" - Seymur Baycanla müsahibə
09:00 14 Aprel 2021
Mərakeşdə Azərbaycanla bağlı kitab nəşr olundu
18:59 13 Aprel 2021
Gənc yazarla görüş keçiriləcək
18:08 13 Aprel 2021
44 günlük müharibəyə həsr edilən şeirlər kitabı çıxdı
17:21 13 Aprel 2021
Bir əliylə köksünü tutmuş... – Orxan Vəlidən seçmə şeirlər
16:45 13 Aprel 2021
Niyə kitab oxumalıyıq?
15:54 13 Aprel 2021
Kamal Abdullanın hekayəsi Gürcüstanda çap olunub
15:01 13 Aprel 2021
Övladı olmadı, Azərbaycanı biryolluq tərk etdi, gözləri tutuldu... – Kinomuzun Humayı hardadır?
14:10 13 Aprel 2021
Atatürkün pencəyi satışa çıxarıldı
13:37 13 Aprel 2021
Operator qızın soyuq səsi - Orxan Cuvarlı yazır
13:18 13 Aprel 2021