writer1

Təranə Fazilqızı

Məqalə sayı

20
clock12:41 calendar-gray 08 Aprel 2015 view-gray223 dəfə oxunub
view-gray223 dəfə oxunub

Bikənin quşları

Esse

Qonağımız gələcək deyə, tezdən oyanıb, iş-gücə, biş-düşə başlamışdım. Paltar yuyur, mətbəxə qaçır, arada bir uşaqlara baxırdım - görüm yuxudan durublar ya yox.

Vərdiş halını almış deyingənliyimdən bəzən özüm də bezirdim. Son günlər bel ağrısı amanımı kəsib, əsəblərimi tarıma çəkirdi. Bir yandan da bu çətinliklər. Heç nəyi çatdırmaq olmur. Quru maaşla necə dolanasan ki? Yemək, gəzmək, geyinmək istəyirsən. Danışıb tələb edəndə də, evdə dava, söz-söhbət düşür. Allah saxlamış uşaqlar da bilmir: var, yoxdu, elə deyir ki, ver gəlsin. Nə isə, deyiləsi dərd deyil.

Elə bu düşüncələr içində eyvana çıxıb paltarları sərməyə başladım. Gözüm bizdən bir mərtəbə aşağıda yaşayan Bikə xalanın eyvanına sataşdı. O, iri boşqabda çörək qırıntılarını isladaraq, gül dibçəyinin yanına düzmüşdü. Eyvandakı səliqəsizlik – solmuş gül ləçəkləri, rəngbərəng paltar asılqanları, köhnə qab-qaşıq bir-birinə qarışmışdı. Yenə deyinməyə, darıxmağa başladım. “Bu arvadın da işi-gücü yoxdu. Elə bu dəqiqə gözlə, ay Bikə, sərçələr tökülüb gələcək, sənin islatdığın çörəkləri yeyəcəklər”. Pintiliyə bax, gör eyvanda nə qədər zir-zibil var. Elə bu arada qonşunun eyvanına sinəsi, lələkləri parıltılı, cazibəli bir quş qondu. Onun ardınca başqaları da gəldi. Heyrətdən donub qalmışdım. Onlar “Min bir gecə” nağıllarında təsvir olunan quşları, bir az da, balaca tovuz quşlarını xatırlatdı mənə. Axı, şəhərin mərkəzində bunlar hardan peyda olmuşdu? Fələk onları Bikə xalanın eyvanına çörək yeməyəmi göndərmişdi?

Sürahiyə söykənib, az qala nəfəs almadan quşlara tamaşa etməyə başladım. Çörək qırıntılarını böyük iştahla yeyən, hər udumdan sonra başlarını göyə qaldırıb Allahın varlığına, bir də Bikə xalaya dua edən quşlar məni ovsunlamışdı. Mənə elə gəlirdi, onlar Tanrıya şükür edirlər. Günəşli Bakı səhərinin xoş havasında yeyib doyduqdan sonra, dimdiklərini bir-birinə toxundurdular. Elə bil xoşbəxtlikdən məst olmuş quşlar qəfil gəldikləri kimi, tez də uçub üzü dənizə doğru getdilər.

Qəlbimdə ani olaraq bir təəssüf hissi yarandı. Quşların uçub getməsi məni kədərləndirmişdi. Lakin, bu hal uzun çəkmədi. Dəniz üzərində uçan quşları xəyalən də olsa təsəvvürümə gətirdim. Yuduğum paltarların təmizliyi ilə quşlar arasında bir əlaqə, bənzətmə hiss etdim. Quşlar və bəyazlığa bürünmüş paltarlar təmizliyin, saflığın bir nümunəsi idi. Bayaqkı giley-güzarımdan əsər-əlamət qalmamışdı. Həyat, yaşayış çətinlikləri ilə bağlı ürəyimə ağırlıq gətirən düşüncələr qar kimi əriyib getmişdi. Mən dünyaya gəlişimə sevinir, bu gözəlliyin şahidi olduğumdan fərəhlənirdim.

REKLAM

Yazarın digər yazıları

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021