writer1

Cəlil Cavanşir

Məqalə sayı

294
clock13:17 calendar-gray 24 Mart 2015 view-gray276 dəfə oxunub
view-gray276 dəfə oxunub

Seymur Baycanı danlayanlar və anlayanlar

Küsənlərin barışdığı, tonqalların alışdığı, könüllərin coşduğu Novruz bayramı yurdumuza qədəmlərini basdığı ərəfədə yazıçı Seymur Baycan da “Tikdirənlər və sökdürənlər” adlı yeni hekayəsi ilə oxucuların görüşünə gəldi. Ədəbiyyata qədəmlərini basdığı gündən oxucular tərəfindən ciddi tənqidlərə, təhqirlərə, təqiblərə, təhdidlərə məruz qalan Seymur Baycanın son hekayəsi də xəta-bəlasız ötüşmədi...

Seymurun hekayəsi hər zaman sözün və sənətin keşiyində olan sayğıdəyər oxucuların emosiyalarını elə coşdurdu ki, düz on gün gecə-gündüz bu hekayəni müzakirə etdilər.

Oxucular iki dəstəyə bölünmüşdü: Seymuru danlayanlar və Seymuru anlayanlar.

Seymuru danlayanlar onu əxlaqsızlıqda, istedadsızlıqda, plagiatçılıqda suçlayaraq, ciddi-cəhdlə ifşa etməyə çalışırdılar. Bəli, hekayənin plagiat olduğu, əxlaqa və milli dəyərlərimizə zidd olduğu “Seymuru danlayanlar” tərəfindən sübut olunduqdan sonra emosiyalar sakitləşdi və Seymuru danlayan oxucular ellikcə milli bayramımız olan Novruzu qeyd etməyə yollandı.

Seymuru anlayanların da reaksiyası maraqlı idi. Onlar ciddi-cəhdlə sübut edirdilər ki, “Seymur sizinlə (yəni oxucularla) məzələnib və siz söhbəti tutmamısınız.”

Ancaq Azərbaycan oxucusu öz sevimli yazıçısını bu şəkildə müdafiə edə bilər. Siz allah, yazıçını müdafiə edən oxucuların arqumentinə baxın: “O sizinlə məzələnib”!

Bu mənzərəyə necə gülməyəsən? Gülə-gülə necə düşünməyəsən? Düşünə-düşünə necə əsəbiləşməyəsən?

...Yuxarıda qeyd etdiyim kimi, Seymuru istedadsızlıqda, əxlaqsızlıqda, tərbiyəsizlikdə suçlayan oxucuların ürəyi bununla soyumadı və sözü bir yerə qoyub hekayənin plagiat olduğunu da sübut etdilər. Yaxşı da elədilər. Bir vətəndaş kimi bu məni çox sevindirdi. Bəli, yazıçının istədiyini yazmağa haqqı yoxdur!

Bəs nə bilmişdiniz? Elə bilirsiniz bu ölkədə hekayə yazmaq, onun qarşısına “18+” qoyub saytda dərc etdirmək asan məsələdir? Diqqətli və ciddi oxucu belə şeyləri yazıçıya bağışlamır. Sən kimsən ki, belə əxlaqsız və plagiat hekayə yazırsan, üstəlik də qarşısına “18+” qoyub sayta göndərirsən?

Axı nəyə görə 67811 oxucu sənin bu əxlaqsız və plagiat hekayəni oxumalıdır? Sənə kim icazə verib Salam Qədirzadənin əsərini dekonstruksiya edirsən, rimeyk yazırsan? Hörmətli Seymur müəllim, Salam Qədirzadənin yazdıqlarına toxunmağa, “barmaq eləməyə” sənin mənəvi haqqın çatırmı? Çatırmı? Əlbəttə çatmır!

Nə üçün postmodernizm adlı zir-zibili ədəbiyyatımıza soxuşdurursan? Niyə dəəə, niyə? Postmodernizm dünya ədəbiyyatına nə verdi ki, bizə nə versin? Yoxsa sən bizim ağsaqqal ədəbiyyatşünaslarımızın, akademiklərimizin, Borxesi, Ekonu bəyənməyən alimlərimizin müsahibələrindən də xəbərsizsən?

...Ümumiyyətlə mən başa düşmürəm Seymur Baycan güclü publisist olduğu halda nə üçün roman, povest, hekayə yazır. Onun publisistikası çox güclü olsa da romanları, povestləri, hekayələri və hətta şeirləri çox zəifdir! Üstəlik romanlarını publisistik dildə yazır. Amma insafən Seymurun ciddi mütaliəsi var...

...Sən kimsən Seymur Baycan? Yazıçı, yoxsa publisist? Yox ee, mən sənə sual verirəm, sən yazıçısan, yoxsa publisit? Publisitsənsə hansı haqla hekayə yazırsan? Yox yazıçısansa hansı haqla publisistika ilə məşğul olursan? Sənə bu səlahiyyəti kim verib?

İşin-gücün Anarı tənqid etməkdir. Heç gör Anar publisitika ilə məşğul olur? Olur? Səndən soruşuram, Anar publisitika ilə məşğul olur? Olmur və olmayıb! Olmayacaq da! Bildin? Bunu ancaq sən edə bilərsən! Hansısa qara qüvvələrin, postmodernistlərin təsirinə düşüb xalqın əxlaqını pozmağa utanmırsanmı? Ayıb deyilmi, romanda publisitik dildən, köşədə bədii dildən istifadə edirsən? Bu açıq-aydın düşmən dəyirmanına su tökməkdir!

Azərbaycanda bir nəfər qız göstərə bilərsənmi ki, sənin yazdığın o hekayədəki kimi eləsin? Göstərə bilməzsən! Bu cür əxlaqsız qızlar sənin getdiyin başqa ölkələrdə ola bilər.

Niyə Azərbaycan qadınına ləkə yaxırsan? Səni hansı qüvvələr qızışdırıb bu xalqın üstünə göndəribsə, biz onları çox yaxşı tanıyırıq!

Amma alınmayacaq! Bu xalq heç zaman sənin istədiyin kimi olmayacaq! Əmin ol ki, sənin zərərli təsirin bu xalqı yoldan çıxarmağa kifayət etməz! Yoldan çıxardığın gənclər də gec-tez səhvini başa düşəcək!

Yəni, əziz Seymur Baycan, biz beləyik! Duxun çatır bir də belə hekayə yaz!

REKLAM

Yazarın digər yazıları

Xəbər lenti

"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020
"Kobra"nın silahdaşı vəfat etdi
10:09 05 Avqust 2020
Mahnıları dillərdə dastan olan 5 Azərbaycan filmi - Video
09:01 05 Avqust 2020
Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020
Pelevinin yeni kitabı bu tarixdə nəşr olunacaq
14:28 04 Avqust 2020
Bəy qızını qaçıran, üç övladını itirən, on dörd il sürgündə qalan Xalq artisti - Səməd Vurğun onun həyatını necə xilas etdi?
13:22 04 Avqust 2020
Anar Nağılbazı kim öldürdü?
12:33 04 Avqust 2020
"YARAT" uşaqlar üçün sərgi açdı
11:50 04 Avqust 2020
Selfi çəkərkən tarixi abidəni qırdı
10:58 04 Avqust 2020
Məşhur yazıçının hekayəsinə film çəkilir
10:10 04 Avqust 2020
Ataqamdan yeni hekayə: Dişlək alma
09:00 04 Avqust 2020
Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020