writer1

Cavi Dan

Məqalə sayı

17
clock23:07 calendar-gray 19 Mart 2015 view-gray447 dəfə oxunub
view-gray447 dəfə oxunub

Siyasətin “Yuxu” dərsi

Bizim məktəbimizdə Siyasət adlı cavan bir müəllim vardı.

Uzun, arıq, qumral-qıvrım saçlı, trapes şalvarlı, platforma ayaqqabılı, enli bəzəkli kəmərli və incə belinə kip olan köynəklər geyinən tipik Co Dassen kumirli biri idi.

Haranı bitirdiyini, hansı ixtisasın yiyəsi olduğunu, məktəbimizdə hansı fənn üzrə çalışdığını bilmirdik, onu hamımız boş dərslərin nəzarətçisi kimi tanıyırdıq.

Elə ki hansısa müəllimimiz xəstələndi, elə ki hansısa dərsimiz boş qaldı, Siyasət müəllimi həmən sinfimizə göndərirdilər.

Onu sinfin qapısında görər-görməz hamı dəftər-kitabını çantasına yığar və sakit dayanardı.

Siyasət müəllim isə salamsız-kalamsız, yorğun-yuxulu halıyla müəllim masasının arxasına keçər və dərsə başlayardı:

- Qollarınızı partanın üstünə qoyun! Üst-üstə qoyun! Hə, bax belə. İndi başınızı da qollarınızın üstünə qoyun! Vəssalam, yatırıq! Bir nəfərin səsi gəlsə, ölümüdü!

Biz də, o da yatardıq sonra.

Düz qırx beş dəqiqə.

***

Uşaq idik, saf idik, hələ nə əsl siyasətin, nə də əsl siyasətin əsl yuxu dərsinin nə demək olduğunu anlamayacaq qədər təmiz idi beynimiz.

Müəllimlərimizə aşiq idik.

Müəllimlərimizin dərsdə iştirak edə bilmədiyi çox nadir zamanlar müddətində bizə yuxu dərsi keçən Siyasət adlı qıvrımsaçı isə nə müəllim kimi qəbul etdik, nə də könül dostu kimi.

O yaşda və o dövrdə idik ki, müəllimlərin adi insanlardan daha ali varlıq olmasına inanırdıq.

Ad günlərimizdə sinif rəhbərimizdən kitab, bloknot, qələm hədiyyəsi alan şagirdlər idik.

Müəllimlərimizin ad günlərini bilməyən, onlara hədiyyə almağın, zərf içində pul verməyin nə demək olmasından xəbəri olmayan...

Dərsdən sonra müəllimlərimizin bizə məsləhət gördükləri bədii kitabları kənd kitabxanasından dəstə ilə gedib alan, ev tapşırıqlarından sonra maraqla oxuyan, axşam saatlarında bir-birimizlə zəngləşib oxuduğumuzu müzakirə edən, həftə sonlarında isə ya şifahi, ya yazılı fikirlərimizi müəllimlərimizlə bölüşən şagirdlər.

Boş vaxtlarında kitab oxuyardı müəllimlərimiz. Özləri deyərdilər bunu bizə, nümunə olurdular, dərslərdən sonra bir dəqiqəmiz belə əlavə mütaliəsiz keçməsin deyə öyrədirdilər.

***

Müstəqilliyin ilk illərində bizim müəllimlərimiz Rusiya şəhərlərinə dağıldılar.

Çünki nə dərsləri var idi daha, nə də dərsdən sonrakı boş vaxtları.

Çörək qazanmaq, ailə dolandırmaq, ev saxlamaq üçün müəllimliklərindən uzaq dayandılar, adidən adi, vaxtilə bizə mənfi obrazlar kimi tanıtdıqları alverçilərlə çiyin-çiyinə alver etməyə məcbur oldular.

Sonra bizim müəllimlərimiz bir də müəllimlik etmədilər.

Siyasətin yuxu dərsi başlamışdı çünki, ömür boyu qiymətli bildikləri nüfuzları tapdanmışdı, başları qollarının üstünə düşmüşdü, əmr gəlmişdi sanki: “Yatırıq!”

Dəyərlər gözlərimizin qarşısındaca dağılır, ayaqlarımızın altına tökülürdü.

Qardaş xalq dediyimizin torpaqlarımızı işğalından tutmuş, kitabxanalarımızın qıfıllanmasına, məktəblərimizə Siyasət müəllim ağılda gənc kadrların doluşmasına kimi.

***

Vaqif Mustafazadənin “Düşüncələr”i fonunda yazıram bunları.

Hadı Rəcəblinin müəllimlərə unikal məsləhəti dolaşır beynimdə həm də, bir yandan da hər gecə həyətləri gəzən “Kosa-gəlin” dəstələrindən biri bu dəqiqələrdə evimizin qarşısında öz çalıb-oynamağındadır.

Sizi bilmirəm, mən hər dəfə bu kasıb və ayıq kənd uşaqlarının təbil və tütək səslərini eşidəndə eyvana qaçmışam bu son günlərdə, anamın üzü maskalı, əyni qadın geyimli bu əcaib və məzəli dəstəyə verdiyi manatları alıb həmən qaçan “Kosa-gəlin”lərə maraqla baxmışam.

Birdən, deyirəm, eləməzlər tənbəllik, müəllimlər də dərsdən sonra bunlar kimi gələrlər qapılara, çalıb-oynayıb maaş üstü düzəltməyi düşünərlər, eyvah!

Hadi, başlarınızı qollarınızın üstünə qoyun!

Vəssalam...

REKLAM

Yazarın digər yazıları

Xəbər lenti

Tbilisidə Nəriman Nərimanovun kitabı təqdim olundu - Foto
15:28 10 Aprel 2021
Leyla Əliyevanın kitabı təqdim olundu - Foto
14:19 10 Aprel 2021
Qürbətdə ayağım torpaqda ağlar - Azad Yaşardan yeni şeirlər
13:34 10 Aprel 2021
Göy üzünü Tanrı bilərdik - Fəxri Müslümdən şeirlər
12:21 10 Aprel 2021
Sizə həsəd aparıram - Fransada yaşayan azərbaycanlı yazıçı yazır
11:22 10 Aprel 2021
Məşhur repçi narkotikdən öldü
10:10 10 Aprel 2021
Psixoloq Elnur Rüstəmov: “Müharibə bizi koronavirusa yoluxmağa qoymadı” – Müsahibə
09:01 10 Aprel 2021
“Fəryad”ın çəkilişində ona sui-qəsd təşkil etmişdilər – Ceyhun Mirzəyevdən maraqlı faktlar
21:01 09 Aprel 2021
Azərbaycanlı rəqqas Rusiyada fəxri ada layiq görüldü
18:46 09 Aprel 2021
Xanım İsmayılqızı yeni kitabından danışdı
18:02 09 Aprel 2021
Flora Kərimovanın ürəyi dayanıb? - Açıqlama
17:21 09 Aprel 2021
Hamı şeirlərini əzbər bilir, amma heç kəs tanımır – Sözü özündən məşhur şairimiz
16:37 09 Aprel 2021
13 yaşlı Selcandan yeni hekayə
15:49 09 Aprel 2021
Məşhur aktrisa vəfat etdi
15:04 09 Aprel 2021
Xalq rəssamı: "Atam əsir düşəndə Almaniyada Rəsulzadə ilə görüşüb" – Müsahibə
14:17 09 Aprel 2021
Siyavuş Novruzovun axtardığı söz – Sərdar Amin yazır...
12:38 09 Aprel 2021
Trampın köməkçisi dörd milyonluq kitab yazacaq – Müqavilə bağlanıb
12:01 09 Aprel 2021
Xalq artisti xəstəxanaya yerləşdirilib
11:18 09 Aprel 2021
Pulun çaşdırdığı Əlixan Rəcəbov
11:04 09 Aprel 2021
Günün şeiri: Leş
10:30 09 Aprel 2021