news-inner
clock09:12 calendar-gray 14 Mart 2015 view-gray239 dəfə oxunub
view-gray239 dəfə oxunub

Sevinc Elsevərdən YENİ ŞEİRLƏR

Kulis Sevinc Elsevərin uşaqlar üçün yazdığı yeni şeirləri təqdim edir.

Ağ şar, qırmızı şar

Deyirlər topa bənzəyir yer kürəsi

Ay ağ şara

Günəş qırmızı...

Buludlar oyun xəmir kimidi

Nə istəsən düzəldirsən

Bəzən ata oxşayır

Bəzən dəvəyə buludlar...

Bəzən nəhəng

Bəzən xırda olurlar...

Ulduzlar da sarı dən

Səpilir ovuc-ovuc

Gecə qaratoyuq kimi

Bir-bir dənləyir

Sabaha kimi

Səhərə qalır

Təkcə bir ulduz

Dən kimi sarı

Dan ulduzu...

Onu da tezdən duran

Çəpərin üstünə hoppanan xoruz

Boğazın uzadıb dənləyir

Ulduz boğazından keçməmiş

banlayır

“quqquluqu, səhər oldu

günəş bacı qalx ayağa

işığından pay ver

çöllərə... dağlara.... uşaqlara...”

Dağların, dənizlərin arxasında bir əmi var

qırmızı şarı şişirdib göyə buraxar

o şar dünyamıza işıq saçar

deyir uşaqlar...

axşamlar yorular

enər qırmızı şar

ağ şar qalxar göyə

bizə nur verməyə...

Nərminimin duası

Allah baba,

sən neçəyə qədər saya bilirsənsə

atam o qədər yaşasın

hələ mənə

iyirmiyə qədər saymağı

öyrədib müəlliməm...

Pişiyə ət, dovşana ot

Dovşan, dovşan, a dovşan

quyruğun qısadı

pişiyin quyruğundan

qulaqların uzundu

pişiyin qulağından

Yeməyə çağıranda pişiyi

piş-piş deyirik

dovşana doş-doş

pişiyə ət

dovşana ot veririk...

hirsləndilərsə üzlərini görmə

baxmayın sakit görünməklərinə

caynaqları bənzəyir onların

bir-birinə...

Hesab dərsi

Balaca Rəşid

saydı barmaqlarını, saydı

“bir... iki” dedi, dayandı

böyüklər nə dillər tökdü

üçü, dördü yedi

elə “bir, iki” deyib

sözünün üstündə durdu

Saydı, ağacları saydı

maşınları

evləri

otaqları

pəncərələrdə işıqları saydı

hamısının cəmi iki elədi

Bircə göydəki ayı, günəşi düz saydı

səhər günəşə bir dənədi dedi

ikinci günəşi tapa bilmədi

axşam aya...

ulduzları da

topladı

çıxdı

vurdu

böldü

yenə cavab iki elədi...

Oxşar xəbərlər

Xəbər lenti

Rejissorumuzun filmi Moskva festivalının əsas proqramında
18:57 21 Sentyabr 2020
Notr-Dam kilsəsinin muzeyi işə başladı
18:34 21 Sentyabr 2020
Ayağı kəsilmiş sevgilisini tərk edən Ceyran – Sara İbrahimin hekayəsi
17:48 21 Sentyabr 2020
Tanınmış bəstəkara ağır itki üz verdi
17:19 21 Sentyabr 2020
Yeni Ceyms Bond kim olacaq?
16:24 21 Sentyabr 2020
Polisi maarifləndirmək lazımdır – Yazarlar şortik qadağasından danışdılar
15:42 21 Sentyabr 2020
Karyerasına atası son qoydu, dostları nankor çıxdı... – Kinomuzun Sərvərindən maraqlı faktlar
15:02 21 Sentyabr 2020
Tanınmış Türk yazıçısının kitabı Azərbaycanda
14:18 21 Sentyabr 2020
Rəsulzadəyə həsr olunmuş dərgi çap olundu
13:32 21 Sentyabr 2020
Biz səni niyə oxuyaq? – Qismət gənc yazarı tənqid etdi
12:50 21 Sentyabr 2020
Azad seks və şantaja qurban gedən qızlarımız – Fəridə yazır...
12:08 21 Sentyabr 2020
Kənan Hacıya vəzifə verildi
11:35 21 Sentyabr 2020
Seyid Əzimin qəzəllər kitabı Özbəkistanda
11:05 21 Sentyabr 2020
Yol polisi ilə şortik davası
10:30 21 Sentyabr 2020
"Emmi" mükafatının qalibləri açıqlandı
10:03 21 Sentyabr 2020
Xalq yazıçısını dəfn edən molla: “Onu məzara qoymağa bir qohumu, dostu tapılmadı” – Müsahibə
08:58 21 Sentyabr 2020
Məşhur meyxanaçı: "O işlə təkcə meyxanaçılar məşğul deyil ki" - Video
17:01 19 Sentyabr 2020
Rejissormuzun filmi beynəlxalq festivalın qalibi oldu
15:51 19 Sentyabr 2020
Bitlz qrupu haqqında kitab çap olundu
14:41 19 Sentyabr 2020
Mənə möcüzə kimi görünən ədəbi hadisə - Elçin yazır...
13:30 19 Sentyabr 2020