writer1

Mirmehdi Ağaoğlu

Məqalə sayı

574
clock13:53 calendar-gray 30 Yanvar 2015 view-gray254 dəfə oxunub
view-gray254 dəfə oxunub

Türk filminə Bakıda böyük hörmətsizlik

Qadın xəyanətindən “Anna Karenina” də yazmaq olar, bulvar romanı da.

Əsas müəllifin fərqli yanaşmasını ortaya qoya bilməsidir.

Bir qadın uzaq bir əyalət qəsəbəsinə gəlir...

Olduqca sadə bir mövzu... Sonrasını siz düşünün.

Lakin bu mövzunu biri çəkir film “Doqvill” olur, o biri çəkir, “Aşk sana benzer” olur.

Çəkir də deyirəm, dünən qala gecəsində olduğumuz filmin heç bilmədim rejissoru kimdir. Və mən səhnəyə tuşlanmış telefonların işığında ulduzlu səmaya bənzəyən qaranlıq salona gələnlərin hamısının məhz aktyor Burak Özçivitə görə burda olduqlarını başa düşdüm. Onlara film maraqlı deyildi.

Film isə...

Təsəvvür edin, filmdən sonra aktyorlar səhnəyə çıxdı. Birinci Burak Özçivit, sonra Fehriye Evcen, daha sonra Selim Bayrakdar danışdı. Ən axırda filmin “mağmın” rejissoru “bir kaç kəlmə” dedi. Elə bu vaxt səhnədəki afişaya göz atdım ki, görüm axı kimdi Burakın bığının altında itib-batmış rejissor: Taner Elhan.

Adətən film təqdimatlarında birinci rejissor danışır, daha sonra aktyorlar. Burda isə aktyorların birinci danışmağından bilinirdi ki, filmin məqsədi sənət-filan yaratmaq yox, aktyorlar və bir-iki baxımlı (peyzaj) səhnə sayəsində gənc oğlan və qızları kinoteatrlara yığmaq, qazanc götürməkdir.

Doğrusu filmdə elə bir xüsusi rejissor işi yox idi. Əvvəlindəki kamera titrəyişlərindən elə bildim rejissor “Doqma-95” stilində çəkir. Sonra gördüm yox... Sadəcə operatorun əli əsirmiş.

Filmdə xeyli dəniz səhnələri vardı. Bu filmlərin də xüsusi cəlbediciliyi ondadır ki, əlahiddə süjeti olmasa da peyzajlar tamaşaçını dincəldir. Belə dənizli-qayıqlı filmlərdə bir də çimərlik paltarlı qızlar bol olur. Amma nədənsə “Aşk sana benzer”də kiçik bir səhnədən başqa belə qızları görmədik.

Və qəribəsi odur ki, eşq sevdasından Məcnuna dönüb beş dəqiqədən bir zülüm-zülüm ağlayan Alinin (Burak Özçivit) qabağında yarım qədəh ayran belə yox idi. Təəccüblüdür, filmdə bu qədər yemək səhnəsi varkən rakıya rast gəlinmirdi. Əskidən türk filmlərində qəhrəmanların ağladıqları səhnələr rakısız keçməzdi. Yəqin filmin istehsalçıları hökumətin xoşuna gəlmək üçün belə ediblər. Özünü dünyada indi-indi tanıtmağa başlamış türk film sektoru bu gedişlə tənəzzül etməsə yaxşıdır.

Gəl-gələlim gənc qızların sevimlisi Burak Özçivitin oyununa. “Çalıquşu” serialının bir-iki bölümünə baxmışdım. İnsafən yaxşı oynayırdı. Bu filmdə isə onun yersiz gülüşü (dişlərini ağardaraq), qollarını yana açıb yeriməyi sanki bir məqsədə hesablanmışdı: qız tutmağa!

Yəni, daha çox gənc qızın bu filmə baxışını təmin etməyə.

Qorxuram bizim cavan oğlanlar “Aşk sana benzer”ə baxandan sonra poladələmdarlığı buraxıb bundan sonra Ali kimi yeriməyə, onun kimi hərəkət etməyə başlasınlar.

“Möhtəşəm yüzil”dən Sürməli Ağa kimi tanıdığımız Selim Bayrakdar öz rolunu xeyli yaxşı oynayıb. İnsafən əksəriyyəti gənc olan tamaşaçılar da Burakın cazibəsinə uyub çıxış edən Selim Bayrakdarın filmdəki zəhmətini yerə vurmadılar. O, danışmağa başlayan kimi tamaşaçılar sürəkli alqışladılar.

Və sonda... Sonda nə olacaq? Tamaşaçılar filmin titrləri ekranda görünməmiş yerlərindən qalxdılar. Bir qismi salonu tərk etdi, digərləri isə türk aktyorların əyləşdiyi tərəfə yönəldi. Burak Özçivit fanatların bu reaksiyasına baxmayaraq hələ xeyli müddət yerindən durmadı: Sanki öz kiçik aksiyası ilə demək istəyirdi ki, filmə bu cür hörmətsizlik etməzlər...

REKLAM

Yazarın digər yazıları

Xəbər lenti

Akademik Musiqili Teatr növbəti ilkə imza atdı - Video
18:01 28 Yanvar 2021
Çağdaş alman romanı Vilayət Hacıyevin tərcüməsində - Yeni nəşr
17:36 28 Yanvar 2021
Evlilik duyğuların zibil qutusudur – Dahilər ailə haqqında nə deyir?
17:19 28 Yanvar 2021
Sevgisizlikdən "uçan" qadınlar - Günel Mehri yazır...
16:40 28 Yanvar 2021
Aşıq Veysəlin nəvəsi babası ilə bağlı məşhur faktları inkar etdi
15:59 28 Yanvar 2021
"İstəyirəm xanımların mənə yazığı gəlsin" - Vaqif Səmədoğlu ilə müsahibə
15:18 28 Yanvar 2021
Xalq artisti: "Şəfiqə Məmmədovadan hamı narazıdır"
14:40 28 Yanvar 2021
Eyvaz Əlləzoğlunun 65 yaşı tamam olur – Onu yaxından tanıyaq
14:36 28 Yanvar 2021
Nobel ziyafəti verilən salon peyvənd mərkəzinə çevrilir
14:22 28 Yanvar 2021
Aktrisa 94 yaşında vəfat etdi
13:41 28 Yanvar 2021
Vaqifin ortadan qırılan siqareti – Babək Göyüş yazır...
13:01 28 Yanvar 2021
Sevgilisi ilə xanımını 4 ay bir evdə saxladı, yəhudi toyunda hamını ayağa qalxmağa məcbur etdi- Heç kimə bənzəməyən Rəmiş
12:30 28 Yanvar 2021
Ürək parçalayan şəhid məzarları – Günahkar kimdi?
11:50 28 Yanvar 2021
Azərbaycanlının evlilik təklifi niyə bayağı alınır?
11:07 28 Yanvar 2021
Anar evliliyinin 59 illiyini qeyd etdi - Fotolar
10:25 28 Yanvar 2021
Kann Film Festivalı təxirə salındı
10:02 28 Yanvar 2021
Orxan Pamukun romanları Qərbin gizli sifarişidir – Aqşin Yenisey yazır...
09:01 28 Yanvar 2021
“Azərbaycanın klassik 12 instrumental muğamı” kitabı təqdim olundu
18:59 27 Yanvar 2021
Mədəniyyət naziri Fransanın dövlət katibi ilə görüşdü
18:11 27 Yanvar 2021
Qarabağda mina təmizləyənlərdən film çəkildi - Video
17:28 27 Yanvar 2021