writer1

Sevinc Çılğın

Məqalə sayı

11
clock13:05 calendar-gray 29 Yanvar 2015 view-gray350 dəfə oxunub
view-gray350 dəfə oxunub

Vaqif Səmədoğlunun bizi hönkürdən sevgi etirafı

- Zair, fikir vermisən, Vaqif Səmədoğlunu bütün gənc yazarlar çox sevir. Harda görsək, başına yığışırıq.

- Hmm, amma neyçünsə ən çox xanım yazarlar...

***

- Şair, sizi sevirəm...

- Mən də səni sevirəm, Yavruların anası...

***

- Sizi sevirəm, şair…

- Sənin bütün yazdıqlarını oxuyuram, Sevinc, yaşamaq istəyirəm! Mən də səni, inan... Əlini və yavrularını öpürəm, ərini isə özün öp...

- Siz yavrularımın da sevimli şairi olacaqsız! Qoy bir yazıb-oxumağı öyrənsinlər…

- Çox sağol, Sevinc. Burdakı yazılarını oxuyuram, fotolarına baxıram, ərinə vəhşi kimi paxıllıq eləyirəm! Bəli, bu yaşda və səhhətimin bu antiestetik vəziyyətində! Belə yaxşıdır, hə? Bir ayaq gorda, o biriylə şıllaq atmaq... Öpürəm səni, balalarını... Ömür-gün yoldaşına salamımı yetir. Bu rəsmi salamımdır ona. Onun baxtı gətirdi ki, mən qoca, xəstə və zarafatcılam... Xoşbaxt olun, əzizlərim.

Ahhh necə gözəl etiraaafff... Ölsəm də qəm yeməm...

***

Mən haqlıydım deyəndə ki, onu gənc yazarlar müasirlərindən daha çox sevirlər. Harda görsək, başına yığışırdıq. Danışırdıq, zarafatlaşırdıq, gülürdük. Özündən, sözündən, üstündən sevgi, mədəniyyət, sənət süzülürdü. O, yaşadığı illərlə bizim hələ yaşanmamış ömrümüz arasında körpü qura bilirdi. Heç vaxt gənc həmkarları haqda neqativ danışmazdı. Əksinə, hamını tanıyırdı, hamını öz dilində dindirirdi. (Məni sevgi dilində dindirməyi də təsadüfən deyildi). Saçının bəyazları yaşını satsa da, ruhu günəş kimi işıqlıydı. Sözü, nəfəsi nur saçırdı. Hər dəfə dialoqlarımız belə sevgi dolu, zarafatlı olurdu. Arada zəng edirdim. Telefonu açan kimi “Necəsən, yavruların anası?” – bu ən gözəl, ən ləzzətli statusumu elə sevgi ilə dilə gətirirdi ki...

Varlığı, səsi, sözü, şeirləri mənimçün “mübarək” kəlməsiylə səsləşir. Bəlkə ona görədir ki, bu yazını da sevimli şairin ardından ağı kimi kədərli yaza bilmirəm. Gözümün yaşı dayanmır, amma dodaqlarımda təbəssümlə yazıram. Nə gözəldir sevib-sevilərək yaşayıb, sevilərək də vidalaşmaq bu həyatla...

***

Sonuncu dəfə yubileyində gördüm onu. Sevgilisi (öz diliylə) Nüşabə xanıma sevgi etirafına hamımız hönkürdük. Yoxluğunu varlığında hiss etdirdi. Hamımız çox yaxşı bilirdik ki, sevimli şairimizi sonuncu dəfə görürük. Elə üzünə baxa-baxa ayrılığını yaşayırdıq. Və biz əslində elə həmin gün Vaqif Səmədoğlu ilə vidalaşmışdıq...

Bircə təəssüfüm var... Bir də “Sizi sevirəm, şair!” deyəndə “Mən də səni, yavruların anası” eşitməyəcəyəm...

***

Bu gün vida günüdür... Bu dünyadan həyatı bunca sevmənə rəğmən baş götürüb qaça bildin, sevgili şairim, içimizdən hara qaçacaqsan...

Bəlkə cənnət dedikləri elə insanların ürəyidir...

Yerin ürəyimizdir, şair...

REKLAM

Yazarın digər yazıları

Xəbər lenti

Kamal Abdullaya hücum edən herostratlar - Niyazi Mehdi yazır...
13:30 20 Aprel 2021
Tağıyev haqda film Britaniyada yer tutdu
12:47 20 Aprel 2021
Hər kəsin ürəyinə dağ çəkən həkim: Müəmmalı ölümündən iki saat əvvəl canlı yayımda idi...
12:01 20 Aprel 2021
İstərdim məni şillələsin...
11:20 20 Aprel 2021
Taksi sürücüsünün telefonunda mənə göstərdiyi şəkil – Günel yazır...
10:39 20 Aprel 2021
Sosial ağrıya çevrilən ölüm - İradə Musayeva yazır
10:01 20 Aprel 2021
Tanınmış musiqiçi vəfat etdi
09:35 20 Aprel 2021
Əli Əmirlidən yeni hekayə: Mələk əmi
09:00 20 Aprel 2021
Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur Baycan
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021