writer1

Cəlil Cavanşir

Məqalə sayı

294
clock08:30 calendar-gray 16 Yanvar 2015 view-gray479 dəfə oxunub
view-gray479 dəfə oxunub

Azad seks və yanmış keks

Öncədən deyim ki, bu yazı həyəcan təbili deyil. Bir növ oxucularla dərdləşmək xarakteri daşıyır. Yazacağım problem az qala dünyanın yarısından çoxunda aktualdır və sosioloqların üzərində ciddi şəkildə baş sındırmalı olduğu məsələlərdən biridir. Sosial şəbəkələrin və “ağıllı” telefonların sürətlə həyatımızın bir parçasına çevrilməsi və düzgün istifadə olunmaması insani münasibətlərdə ciddi problemlərə yol açır. İnsanlar real dünyadan qopub əsiri olduğu sosial şəbəkələrin sakininə, vətəndaşına çevrilir.

Bu yazıda sadəcə bir məqam üzərində gəzişəcəyəm. Lütfən, fikirlərimi qadın düşmənçiliyi kimi yozmayın. Çünki, qismət olarsa tezliklə kişilərin də sosial şəbəkələrdəki oyunlarından yazacağam.

…Sosial şəbəkələrin populyarlaşması evdar qadınlara geniş imkanlar yaradıb. Cəmiyyətin həyatında heç bir sosial aktivliyi olmayan, konsertə, tamaşaya, filmə getməyən, kitab oxumayan gəlinbacılar əllərinə düşən bu göydəndüşmə fürsəti eninə-uzununa istifadə etməyə başladılar. Təkcə Feyzbukun Azərbaycanlı istifadəçiləri qadınların toplaşıb rahat-rahat çənə vurduğu, qeybət etdiyi, dərdləşdiyi, yemək reseptləri paylaşdığı, toy-nişandan, zifaf gecəsindən danışdığı, cinsəlliyi müzakirə etdiyi yüzlərlə səhifə var. Gizli arzular və fantaziyalar statuslar və şərhlər şəklində paylaşılır, müzakirə olunur və ən qəribəsi böyük məsələlər haqqında rahatlıqla hökm verilir.

Feyzbukun həyatımıza daxil olmasından sonra namus cinayətlərinin, evdən qaçan qızların, övladını atıb qaçan gəlinlərin də sayında artım var. Statistika dediyimi təsdiq edir. Etiraf edək ki, Feyzbuk evdar qadınlara, azad və sərbəst seçimi olmayan xanımlara xeyli sərbəstlik, rahatlıq yaradıb. Bunun müsbət tərəfləri olsa da, gözə görünən daha çox mənfi nəticələrdir.

Darıxan, ərindən küsən, seksual fantaziyalarını təmin edə bilməyənlər də Feyzbukda özlərinə uyğun məşğuliyyət tapa bilir. Artıq elə bir mərhələyə gəlib çıxmışıq ki, Feyzbuk ailə dağıdır, qan tökülməsinə səbəb olur. Eyni zamanda Feyzbuk ötəri xoşbəxtlik və müvəqqəti səadət məkanıdır. Minlərlə adam öz yarını, heyranını, aşiqini, məşuqunu, oynaşını bu məkanda tapır.

Əvvəllər komplekslər və mental duyğular sərbəstliyi sərhədləyirdi, yanmış kekslərinin fotosunu paylaşıb, “qızlar, keksim yandı L” yazan saxta profilli istifadəçi xanımlar artıq özlərinə virtual sevgili tapıb, azad seksdən danışır. Ağıllı telefonlar və sosial şəbəkələr bütün günü mətbəxdən çıxmayan, camaşır yuyan, ər qulluğunda dayanan, ən gözəl istirahəti Türkiyə və Brazilya istehsalı seriallara baxmaq olan qadınları sanki sehirli bir aləmə salıb. Xəyanət adiləşib, daha doğrusu proses asanlaşıb. Əvvəl utana-utana “sizi bəyənirəm, xoşuma gəlirsiniz” yazan istifadəçilər, indi başdan çıxaran fotolar, ehtiraslı videolarla hücuma keçir. Ala-yarımçıq münasibətlər, təmin olunmayan fantaziyalar, psixoloji gərginliyi artırır.

Ötənlərdə az-az görüşdüyüm tanışlarımdan biri ilə havadan-sudan, iş-gücdən, cəmiyyətin problemlərindən danışırdıq. Tanışım firmaların birində menecerdir və subaydır. Feyzbukda məni izlədiyini, yazılarımı oxuduğunu dedi. Söhbət Feyzbukdakı tanışlıqlardan, ortaq dostlardan düşdü. Tanışım sinəsinə vurub lovğalandı ki, 4-5 evli qadınla danışır və görüşür.

Təəccüblənmədim. Tərəddüdsüz inandım. Çünki, vəziyyətdən xəbərdaram və uzun müddətdir müşahidə edirəm.

Məncə vəziyyət olduqca vahiməlidir, qorxuncdur. Aldadılan da, aldanan da özümüzük. Sosial şəbəkələr 1920-60-cı illərin Amerikasına dönüb. İnsanlarda qəribə rahatlıq yaranıb. Dostlarla hər görüşdə mütləq qəribə bir hekayə eşidirəm. Eyni zamanda Feyzbuk istifadəçisi kimi müşahidələrim də vəziyyətin ciddiliyini sübut edir.

Gəlin birlikdə düşünək, nə baş verir?

REKLAM

Yazarın digər yazıları

Xəbər lenti

Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021
İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021