news-inner
clock08:30 calendar-gray 20 Oktyabr 2014 view-gray1172 dəfə oxunub
view-gray1172 dəfə oxunub

Murakami romanlarının qəhrəmanısızmı? TEST

Haruki Murakami romanlarını çox sevirsən? Oxuyanda özünü qəhrəmanların yerinə qoymusan nə vaxtsa? “Bax bu mənəm! Mən də beləyəm!” demisən yəqin ki. Bəlkə sən də o cür həyat yaşamaq istəmisən.

Kulis.az-ın “The-toast” saytına istinadən təqdim etdiyi bu yazıyla siz Murakami romanlarının qəhrəmanı olma şansınızı test edə bilərsiniz:

Bir fil əsrarəngiz şəkildə yoxa çıxır. Evinə qayıdanda səni nəhəng qurbağanın gözlədiyini görürsən. Göy üzündə eyni anda iki ay peyda olur. Arvadın birdən-birə yoxa çıxır. Qəribə bir adam sənə qoyuna rast gəlib gəlmədiyini soruşur, ya da bir qadın həyatının 10 dəqiqəsini tələb edir. Ətrafına göz gəzdir.

Aşağıdakıları oxu. Bunlardan biri, yaxud bir neçəsi sənlikdirsə, onda Murakaminin bir romanının və ya hekayəsinin qəhrəmanı ola bilərsən. Başına nə gəlirsə-gəlsin, həyatının qadınını da tapsan, sonda xoşbəxt olmayacaqsan. Çünki Murakami dünyasında həmişə nəsə əskik qalır. Çünki katarsis yoxdur.

- Kofeni tünd və südsüz sevirsən.

- Köhnə caz vallarına qarşı dərin bir sevgin var.

- Yad adamlarla hissiyatsız seks sənə asan gəlir. Belə bir təcrübəni dostuna izah etməyə cəhd etsəydin, mümkün olan ən mücərrəd dili istifadə edərdin. Amma təbii ki, bunu heç vaxt etməzsən, çünki dostun yoxdur.

- 1960-cı illərə vurğunsan. Həyatda sadə şeylərdən zövq alırsan: tünd qəhvə, köhnə caz valları, sevmədən sevişmələr... Amma həqiqətən sən 60-cı illərdə yaşasaydın, heç nə dəyişməzdi, yenə də tək-tənha biri olardın.

- Həmişə düşünürsən: hər şey əvvəlki kimi davam etsə, həyat möhtəşəm olardı. Bütün günü fikirləşirsən ki, daha real bir həyat yaşamaq üçün nə etməlisən? Bəxtsizsən, ətrafındakı adamlar kobuddur və sənin diqqətinə layiq deyillər.

- Sənin tamamilə əksin olan bir dostun var. Sən nə qədər sakit və diqqətlisənsə, dostun də o qədər kobud və yaramazdır. Amma həqiqətən yaxşı dostsunuz, özünüzü dayanmadan və amansızlıqla bir-birinizlə müqayisə etsəniz belə.

- Olduğun məkanları qüsursuz şəkildə təsvir etmək qabiliyyətinə maliksən. Hər detalı uzun-uzadı izah edirsən, başqalarına əhəmiyyətsiz görünən şeylər də sənin üçün boşluqları doldurmağın bir yoludur. Səni bir otağı təsvir edərkən dinləmək, o otaqdakı ən kiçik obyekti, məsələn, divarlardakı boyanın qüsursuz hamarlığını belə dəqiqliklə görmək deməkdir. Amma hisslərini təsvir etmək məsələsində çox çətinlik çəkirsən.

- Sənin bir qadına edə biləcəyin ən böyük kompliment onunla yatmamaqdır.

- Qismətin olan bir insan var. Onunla münasibətin sadəcə eşq deyil, sənin bütövlükdə varlığınla əlaqəli bir şeydir. Bəşəriyyət əslində sənin o adamla rastlaşmağın üçün yaradılıb.

- Evini tərk edib nəyinsə ardınca düşmək məcburiyyətində qalmısan, amma axtardığın şeyin nə olduğunu sən də bilmirsən. Beş ulduzlu otellərə, kiçik qəsəbələrə, pəjmürdə motel otaqlarına, dağ başlarındakı psixiatriya klinikalarına, bir yunan adasına gedirsən. Və bir şey olsun deyə gözləyirsən. Çox uzun sürür. Lakin olmasını gözlədiyin şeyin çoxdan baş verdiyini görmək üçün sonda mütləq geriyə dönməyin lazımdır. Bu səni təəccübləndirir, yenə də hər şey bitəndə hələ nəyinsə çatışmadığını hiss edirsən. Nə etsən də, bu hiss keçmir, çünki bu kainatda katarsis deyə bir şey yoxdur.

QEYD: Bu test yalnız kişilər üçün keçərlidir. Çünki sən Murakami romanlarında qadınsansa, bir azdan yerli-dibli yoxa çıxacaqsan...

Oxşar xəbərlər

Xəbər lenti

41 ölkə “Eurovision-2021”də iştirakını təsdiqləyib
18:53 26 Oktyabr 2020
Səyyad Aranın romanı Türkiyədə çap olundu
18:15 26 Oktyabr 2020
Özündən 30 yaş kiçik tələbəsinə aşiq oldu, 4 dəfə evləndi, övladını vəhşicəsinə qətlə yetirdilər – Məşhur diktordan maraqlı faktlar
17:35 26 Oktyabr 2020
Xalq yazıçısının dünya yazıçılarına müraciəti əcnəbi mediada - Fotolar
16:56 26 Oktyabr 2020
Tanınmış rejissorun kitabı ilk dəfə Azərbaycan dilində
16:11 26 Oktyabr 2020
Gilasdan da yeyin, cənab Makron – Sərdar Amin yazır...
15:30 26 Oktyabr 2020
Maestro Ceyhun: “Köçüb Qubadlıda yaşayacam”
14:37 26 Oktyabr 2020
“Qızım orduya yazılıb” - Qubadlı yazarları qələbə sevincini bölüşür
13:50 26 Oktyabr 2020
Kuklada uşaqlar üçün tamaşa
13:12 26 Oktyabr 2020
Bayrağımız Xankəndidə yellənsin! - Əjdər Oldan Qarabağ şeirləri
12:29 26 Oktyabr 2020
Müharibə dövrünün Facebook meymunları – Fəridə yazır...
11:30 26 Oktyabr 2020
Qubadlı üçün ən gözəl qayıdış şeiri - Mətn
11:12 26 Oktyabr 2020
Ramiz Rövşən Qubadlıdan danışdı: "Belə tez alınacağını gözləmirdim”
10:30 26 Oktyabr 2020
Bakıda özbək şairinin kitabı çap olundu
10:08 26 Oktyabr 2020
Almas İldırımın oğlu: “Atamın məzarını dağıdıb üstündən yol çəkdilər” – Müsahibə
08:59 26 Oktyabr 2020
Zəngilanlı aktyor: "Ordan çıxan gün 11 yaşım tamam olurdu" - Video-söhbət
16:30 24 Oktyabr 2020
Türkiyəli yazar vəfat etdi
15:26 24 Oktyabr 2020
Azərbaycanlı rəssamın sərgisi İstanbulda
14:19 24 Oktyabr 2020
Tolstoy hansı şairin qızını sevmişdi? - Elçin yazır...
13:30 24 Oktyabr 2020
Ömürlə peşmanlıq oyunları
12:21 24 Oktyabr 2020