Azərbaycan Dövlət Akademik Milli Dram Teatrında Toktogul Satılqanov adına Qırğız Milli Filarmoniyası dahi qırğız yazıçısı Çingiz Aytmatovun əsəri əsasında hazırladığı “Cəmilə” musiqili-tamaşasını təqdim edib.
Kulis.az xəbər verir ki, tamaşadan əvvəl çıxış edən Qırğızıstanın mədəniyyət, informasiya və gənclər siyasəti naziri Mirbek Mambetaliyev Qırğızıstan ilə Azərbaycan arasında mədəni əlaqələrin hazırda yeni inkişaf mərhələsini yaşadığını qeyd edib.
“Xalqlar arasında dostluq münasibətləri birgə layihələr vasitəsilə daha da möhkəmlənir. “Cəmilə” əsəri əsasında hazırlanan müzikl-tamaşa sevgi, ləyaqət və insanpərvərlik kimi ali dəyərləri tamaşaçılara çatdırır”,- deyə Mirbek Mambetaliyev əlavə edib.
Daha sonra qonaqlar tamaşanı izləyiblər.
“Cəmilə” Çingiz Aytmatovun 1958-ci ildə qələmə aldığı ilk iri həcmli povestlərdən biridir. Əsərdə Daniyar ilə Cəmilənin məhəbbəti gənc Seyidin dili ilə təsvir olunur.
Musiqili tamaşada əsas rolları Ayzada Mukanbet Kyzy, Tamga Aybek Kyzy, Kural Çokoyev və Miran Janarbayev ifa edir.
“Cəmilə”nin quruluşçu rejissoru Qırğızıstanın Əməkdar artisti Bolot Tentimişov, layihə rəhbəri Xalq artisti Qyrgyzbay Osmonovdur. Librettonun müəllifləri Əməkdar mədəniyyət xadimi Zayidin Uulu Ulan, Əməkdar artist Bolot Tentimişov, bəstəkarı isə Əməkdar artist Murzali Jeenbayevdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər