“Nyu-York Tayms”a 160 ildən sonra ilk qadın baş redaktoru

Sənət

Ana səhifə
Sənət

“Nyu-York Tayms”a 160 ildən sonra ilk qadın baş redaktoru

4 iyun 2011

08:00

Nyu-York Tayms qəzetinin səkkiz illik baş redaktoru Bill Keller bu ilin sentyabr ayında təqaüdə çıxacaq.

Kulis.az AFP-yə istinadən xəbər verir ki, qəzetə sentyabrdan sonra Cil Abramson başçılıq edəcək. Abramson 160 illik aradan sonra Nyu-York Taymsın ilk qadın baş redaktoru olacaq.

Abramson, qəzetə 1997-ci ildə “The Wall Street” jurnalından gəlib. 2000-ci ildə qəzetin Vaşinqton bölməsinin şef-redaktoru olub.
Keçən ildən isə Nyu-York Taymsın internet versiyasının baş redaktoru vəzifəsini alıb.

Eks baş redaktor Keller isə qəzetdə adi reportyor vəzifəsində əməkdaşlığa davam edəcək.

Hazırda qəzetin saytına 33 milyonu ABŞ-dan daxil olmaqla, 46 milyon oxucuya çatır. 1 milyondan yuxarı tirajla buraxılan qəzet ABŞ-da üçüncü ən böyük informasiya mənbəyidir.

Qeyd edək ki, bundan əvvəl Assosiated Press və Chicago Tribune qəzetlərində qadın baş redaktor təyin olunub.

Günel ƏSGƏRZADƏ