Bakı bir çox şəhərlərlə müqayisədə heykəllərin çoxluğu ilə seçilir. Klassik sənətkarlarımızın şəhərin mərkəzindəki istirahət parklarında, eləcə də əhalinin çox olduğu səmtlərdə qoyulmuş olan heykəllərin ətrafındakı insanlarla sorğu keçirmək qərarına gəldik.

İlk dayanacağımız “28 may” metrosu yaxınlığındakı Cəfər Cabbarlı heykəli oldu. Günorta saatları olduğundan hava isti və heykəlin ətrafı seyrəklik idi. Sorğumuzda iştirak edən 60 yaşlı Ziyafət Ağayev dramaturqun bütün əsərlərini oxuduğunu, xüsusilə “Od gəlini” pyesini çox sevdiyini bildirdi. Eləcə də mühəndis işləyən 51 yaşlı Şahbur Əsədov heykəlin C.Cabbarlıya məxsus olduğunu və onun bütün bütün əsərlərini ardıcıllıqla sıralamağı bacardı. O, “Solğun çiçəklər” pyesini yazarkən ədibin 17 yaşı olduğunu da vurğuladı.

Rastlaşdığımız daha üç şəxs heykəlin Cəfər Cabbarlıya məxsusluğunu bilsələr də, onun əsərləri və yaradıcılığı haqqında məlumatsız oluqlarını büruzə verdilər.

Oxşar halla Səməd Vurğun bağındakı şairin heykəli ətrafında da rastlaşdıq. Beş sakindən iki nəfəri heykəlin Səməd Vurğuna aid olduğunu və əsərlərindən sitat gətirməyi bacardılar. 78 yaşlı təqaüdçü Elmir Sarıyev Səməd Vurğunun bütün yaraıcılığına bələd oluğunu sübut edərək şairin “Heç yana tələsmirəm”, “Azərbaycan” şeirlərindən parçalar söylədi. “Vaqif”, “Aygün”, “İnsan”, “Xanlar” poemalarının adlarını vurğuladı.

Mirzə Ələkbər Sabirin heykəli ətrafında təxminən altı oxucudan üçü onun kimliyini və “Hophopnamə”sini xatırladılar. Neft Akademiyasının tələbəsi olan 19 yaşlı Səadət Cəfərova Sabirin “Oxutmuram, əl çəkin” adlı şeirini əzbərdə saxladığdını sübut etdi.

Nizami Gəncəvinin heykəli ətrafında üç nəfər ilə apardığımız sorğuda bir nəfər Bakı Dövlət Universitetinin fars dili və ədəbiyyatı fakültəsinin tələbəsi olan Orxan, Nizami Gəncəvinin “Xəmsə”sinə daxil olan beş əsərinin adını sıraladı.

Məhəmməd Füzulinin heykəli ətrafında isə rastlaşığımız sakinlər Füzulinin heykəlini tanısalarda, əsərlərinin adlarını bilmədilər.

Samirə Əşrəf

• Nobel mükafatlı Lyosa vəfat edib
• "Ona yüksək qonorar vəd etmişdilər" - Səməndər Rzayev niyə Riqaya getmədi?
• 19 yaşlı erməni 40 yaşlı Axundova sifariş verə bilərdimi? - İttihama cavab