Əli Əmirli “Hasarın o üzü “ndə

Əli Əmirli “Hasarın o üzü “ndə
11 aprel 2011
# 15:03
Azərbaycan Respublikası Mədəniyyət və Turizm Nazirliyinin dəstəyi ilə yazıçı-dramaturq Əli Əmirlinin “Hasarın o üzü” adlı pyeslər kitabı 500 nüsxə tirajla çapdan çıxib.

Kulis.az-a müəllifin verdiyi məlumata görə dramaturqun ikinci pyeslər kitabı olan bu nəşrdə tamaşaçılara və oxuculara yaxşı tanış olan və ölkənin bir sıra teatrlarında tamaşaya qoyulmuş “Messenat”, “Köhnə ev”, yazıldığı 1999-cu ildən səhnədən düşməyən, Azərbaycan, rus, tacik, qırğız, qazax, kumık və ləzgi dillərində on iki teatrda tamaşaya qoyulmuş və 2009-cu ildə Orta Asiya ölkələrinin II Beynəlxalq Teatr Festivalında iki nominasiya üzrə qızıl medala layiq görülmüş “Varlı qadın”, “İyirmi ildən sonra”, “Sevən qadın” pyesləri ilə yanaşı, hazırda Dövlət Gənc Tamaşaçılar Teatrında tamaşaya hazırlanan “M.S.S. – Mən səni sevirəm”, “Bütün deyilənlərə rəğmən və ya Ağa Məhəmməd şah Qacar”, “Əli və Nino” (eyni adlı məşhur romanın motivləri əsasında), kitaba ad vermiş “Hasarın o üzü” və “Səhnədə məhəbbət” pyesləri daxil edilib.

Kitab oxucuya müəllifin müraciəti ilə açılır: “Hörmətli oxucum, bu yeni kitabımla səni ürəkdən salamlayıram, səninlə bir daha görüşmək imkanından məmnuniyyət hissi duyuram. Ədəbi yaradıcılığımın iyirmi ilini qismən əhatə edən bu kitaba yeni yazdığım və yazılma tarixindən asılı olmayaraq daha çox sevdiyim pyeslərimin bir hissəsini daxil etdim, adını da qoydum “Hasarın o üzü”. Bu adı kitabdakı pyeslərin birindən götürdüm, bu həm də altmış yaşını tamam eləmiş yazıçının artıq hasarın o üzü haqqında düşünməsinə işarədir ”.


Ramilə Qurbanlı
# 2401 dəfə oxunub

Oxşar xəbərlər

"Belə mətnləri yazmaq sənətkarlıq tələb edir" - Hekayə müzakirəsi

"Belə mətnləri yazmaq sənətkarlıq tələb edir" - Hekayə müzakirəsi

14:00 15 aprel 2025
Labroides - Nahid Hacıyevin yeni hekayəsi

Labroides - Nahid Hacıyevin yeni hekayəsi

09:00 15 aprel 2025
"Mən də elə bildim, bu yazını yaşlı, təcrübəli adam yazıb" - Sabir Rüstəmxanlı

"Mən də elə bildim, bu yazını yaşlı, təcrübəli adam yazıb" - Sabir Rüstəmxanlı

12:00 13 aprel 2025
"Kişisən, oxuyandan sonra bacardığın kimi söy" - Arif Acaloğlunun məktubu

"Kişisən, oxuyandan sonra bacardığın kimi söy" - Arif Acaloğlunun məktubu

17:00 10 aprel 2025
AzDrama niyə bu gündədir? - Firuz Mustafa

AzDrama niyə bu gündədir? - Firuz Mustafa

12:00 10 aprel 2025
"Məhbuslar dənizdə batırılırdı, o vaxt Bakıda balıq ətindən kütləvi zəhərlənmə olmuşdu" - Ruhulla Axundovu niyə öldürmək istəyirdilər?

"Məhbuslar dənizdə batırılırdı, o vaxt Bakıda balıq ətindən kütləvi zəhərlənmə olmuşdu" - Ruhulla Axundovu niyə öldürmək istəyirdilər?

09:00 10 aprel 2025
# # #