40 yaşına çatmış insanın həyatında öyrənməli olan şeylər nələrdir?
1. Bəzən “yox” deməyi bacarmaq.
2. Sevişərkən daha çox zövq almağın yollarını axtarıb tapmaq.
3. İşləmək qədər dincəlməyə də vaxt ayırmaq lazım olduğunu öyrənmək.
4. Bahalı bir restoranın menyusundan ən yaxşı şərabı seçməyi bacaracaq qədər şərab bilgisinə sahib olmaq.
5. Əgər dəyişdirə bilmirsənsə, gördüyün işi sevmək.
6. Yaşadığın şəhəri bir turistə bələdçilik edəcək qədər yaxşı tanımaq.
7. Uşaq istəyib istəmədiyindən əmin olmaq.
8. Evin idarə edilməsinin təməllərini bilmək . (İşıq, qaz, su məsələləri...)
9. Ac qalmayacaq qədər mətbəx qabiliyyətinə sahib olmaq. Yumurta bişirmək, kartof qızartmaq üçün kulinariya məktəblərində oxumağa ehtiyac yoxdur.
10. Fobiyaları məğlub etmək. Ağbirçək qadınsınız, amma hələ də küçə pişiklərindən qorxursunuzsa, yaxud iş adamı olmağınıza baxmayaraq təyyarədən qorxduğunuz üçün uzun yolları avtomobillə gedirsinizsə qorxularınızı məğlub etməyin zamanı gəlib.
11. Hobbilərə malik olmaq. Boş vaxtları dəyərləndirmək üçün məşğuliyyət tapmaq yaşlanmağın ən mühüm özəlliyidir.
12. Bədəninizin səsini eşidin. Enerjinizin 20 yaşındakı enerji olmadığına başa düşün, onu boş yerə xərcləməyin.
13. Görünüşünüzə fikir verməyi öyrənmək. Bir-birinə qarışmış, daranmamış saçlar, ütüsüz paltarlar 40 yaşlı adama yaraşmaz.
14. Bədənə uyğun geyinmək. Gənc qalmaq yaxşıdır, ancaq 10 illik dar şalvarın içinə yerləşməyə cəhd etmək olmaz.
15. Xaricdə sağ qalmağı bacaracaq səviyyədə xarici dil qabiliyyətinə sahib olmaq.
16. Tək başına səyahətə getməyin dünyanın sonunun əlaməti olmadığını qəbul etmək və ən azı bir dəfə harasa tək gedib dincəlmək.
17. Bir partidə asosial görünməmək üçün rəqs etməyi bacarmaq.
18. Heç tanımadığın insanlarla söhbət etməyi bacaracaq qədər ünsiyyətcil olmaq.
19. Kəşf etmək istədiyin, gəzə biləcəyin yerləri planlaşdırmaq.
20. İşsiz olanda dolanmaq üçün ehtiyatda pulunun olmağı.
21. Çılğınlıq etmək üçün heç vaxt gec olmadığını anlamaq.
22. Səhv olduğunu anlayanda üzr istəməyi bacarmaq.
23. Komanda işinin və birliyin gücünü qavramaq.
24. Təhqir və tənqid arasındakı fərqi öyrənmək.
25. Fərqli dadlara açıq olmaq. Bu həyata bir dəfə gəlirsiniz. Suşi yemədən, kenquru ətinin dadına baxmadan ölüm getməmək üçün, fürsət tapdıqca “dilimə də 
vurmaram” dediyiniz şeylərin dadına baxmaqda fayda var.
26. Yemək, içki yaxud sevdiniz serial... Həddi aşmamağı öyrənə bilmək.
27. Dalana dirənəndə mövcud vəziyyətdən çıxmağı bacarmaq.
28. Həyatda hər istədiyinizin olmayacağını qəbul etmək.
29. Ətrafınızda həmişə sizdən gözəl, ağıllı və uğurlu insanlar olacağını, rəqabətə girməyin sizə bir şey qazandırmayacağını qəbul etmək.
30. Heç kimin və heç nəyin əvəzedilməz olmadığını anlamaq. Bu yaşa kimi yəqin ki, çoxlu sayda insanlarla münasibətdə olmusunuz, sizi tərk edənlər də çox olub. Yəni 40 yaşda sizi tərk edənin arxasınca “o olmazsa, yaşaya bilmərəm” deməməyi bacarmaq.
31. Məcburiyyət qarşısında vəziyyəti idarə etməyi bacarmaq. Sevgilinizin xətrinə sevmədiyiniz halda onun ailəsi yeməyə getmək, yaxud dostları ilə görüşmək və s.
32. Qarşındakını dinləməyi öyrənmək.
33. Kiməsə təsəlli vermək, çətin anlarında onun yanında olmağı öyrənmək. 40 yaş elə bir dövrdür ki, təkcə partilərdə deyil, yas mərasimlərində də dostların yanında olmaq lazım olur.
34. Sizə yük olan insanlarla münasibətləri kəsməyi bacarmaq. Ən yaxın dostunuzla aranızdakı xoş hisslər sadəcə rəqabətə çevrildisə, yaxud illər sizi bambaşqa insanlara çevirdisə, artıq həmin dostlardan uzaqlaşmaq vaxtı gəlib çatıb.
35. Tez-tez görüşməsəniz də, sevdiklərinizlə əlaqə yollarını açıq saxlamağı öyrənmək.
36. Xırda şeyləri dərd etməməyi öyrənmək. İşə gecikmək, maşını cızmaq, ən çox sevdiyiniz bir əşyanızı salıb sındırmaq əslində elə də mühüm deyil. İllər insana detallarda yoxa çıxıb mənzərənin bütövlüyünü itirməməyi öyrədir.
37. Qəzəbinizi idarə etməyi bacarmaq. Əsəbiləşmək çox normal bir reaksiyadır. 40 yaşına çatmış insanın öyrənməli olduğu şeysə mümkün olduğu qədər əsəblərini cilovlamaq, problemləri masa ətrafında həll etməyi bacarmaqdır.
38. İçki masasında neçənci qədəhdən sonra dayanmaq lazım olduğunu öyrənmək.
39. Keçmişdəki səhvlərinizə görə özünüzü günahlandırmamağı, özünüzü bağışlamağı öyrənmək.
40. Yaşadığınız acı təcrübələr və travmaların öhdəsidən gəlmək üçün nəsə etmək. Səbəb-nəticə əlaqələri üzərində baş sındırmaq, lazım olsa bir mütəxəssisdən kömək istəmək.
Mənbə: “Hürriyet Pazar”
