Bu gün görkəmli ABŞ şairi və yazıçısı Lenston Hyuzun doğum günüdür.

Kulis.az Aytəkin Mirişovanın tərcüməsində onun şeirlərini təqdim edir.

Zənci

• "Başını kəsmə, boşa!" – 33 yaşlı Xumarı niyə öldürdülər?
• Yaddan çıxan qadınlar, kişilərin soyqırımı - Rəşad Məcid
• Əməkdar artistin bu ölkəyə girişinə qadağa qoyuldu

Zənciyəm mən
Gecə kimi qarayam
Afrikamın dərinlikləri kimi qara.
Kölə olmuşam mən
Sezar əmr etdi, evini təmizlədim,
Vaşinqtonun ayaqqabılarını boyadım.
İşçi olmuşam mən,
Əlimin altında qurulub piramidalar,
Vulvort binasının bünövrəsi.
Nəğməkar olmuşam mən,
Afrikadan Corciyaya qədər
Yaymışam qəmli nəğmələrimi
Və onların ritmini.
Qurban olmuşam mən,
Konqoda qollarımı qopardı belçikalılar,
Və hələ də Missisipidə əzilməkdəyəm.
Zənciyəm mən
Gecə kimi qarayam
Afrikamın dərinlikləri kimi qara.

Xəyallar

Xəyallardan möhkəm yapış
Əgər ölsə xəyallar
Qanadı qırıq quş olar həyat
Uçmaz.
Xəyallardan möhkəm yapış
Əgər bitsə xəyallar
Bəhrəsiz torpaq olar həyat
Donar.

• "Başını kəsmə, boşa!" – 33 yaşlı Xumarı niyə öldürdülər?
• Yaddan çıxan qadınlar, kişilərin soyqırımı - Rəşad Məcid
• Əməkdar artistin bu ölkəyə girişinə qadağa qoyuldu