İslam Təhsil, Elm və Mədəniyyət Təşkilatı (ICESCO ) və Heydər Əliyev Fondu Azərbaycan şairəsi, ictimai xadimi Xurşudbanu Natəvanın şərəfinə "Natəvan" mükafatının təsis edildiyini elan ediblər.

Kulis.az xəbər verir ki, bu barədə ICESCO məlumat yayıb.

Qeyd olunub ki, mükafat "İslam dünyasında mədəni irsin idarə edilməsi və qorunması sahəsində qabaqcıl təcrübənin təşviqi və populyarlaşdırılması sahəsində nailiyyətlərə" töhfə verən şəxslərə təqdim ediləcək.

Qeyd olunub ki, mükafat maddi irsin qorunması və idarə edilməsi sahəsində qabaqcıl təcrübəni təşviq edir, həmçinin İslam dünyasında irsin populyarlaşdırılmasına və tanınmasına kömək edir.

Mükafat fərdi layihə üçün 30 min dollar, birgə layihə üçün isə 100 min dollar məbləğində pul mükafatından ibarət olacaq.

"Natəvan" mükafatını almaq üçün layihənin uyğun olmalı olduğu meyarlar bunlardır:

Layihə ICESCO-nun üzv dövlətlərindən birində həyata keçirilməli, ICESCO-nun iştirakçısı olan ölkələrdən biri rəhbərlik etməli və üç illik müddəti əhatə etməlidir.

Şərtlərə görə, mükafat almaq məqsədilə layihələrin təqdim edilməsi üçün son müddət 30 sentyabrdır, 2026-cı il fevralın 1-də seçilmiş layihələrin qısa siyahısı, aprelin 18-də qaliblər elan ediləcək.

Qeyd edək ki, 2026-cı il iyulun 1-də ən yaxşı layihələr dərc olunacaq və mükafat açıqlanacaq.

• "Mən və dünya" fərqi - Yeniyetmələr niyə kriminal romantikanın təsirinə düşürlər?
• Arif Acaloğlunun öldüyü qəza ilə bağlı ailəsinə barışıq üçün məbləğ təklif olundu
• Diri yüzlükdən savayı bir şey deyilsiniz