Azərbaycan Respublikası Kinematoqrafçılar İttifaqında “Zaman və Məkan” sənədli filmlərin ssenari müsabiqəsinin qaliblərinin mükafatlandırılma mərasimi keçirilib.

APA-nın məlumatına görə, tədbiri giriş sözü ilə açan ittifaqın birinci katibi, əməkdar incəsənət xadimi Cəmil Quliyev ssenari müsabiqəsinin təşkil olunmasının məqsədindən danışıb.

C. Quliyev qeyd edib ki, müsabiqə kinematoqrafiya sahəsində gənclərin yaradıcılıq fəaliyyətini inkişaf etdirmək, gənc və istedadlı müəllifləri aşkara çıxarmaq, həmçinin milli kinomuza yeni fikir, yeni nəfəs gətirmək məqsədi ilə keçirilir.

İttifaqın sədri, xalq artisti Şəfiqə Məmmədova müsabiqənin həm də digər sahələrdə çalışan gənclərə kinoda özlərini sınamaq imkanı yaratmaq və bununla da mövcud rəqabəti gücləndirmək üçün nəzərdə tutulduğunu diqqətə çatdırıb. Ş. Məmmədova rəhbərlik etdiyi ittifaqın ssenarisi qalib olan şəxslərə fəaliyyətlərini bundan sonra da davam etdirmələri üçün hər cür köməklik göstərməyə hazır olduğunu vurğulayıb.

Müsabiqənin qalibləri - “Şükriyyə taleyim” ssenarisinin müəllifi Cavid Zeynallı, “Bakının su əfsanəsi” ssenarisinin müəllifi Rəşad Şükürov, “Qara Qızıl” ssenarisinin müəllifi Seyran Əmirov çıxış edərək Azərbaycan Respublikası Kinematoqrafçılar İttifaqına, onun rəhbərliyinə və münsiflər heyətinə təşəkkürlərini bildiriblər. Onlar Kinematoqrafçılar İttifaqının bundan sonra da elan edəcəyi ssenari müsabiqələrində iştirak edəcəklərini deyiblər.

• Əbədiyyətin yaşadığı ev - Məmməd İsmayıl haqqında
• Dərin psixoloji romanların müəllifi... - Patrik Vayt niyə şöhrətdən qaçırdı?
• “Azərbaycanda alman izləri” kitabı nəşr olunub