Azərbaycan YUNESKO-nun vitse-prezidenti seçilib

Azərbaycan YUNESKO-nun vitse-prezidenti seçilib
16 noyabr 2017
# 14:52

YUNESKO-nun mənzil qərargahında qurumun Ümumdünya İrs Komitəsinin növbədənkənar sessiyası keçirilib. Sessiyada komitəyə seçilmiş 12 yeni üzv ölkə də iştirak edib. Xatırladaq ki, Azərbaycan 2015-ci ildə dörd il müddətinə bu komitəyə üzv seçilib.

Kulis.az Azərtaca istinadən xəbər verir ki, növbədənkənar sessiyada Azərbaycan növbəti il üçün komitənin vitse-prezidenti seçilib. Bəhreyn, Braziliya, İspaniya, Zimbabve və Çin ilə yanaşı, komitənin Bürosuna üzv olub.

İrs Komitəsinin növbəti il üçün sədri Bəhreyn seçilib. Gələn il komitənin 42-ci sessiyasının Bəhreynin paytaxtı Manama şəhərində keçirilməsi planlaşdırılır.

Ümumdünya İrs Komitəsi 1972-ci il mədəni və təbii abidələrin mühafizəsi üzrə YUNESKO Konvensiyasının effektiv icrası, mədəni və təbii abidələrin Dünya İrs Siyahısına daxil edilməsi, eləcə də bu abidələrin mühafizəsi və mədəni irsin qorunması üzrə digər önəmli qərarların verilməsinə cavabdeh olan təşkilatın önəmli qurumudur.

Ölkəmizin Büroya seçilməsi komitənin yuxarıdakı məsələlərlə bağlı qərarlarında, eləcə də komitə sessiyalarının gündəliyinin formalaşdırılmasında yaxından iştirak etmək imkanı yaradır.

Qeyd edək ki, Azərbaycanın iki mədəni abidəsi - 2000-ci ildə İçərişəhər, 2007-ci ildə isə Qobustan qoruğu Ümumdünya İrs Komitəsi tərəfindən bu mötəbər siyahıya daxil edilib. Hazırda ölkəmiz tərəfindən yeni abidələrin bu siyahıya daxil edilməsi istiqamətində fəal iş aparılır.

# 1726 dəfə oxunub

Oxşar xəbərlər

Trabzonda azərbaycanlı müəllim - Aliyə Aşurbəylinin atası Atatürkə məktubunda nə yazmışdı?

Trabzonda azərbaycanlı müəllim - Aliyə Aşurbəylinin atası Atatürkə məktubunda nə yazmışdı?

15:00 27 mart 2026
Səsin rəngi, dadı və dərdi - Səməndər Rzayevi bizə doğma edən nə idi?

Səsin rəngi, dadı və dərdi - Səməndər Rzayevi bizə doğma edən nə idi?

12:00 27 mart 2026
Məşhur müğənni motosiklet qəzasında vəfat etdi

Məşhur müğənni motosiklet qəzasında vəfat etdi

11:15 27 mart 2026
Bu gün Beynəlxalq Teatr Günüdür

Bu gün Beynəlxalq Teatr Günüdür

10:43 27 mart 2026
"Mən daha mübarizə edə bilmirəm" - Virciniya Vulfun son məktubu

"Mən daha mübarizə edə bilmirəm" - Virciniya Vulfun son məktubu

10:20 27 mart 2026
"Anar ömrünün axırınacan sədr qalsın" - O, əsl avtoritetdir...

"Anar ömrünün axırınacan sədr qalsın" - O, əsl avtoritetdir...

17:38 26 mart 2026
#
#
Ana səhifə Yazarlar Bütün xəbərlər