Azərbaycan ilk dəfə Boloniya kitab sərgisində

Azərbaycan ilk dəfə Boloniya kitab sərgisində
1 aprel 2019
# 18:46

Bu il 1-4 aprel tarixində Azərbaycan ilk dəfə olaraq İtaliyanın Bolonya şəhərində keçirilən, 55 illik tarixə və beynəlxalq nüfuza malik Bolonya Beynəlxalq Uşaq Kitab Sərgisində təmsil olunur.

Kulis.azın verdiyi xəbərə görə, Bolonya sərgisində 80 ölkədən uşaq ədəbiyyatı sahəsi üzrə naşirlər, kitab evləri, kitab yayıcıları, yazarlar və digər müvafiq qurumlardan ibarət 1400-ə yaxın iştirakçı qatılmışdır, ümumilikdə sərgiyə 28 000 nəfərdən artıq ziyarətçi axını gözlənilir.

Yerli nəşriyyatlarımız – “Şərq-Qərb”, “Qələm”, “Altun kitab” və F.Köçərli adına Respublika Uşaq Kitabxanasının əməkdaşlarının da iştirak etdiyi sərgi zamanı xüsusi dizaynda hazırlanmış Azərbaycan stendində 4 gün boyunca Azərbaycan mədəniyyəti, kitab sənəti, xüsusi ilə Azərbaycan uşaq ədəbiyyatının tanıdılması, nümayişi və kitab təqdimatlarının təşkili, nəşriyyat və poliqrafiya sahəsində xarici tərəfdaşlarla əlaqələrin qurulması nəzərdə tutulur.

Sərgi çərçivəsində milli stenddə “Azərbaycan Kitabının Dünyaya Tanıdılması” (AKDT) layihəsinin təqdimatı keçirilir və sərgi ziyarətçilərinə layihə haqqında geniş məlumat verilir. Layihə Azərbaycan ədəbiyyatı nümunələrinin müxtəlif dillərə çevirilməsi, çap olunması və xarici oxuculara təqdim olunmasını özündə ehtiva edir.

Sərgidə iştirak edən müxtəlif ölkələrin nəşriyyatlarını təmsil edən nümayəndələrinə Bakı şəhərində iki ildən bir beynəlxalq nüfuza malik Bakı Beynəlxalq Kitab Sərgi-Yarmarkası haqında məlumat verilir və onlar sərgidə iştiraka dəvət edilir. Qeyd edirik ki, Bakı Beynəlxalq Kitab Sərgi-Yarmarkası 2019-cu ilin 27-29 sentyabr tarixində keçiriləcəkdir.

# 2638 dəfə oxunub

Oxşar xəbərlər

Şair Həsən Kürün vəziyyəti açıqlandı

Şair Həsən Kürün vəziyyəti açıqlandı

22:43 23 fevral 2025
Ermənistanın futbol klubuna qaçan "neftçili" - Banişevski və itirilmiş yaddaş

Ermənistanın futbol klubuna qaçan "neftçili" - Banişevski və itirilmiş yaddaş

12:00 23 fevral 2025
Bakıda kütləvi hipnoz terapiyaları keçirilirmiş - APA TV

Bakıda kütləvi hipnoz terapiyaları keçirilirmiş - APA TV

22:47 22 fevral 2025
Gənc şair Həsən Kür intihara cəhd etdi - Foto

Gənc şair Həsən Kür intihara cəhd etdi - Foto

21:03 22 fevral 2025
Mətbəə 60 ildən sonra muzeyə çevrildi

Mətbəə 60 ildən sonra muzeyə çevrildi

14:22 22 fevral 2025
Salman Rüşdini bıçaqlayan şəxs məhkəmə qarşısında

Salman Rüşdini bıçaqlayan şəxs məhkəmə qarşısında

13:00 22 fevral 2025
#
#
# # #