Bu il Kann festivalının münsiflər heyətinə kimin sədrlik edəcəyi məlum olub.

Kulis.az-ın türk mətbuatına istinadən verdiyi xəbərə görə, 71-ci Beynəlxalq Kann kinofestivalının jürisinə aktrisa Keyt Blanşet rəhbərlik edəcək.

“Oskarlı” Keyt Blanşet bu festivalda jüri sədri seçilən 10-cu qadındır. Bundan əvvəl jüri sədri kürsüsündə Oliviya Haviland (1965), Sofi Loren, (1966), Mişel Morqan (1971), İnqrid Berqman (1973), Janna Moro (1975 və 1995), Fransuaza Saqan (1979), İzabella Adcani (1997), Liv Ulmann (2001), İsabel Yupper (1999) və Qızıl palma budağı qazanmış yeganə qadın rejissor Jan Kampion əyləşib.

Keyt Blanşet “Üzüklərin hökmdarı” trilogiyası başda olmaqla, “Elizabet”, “Babil”, “Yaxşı alman”, “Manifesto”, “Bay Ripley” filmlərində yaddaqalan obrazlar yaradıb.

2004-cü ildə Ketrin Hepberni canlandırdığı “Aviator” filmində isə “Ən yaxşı aktrisa” nominasiyasında Oskara layiq görülüb. 2012-ci ildə Vudi Allenin “Mavi gözlü Jasmin” filmində “ən yaxşı aktrisa” nominasiyasında ikinci Oskarı qazanıb.

Xatırladaq ki, 71-ci Kann festivalı 8-19 may tarixlərində keçiriləcək.

• Amerikalı aktyor: "Yatağımın yanında "Quran" var"
• "Milli Kitab 10-luğu" - "Dumanlı Təbriz"
• "Dallas"ın ulduzu vəfat etdi